Naalakkersuisunut piumasarineqarpoq: Piffinni eqqaavissuarnik ikuallaasinnaasoqarli
Qasigiannguit, 19 Juli 2023 Naalakkersuisunut piumasarineqarpoq: Piffinni eqqaavissuarnik ikuallaasinnaasoqarli Eqqaavissuit tippapput, terissat, niviukkallu ingasalluinnarput. Illoqarfinni nunaqarfinnilu ajornartorsiutaaqaat. Timmissat naajat tulukkat allallu eqqaavissuarni neripput illoqarfimmilu angalaarlutik. ESANI A/S utaqqineqarsinnaanngilaq ikuallaasinnaaneq periarfissaa-sariaqarpoq. Ikuallaaviit piareernissaannut eqqakkat uninngatinne-qarsinnaanngillat ullut tamaasa ikaliartortut. Eqqangassarsuit nunamut imaanullu teqqarput mingutitsillutik ikuallaasoqarsinnaanngimmat. Kommune Qeqertalimmi eqqangassat assartorneqaraluarput suami ilanngarneqarput sulilu eqqaavissuarni eqqangassat amerlingalut-tuinnarlutik tippakkaluttuinnarlutillu peqqinnanngilluinnartumik. […]
Kiisami naligiisitsisoqarnissamik neriorsuut.
Kiisami naligiisitsisoqarnissamik neriorsuut. Ukiorpassuarni uteriitumik kimigiisertoqareersoq isumaqatigiinniartoqartareersorlu kiisami danskit naalakkersuisui neriorsuipput politiit aamma isertitsivinni betjentit sulianut assigiissunut akissarsiamikkut assigiisinneqalernissaanut aaqqiissuteqassallutik. Assigiinngisitsinerup akuerineqarsinnaanngitsup unitsinneqarnissaanut Inatsisartuni Inatsisinut Ataatsimiititaliamiit uteriiserluta kimigiiseqataasimavugut – Inatsisit Atuutsinneranut Naalakkersuisoq aamma Folketingemi ”Rets- og Grønlandsudvalg”, minnerunngitsumillu Folketingemi kalaallit ilaasortat, peqatigalugit. Ukiorpassuarni kimigiiserneq kiisami pitsaasumik inerneqartussanngorpoq. Ukiorpassuarni assigiinngisitsineq akuerineqarsinnaanngitsoq kiisami unitsinneqalermat Inuit Ataqatigiinni nuannaarutigaarput. […]
Inuit Ataqatigiit: peqqinnissaqarfiup aaqqissuuteqqinnissaanut iliuuseqarasuarneq pisariaqarpoq
Inuit Ataqatigiit: peqqinnissaqarfiup aaqqissuuteqqinnissaanut iliuuseqarasuarneq pisariaqarpoq Ulloq 22 maj 2023 Peqqinnissaq pillugu Ataatsimiititaliarsuup isumaliutissiissutini saqqummiuppaa. Ataatsimiititaliarsuup oqariartuutaanut tassalu; tamatta peqqinnissaqarfiup pillugu akisussaaffeqarnerput isumaqatiginerusinnaanngilarput. Peqqinnissaqarfipput maanna iliuuseqarasuartoqanngippat taamatullu ingerlaannarutta isasuussaaq, ajornartorsiorpugut, taamaammallu piffissaq qaninnermut aaqqiissutissanik aammattaarlu ungasinnerusumut aaqqiissutissanik naalakkersuinikkut suliaqartariaqarpugut. Inuit Ataqatigiit kissatigaat partiit imminnut naapillutik pilersaarusioqatigiittariaqartut, taamaaliunngikkutta angusinnaasagut arriippallaamik anguniarsarissavagut. Inuit Ataqatigiit politikkikkut oqaaseqartartuat Agathe […]
Inuit Ataqatigiit Illersornissaq pillugu iliuuseriumasaat
