Inuit Ataqatigiit ileqquusumik ataatsimeersualerput
Inuit Ataqatigiit ileqquusumik ataatsimeersuarneri ukiut pingasukkaartumik pisarput, ileqquusumik ataatsimeersuarnissaq ilaatigut covid-19 peqqutigalugu ukioq kingulleq pisinnaasimanngitsoq aasaq manna aggustip arfernaniit arfineq pingajuat ilanngullugu Qaqortumi pisussanngorpoq. Immikkoortortaqarfiit qinikkallu peqatigiillutik ukiuni tulliuttuni pingasuni naalakkersuinikkut anguniakkanik aalajangersaallutillu partiip siulersuisuunerinik qinersissapput. Ataatsimeersuarneq Qaqortumi immikkoortortaqarfipput suleqatigalugu ingerlanneqassaaq. Ataatsimeersuarnermi najuussinnaatitaapput soqutiginnittut, alaatsinaattut qaaqqusallu. Ataatsimeersuarnermi pilersaarut malittarisassavut malillugit ataatsimeersuarnissaq sap. ak. pingasut sioqqullugu […]
Issittumi ineriartornermut sunniuteqassaagut
Naalakkersuisut siulittaasuata naalagaaffeqatitta siuttuinik sapaatip akunnerata siuliani ataatsimeeqateqarnerani oqariartuutigineqartoq Inuit Ataqatigiit inissaminiittutut isigalugu nuannaarutigaat. Issittumi Siunnersuisoqatigiinni nunatta akuutinneqarnera annertunerulersinneqarmat pissusissamisoorluinnarpoq, uagummi tassaavugut naalagaaffeqatigiinni issittormiut. Ukiuni aggersuni nunanut allanut sillimaniarnermullu politikki eqqarsaatigalugu Inuit Ataqatigiit nunatta Inatsisartuisa suli annerusumik naalagaaffeqatigiinnerup iluani sunniuteqarnerulernissaat siunertaralugu sulissaaq. Pingaartuteqartutut isigaarput suleriaatsit naalagaaffeqatigiinnerup iluani atuutut maanna nunatta soqutigineqarnera eqqarsaatigalugu nutarterneqassasut. Issittumi Siunnersoqatigiinni […]
Avatangiisinut iliuutsivut kinguneqartuaannarput
Ulluni makkunani uumatitsiviit atorlugit saarullinnik tunisassiorneq aalassassimaarutaavoq. Inuit Ataqatigiinni ajuusaarnartutut alianartutullu isigaarput pisuussutivut uumassusillit uumatitsivinni toqorartut takugatsigit. Nunatsinni aalisarneq aningaasarsiornikkut inuussutissarsiornikkullu tunngavigalugu nunarsuarmi niuernikkut unammillersinnaanissarput pingaartuteqarpoq, saarulliillu ummatitsivinni toqorarnerat isigineqarnitsinnik innarliivoq. Tamanna tunngavigalugu Aalisarnermut Piniarnermullu Naalakkersuisoq kaammattorusupparput susassaqartut peqatigalugit aaqqiissutissamik nassaarniaqqullugu, minnerunngitsumillu siunissami taamatut pisoqqinnginnissaa anguniarlugu suliaqaqqullugu. Aalisarnikkut piujuartitsinikkut inuussutissarsiummik ineriartortitsissagutta inuuniutitsinnut avatangiisitsinnullu iliuutsivut tamatigut […]
Pisimasoq alianangaartoq
British Columbiami meeqqat atuartut angerlarsimaffianni Kamploos-mi pisimasumut, qamuuna attortinnaqisumut, Inuit Ataqatigiinniit aliasunnerput misiginneqataanerpullu naggueqatitsinnut Inunnut, First Nations-inut aamma Métis-inut apuupparput. Paasisaq alianangaarpoq. Canadami nunanilu allani nunasiaateqarsimasut, nunat inoqqaavisa meerartaannut amiilaarnaqisumik pissusilersortarsimanerat, oqaluttuarisaanermi kanngunarluinnartoq akuerinngilarput. Naalagaaffiit nunasiaateqarsimasut aamma upperisarsiorneq patsisiliullugu, nunap inoqqaavinut amiilaarnartumik nikanginnittumillu pissusilersortarsimanertik, qanorlu inoqatiminnut isiginneriaaseqarnertik takulissuk – Allanit annerusutut imminnut isigiunnaarlutik. Qanortoq nunat […]
Meeqqat ulluat 2021
Siullertut meeqqat ulluanni tamaasa pilluaqquvavut. Ullorlu nuannersumik atorluarneqarnissaa tamatta peqataaffigitigu. Pingaartipparput meeqqat ullut tamaasa pitsaasumik inuuneqarnissaat, meerartavut siunissami pitsaasumik inuuneqartsikkumallugit aqqutsissiuulluarnissaat peqataaffigilarput. Meeqqat Kalaallit nunatsinni siammasissumik najugaqarfigineqartumi inooriaaseq assigiinngissinnaasoq meerartatsinnut ilisimaneqarnerulernissaa peqataaffigitigu. Meerartagulli illersussagutsigit inersimasutut akisussaaffeqarnerput puujussanngilarput, meerartagummi siunissami nunatsinni ingerlatsisussaapput nangitsillutik, meeqqat ilissiuvusi siunissami nangitsisussaat, taamaammat nunatsinni anguniagaqartuarnissaq ilissinni pingaaruteqarpoq. Meeqqat tamaavissi ulloq atorluarisiuk. […]
Inuit Ataqatigiit ukiuni tulliuttuni kommune kujallermi Atassut suleqatigalugu siuttuuneq ingerlatissavaat.
