Danskit naalagaaffiat akisussaaffimmik tigusisariaqarpoq
Nunarsuatsinni nunarsuarmioqataasutut nunani assigiinngitsuni sorsunneq assut ernumanartoqarpoq akuersaaruminaallunilu. Naak nunarput sorsuffiusunut ungasikkaluartoq taamaattoq nioqqutissat akiisigut assut malunniuppoq ulluinnarni nerisassatigut aammali sanaartornikkut atortussiat akitsorujussuarneri annertuumik inuiaqatigiinnut unammillernartuupput. Israel-ip pinerliiniaqatigiit Hamas-ikkullu sorsunnerat Gaza-mi innuttanut ajunaarnersuarmik kinguneqarpoq, meerarpassuit, inuiaqatigiillu amerlasuut toqutaanerannik kinguneqartumik, nunap innuttaanut manna tikillugu kingunipiluttumik sorsunneq ingerlavoq, ikiuiniarnerlu ajornakusoortunngorluni. Ullutsinni nunarsuarmi sorsuffiusut arlaqartut piuneranni immitsinnut qiviarutta […]
IIA: Aalisarneq pillugu inatsisissatut siunnersuutip tusarniutigineqarnera sivitsorneqartariaqarpoq
Nunatsinni aalisarneq nunatsinnut inuiaqatigiinnullu iluanaarutaalluarnissaa Ilulissani Inuit Ataqatigiit kissaatigaat IIA, Ilulissani Inuit Ataqatigiit, Nunatsinni aalisarnerup patajaatsumik, qularnaatsumik aningaasarsiorfiulluartumillu ingerlanissaa kissaatigaat; tamannalu qulakkeerneqassappat aalisarnermut inatsimmik nutaamik inatsisiliortoqartariaqartoq nassuerutissaavoq. Nunatsinni aalisarnerup inuiaqatigiinnut iluanaarutaalluarnissaa qulakkeernissaa pingaartipparput; taamaammat Ilulissani aalisartut naalaarpagut. Aalisartut inatsisissap tusarniutigineqarnerata sivitsorneqarnissaannik kissaateqarnerat tusaavagut; taamaammat tusarniaanerup sivitsorneqarnissaa Naalakkersuisunut kaammattuutigerusupparput. Taamak kaammattuuteqarnitsinnut tunngaviusoq tassaavoq; aalisarnerup pitsaasumik aningaasarsiorluarfiusumillu […]
Mamianartuliatut taasartik namminnerlutik akuerseqataaffiginikuuat
Siumut quppernerani atuagara tupigusuallaatigaara; tassa Kommune Qeqertalimmi Siumut avammut nalunaaruteqarpoq Aasianni ineqarneq pillugu nutaamik mamianartuliortoqarneraalluni. Oqariartuutigineqarpoq suliaq ataatsimiisitaliani kommunalbestyrelsimiluunniit isummerfigineqarsimangittoq. Tamatut allanneq eqqunngittumik siaruarterineruvoq; tassami allaaserisaat tamarmik ataatsimiisitaliani kommunalbestyrelsimilu akuerineqarnikuupput aamma aallaserinnittunit akuerseqataaffigineqarluni. Eqqumeeqqinnaamik Ineqarnermut Attaveqatigiinnermullu Naalakkersoqarfimmut allakkanik takunnikkumasoqarsimavoq kommunimullu angussinatik, tassuuna paasisaqarsimanerarput utoqqarnut inissiat siunertamut allamut atorneqalissasut kommunip siunniussimaga. Oqaluttuarinngittorpaalli siunertamut allamut atorneqarsinnaalernissaannut namminneq […]
Ukiortaami 2024-mi Inuit Ataqatigiit Inatsisartuni gruppeata oqaaseqaataat
Namminersorneq anguniarutsigu oqartussat kisimik isumalluutaasanngillat. Ukiumut qaangiuttumut qujanaq. Ukioq aallartittorlu naalakkersuisooqatigiit annertuumik uparuartorneqarnerat ingerlatinneqarpoq, aallartippoq inuusuttunut inissiat sanaartorneqartut Tasiilami imeqartinneqartussaannginnerannik uparuartuutit tusagassiutitigut partiit ilaanniit saqqummiussuunneqarlutik. Tulleraa utoqqalinersiaqarnermi aappaasup isertitaasa allanngortinneratigut utoqqaat kisimiittut annikinnerusumik aningaasanik pissarsitinneqartalersimanerat. Maanna ilisimasaviit ukuusut erseqqissarlara, inissiat Tasiilami soorunami imeqartinneqartussaapput tamanna inatsisartuni aningaasanut inatsimmi akuersissutigisatsigut ingerlanneqartoq Naalakkersuisut paragraf 37 naappertorlugu akissuteqaatiminni ersarissarpaat. […]