Aallaqqaasiut Sillimaniarneq sakkutooqarnikkut sillimaniarnertuinnaq isiginagu tamatigoornerusumik isigivarput, taamaammallu inuiaqatigiit sillimaniarnikkut inissisimanerat tamatigoornerusoq matumani pingaarnerutissavarput. Illersornissakkut politikki kisimiitillugu isiginiarneqarsinnaanngilaq, kisiannili Issittumi oqaloqatigiittuarsinnaanerup sakkulersunnginnissallu attatiinnarnissaa siunertaralugu, nalaagaaffiit aallartitaqarnikkut suliaqarnerinut atatillugu isigniagassaalluni – piffissami qaninnermi ungasinnerusumilu annermillu Ukrainimi sorsuttoqarunnaarpat. Kalaallit Nunaata nunarsuarmi inissisimanermigut illersornissamullu tunngasutigut inissisimanerata USA-mut pingaarutaa annertusiartuinnarpoq. Siullermik Pituffik Space Base maannalu aamma Tunu tassaapput Kalaallit […]
Namminiilivinnissatsinnut sulisariaqarpugut
Namminiilivinnissatsinnut sulisariaqarpugut INUIT ATAQATIGIIT siunertaraat Kalaallit Nunaata aningaasaqarnikkut aamma nunat tamat akornanni inuiaat inatsisaat naapertorlugit namminersulivinnissaa. Inatsit tunngaviusussaq pillugu missingiut isumaliutissiissullu maanna naammassisimalerpoq, anguniagarlu qallittorlugu alloriaqqittoqarpoq. Inuit Ataqatigiit pingaartutut isigaarput piumasaralugulu namminiilivinnissatta inatsillu tunngaviusussaq pillugu sulinerup nipangiutiinnarnagu ingerlariaqqittoqassasoq, sulinikkummi ataatsimoorussaqarnitsigullu aatsaat nunarput nammineertoq pitsaanerpaamik angusinnaavarput. Suleriaqqinnissami Inuit Ataqatigiit isumaqarput aallarniutigalugu makku piaartumik suliarineqartariaqartut: Inatsit tunngaviusussaq […]
Inuit Ataqatigiit: Aatsitassanut inatsisip allannguutissaatut siunnersuut siulleq saqqummerpoq.
Aatsitassanut inatsip allanngortinneqarnissaanik suliaq 2021-imi ukiaagaa aallartippoq, Inuit ataqatigiit inatsisartuni siunnersuuteqarnitsigut. Ukiuni marlunngulersuni suliaq ingerlareersimalermat saqqummiussaq piaareersimaffigilluaratsigu piareersarluarfigilluarnikuugatsigulu upernaakkut ataatsimiinerup naammassinnginnerani inatsisissaq inatsisartuni naammassineqarsinnaasoq kissaatigaarput, partiit allat piffissamik sisivisunerusumik pisariaqartitsinerarput uagulli isumaqarpugut piffissamik sivisuumik periarfissaqareersugut. Isumaqarpugut aatsitassanut inatsisisissap suliaralugu naammassinissaa nukinginnartuusoq. Siullertut ukiuni arlaqaqisuni innuttaasunit allanngortinneqarnissaa piumasaqaatigineqarsimavoq, aappaattullu aatsitassarsiorniarlutik ingerlatsiniartut qanoq imaqartumik aatsitassanut inatsimmik pilersitsilernerput […]
Angallannikkut pissutsit naalakkersuinikkut iliuuseqarfigitigit