Inuit Ataqatigiit isumaqatiginninniarnermi siuttuunitsinni pingaartissimavarput allannguinissamik oqariartuutitta innuttaasunit tigulluarneqarsimanera. Inuit Kommune Kujallermi siuttut taarserusunneqartut qinersiviup unnukkuani ersarissivoq. Tamannalu ataqqillugu maniguulluta suliarissavarput. Taamaattumik ilaatigut piumasaqaatitalinnik aammalu allannguerusunnermik anersaaqarluta partiinik oqaloqatiginninnerit ingerlassimavagut. Oqaloqatigiinnerit torersumik ingerlapput. Piffisarli kingulleq paasinarsivoq qanilliartornata ungasilliartortugut. Neqeroorutivut; ataatimiititaliat marluk, ataatimiititalianilu ilaasortaaffiit tamakkiisut, tassalu ataatimiititaliani tamani marlunnik ilaasortaatitaqarneq kiisalu 2. viceborgmesteri qujarunneqanngillat. Tamanna patsiseqarunarluni […]
Persuttaaneq akuersaanngilluinnarparput
Ulluni kingullerni inoqatinut attaveqaatitigut tusakkat takusallu tunngavigalugit inuit aalassassimaarput, Inatsisartunittaaq pisoq tamanit aamma aalassassimaarutigineqarpoq. Partiini siulittaasut ataani atsiortugut naqissuserlarput timikkut tarnikkullu persuttaaneq akuersaanngilluinnaratsigu, taamatuttaarlu meeqqap illersugaanera sutigut tamatigut salliutikkatsigu, uniorlugillu pisoqarsimappat iliuutsit tamakku kinguneqartinneqartassammata. Inatsisartuni ullumi ataatsimiinnermi pisoq tamatsinnut tujorminarpoq, erseqqissallarpulli Inatsisartuni inunnut ataasiakkaanut tunngassutilinnik ammasumik oqaluuserisaqarnissaanut pisinnaatinneqannginnatta, Inatsisartunimi sulineq tassaammat inatsisiliorneq. Partiini siuttuusugut pissaanerup […]
Suleqatigiinnissamut isumaqatigiissut
[pdf-embedder url=”https://ia.gl/wp-content/uploads/2021/04/Koalitionsaftale_KAL.pdf”]
Erik Jensenip avissaartuutitsinera Nunatsinnut ulorianarpoq
Allattoq Charlotte Ludvigsen, Borgmesteri (IA), Kommuneqarfik Sermersooq Erik Jensenip avissaartuutitsinera Nunatsinnut ulorianarpoq Erik Jensenip Siumut siulittaasuattut Nunatsinni qangalili annertuumillu avissaartuutsitsisuusartoq kingumut uummarteqqinniartutullusooq itsinniarsarilerpaa – tassa Nuummiut Nunattalu sinneraniittut unammisutut issasut. Nunatta avissaartuunneq aaqqiagiinnginnerlu pinnagit ataqatigiinnermik suleqatigiinnermillu pisariaqartitsinermini isumaqarpunga avissaartuutitsineq ulorianartuusoq. Nunatsinni inuit 56.000-t najugaqarput, nunarsuarmioqatitsinnullu sanilliulluta amerlanngilagut. Taamaattumik ataqatigiittariaqarpugut ataatsimoorlutalu inuiaqatigiit pitsaanerulersinnissaannut iliuuseqartariaqarluta. Ima oqaatigineqarsinnaavoq, […]
Logo nutaaq 2021
JPG PNG