Nunatsinni silaannakkut immakkullu angallannerit ulluni makkunani ajalusoorfiupput. Inuit Ataqatigiit isumaqarpugut silap ajalusoortitsisarnera naalakkersuinikkut isummernissamut sinnassaattaassanngitsoq. Inuit Ataqatigiit Naalakkersuisut sakkortuumik piumasaqarfigaat angallannermut isumaqatigiissutit ataatsimut isiginiarlugit nalilersuiffigeqqullugit. Iliuuseqannginneq akisussaaffeqanngitsuliornerussaaq. Mittarfissuit marluk ammartussanngorput, angallannikkullu isumaqatigiissutaasut maanna atuuttut taakkununnga naleqqussarneqarsimanngillat. Inuit Ataqatigiinni siunnersuutigaarput naalakkersuisoq akisussaasoq partiinik oqaloqateqarluni aallartissasoq. Nalilersuinissamik aammali innuttaasut angallanneqarnerisa pitsaassusissaannik innersuussuteqarfiusussamik oqaloqatigiinneq ingerlassasoq neriuutigaarput. Nunatsinni isorartuumi […]
OQARTUSSAAQATAANIVIK UKIUNI 75-INI – KISIANNI ALLORIAQQITTARIAQARPUGUT
Nunatsinni arnat qinersisinnaatitaalernerannit ukiut 75-inngortorsiutigineqarnerini IA-p kaammattuuutigivaa, arnat suli amerlanerusut nipaasa tusarneqarsinnaaneri qulakkeerniarlugu periarfissat suuneri misissorneqassasut – arnat angutillu naligiilivinnissaat anguniarlugu ilungersuutigisassat suli amerlapput. Ulloq 15. april 2023 arnat Nunatsinni qinersisinnaalernerannit ukiut 75-it qaangiussimalerput. Kalaallit angutit qinersisinnaalerannit Ukiut 100-ngajannit kingusinnerusumik. Innuttaasunit tamanit sinniisoqarluni 1948-mi kiisami tamat oqartussaaqataanerat taamaasilluni atuutsilerpoq. “Tamanna nalliortorsisutigineqartariaqarpoq, tassami kikkut tamarmik tusarneqarnissamut […]
Aaja Kalaallit Nunaanni illersornissaq isumannaallisaanerlu pillugit innuttaasunik ataatsimiisitsissaaq
Aaja Kalaallit Nunaanni illersornissaq isumannaallisaanerlu pillugit innuttaasunik ataatsimiisitsissaaq Inuit Ataqatigiit Folketingimut ilaasortaatitaat Aaja Chemnitz innuttaasunik ataatsimiisitsinissamut aggersaavoq, illersornissaq pillugu isumaqatigiissutissap Folketingimi oqallisigineqarnissaanut kissaatigisat siunnersuutillu oqallisigitikkumallugit. Pingasunngornermi 22. marts 2023 nal 17.00-imiit 18.30-mut Inuit Ataqatigiit Folketingimut ilaasortaatitaat Aaja Chemnitz-ip Hotel Hans Egede-mi innuttaasunik illersornissamillu soqutiginnittunik ataatsimiititsissaaq, Kalaallit Nunaat isumannaallisaanikkut politikkimut tunngasunik aamma isumannaallisaaneq pillugu isumaqatigiinniarnissaq Folketingimi […]
Nunarsuaq tamakkerlugu ajornartorsiorfiit annersaat marluk – silaannaap pissusaata allanngoriartornera aamma Ukraine-mi sorsunneq – Issittoq toqqaannartumik sunnerpaat
Folketingimi Issittumik Nalunaarusiaq pillugu oqaaseqartartutut saqqummiussaq Aaja Chemnitz, Inuit Ataqatigiit sinnerlugit Folketingimut ilaasortaq Ingerlanneqartoq: 14. marts 2023 Nunarsuaq tamakkerlugu ajornartorsiorfiit annersaat marluk – silaannaap pissusaata allanngoriartornera aamma Ukraine-mi sorsunneq – Issittoq toqqaannartumik sunnerpaat Qanittukkut Japanimiippunga Arctic Circle Japan Forum peqataaffigalugu. Immaqa ilaasa tupigissavaat qaasuitsup killeqarfia qanoq ililluni Asiamut attuumassuteqarnersoq. Annertuumik attuumassuteqartoq paasinarsivoq. Kinap qanimut Issittumi […]