–
Nioqqutissat akiisa qaffakkiartornerat toqqissisimannginnermik pilersitsinerat paasilluarparput, innuttaasullu oqariartuutaat tusaavagut. Ilaqutariit meerartallit ikiorserneqarnissamik pisariaqartitsisut juullertinnagu meeqqat tapiinik pissarsinerunissaat ullumi aningaasaqarnermut ataatsimiititaliami akueraarput. Taamaalillutik ilaqutariit pineqartut meeqqanut tapit nalinginnaasut saniatigut qaammammut tapisiarisartagaasa saniatigut ataasiartumik tapiseqqissinnaalerput; qularinngilarput tamanna juullikkunni ilaqutariinnut oqilisaaqataassasoq. Aningaasaqarnermut ataatsimiititaliamittaaq aalisartu piniartut savaatillillu ukioq manna ikiorserneqarsinnaanissaat aamma periarfissinneqarnissaat akueraarput. Taamaasillutik pineqartut ukioq naatinnagu ikiorserneqarnissaminnik qinnuteqarsinnaalerput. […]
Parisimi isumaqatigiissummut Inuit Ataqatigiit katersuuffiusut
Partiit Inatsisartuniitsitaqartut Parisimi isumaqatigiissut pillugu Kalaallit Nunaata Parisimut isumaqatigiissummut ilanngunnissasa aalajangerpaat.. Tamanna pivoq Nunatta Parisimi isumaqatigiissummut ilanngunnissaa pillugu Inuit Ataqatigiit sukataaruteqarnerisigut Nunatta Parisimi isumaqatigiissummut ilanngunnissaa Inuit Ataqatigiinnit qineqqusaarutigineqarmat partiit allat tamarmik akerliusimapput. Ukiaaneranili ataatsimiinnermi partiit tamarmiusut isumaqatigiissummut ilanngunnissamik akuersaalernerisa takutippaat; Inuit Ataqatigiit Parisimi isumaqatigiissummut ilanngunnissamik sukataaruteqarnerat iluatsilluartoq. Suliassap tullia tassaalerpoq; Parisimi isumaqatigiissummut ilanngunnerup kingorna naalakkersuinikkut […]
Kommunalbestyrelsemi ilaasortap allagaanut Harald Biancop akissutaa
Inatsisartuni ilaasortap Lars Poulsenip ”Kommune unammillertariaqarparput 2009 – 2023” (Kommunip nukillaartilerpaatigut)-mut saqqummiussaanut akissut.Oqariartuummi 2009 aallarnerfiummat kingumut qiviartariaqarpunga. Naluneqanngitsutut kommunit kattussuunnerannut atatillugu 2008-mi Ikaarsaariarnermut Ataatsimiititaliami nuna tamakkerlugu qinersisoqarpoq, 2009-mi kommunal-bestyrelsinngortumi. Ukioq 2008 qinersineq tikillugu taamani Ammassallip Kommunerisimasaa aningaasatigut nakkaateqalluni kommunit kattuffianniit nakkutigisaavoq. Sunut tamanut aningaasaliissutaasartut appasinnerpaaffianiipput, innuttaasunut ilungerunangaartumik, minnerunngitsumik politikkikkut sullissinermi ilungersunarnerpaaffimiilluni. Qinersineq 2008-mi pisoq tikillugu […]
–
– Asii Chemnitz Narup, Inuit Ataqatigiinni aningaasaqarnermut oqaaseqartartup, 2024-mut aningaasanut inatsisissatut siunnersuut tunngaviatigut iluarisimaarpaa. Kalaallit Nunaatali unammilligassai tunngaviusut arlallit aningaasanut inatsisissatut siunnersuummi erseqqissumik akissutissarsiffiunngillat. ”Ajornartorsiutivut tunngaviusut iliuuseqarfiginngikkutsigit puttaamit puttaamut pissittaqattaartuassaagut, aningaasanut inatsimmit aningaasanut inatsimmut, aamma ukiuni aggersuni. Taamaalilluta aningaasaqarnermi qissiatut sarfaq malillugu ingerlajuassaagut – avataani pisut naalagaatillugit – nunatsinni pissutsit pitsanngorsarnissaannut pisariaqatunik iliuuseqanngilluinnarluta. […]
Inuit Ataqatigiit Uranimut angertunngunngillat aamma angertunngornavianngillat.
25.09.2023 Inuit Ataqatigiit Uranimut angertunngunngillat aamma angertunngornavianngillat. Naalakkersuisoqatigiit ilassutitut isumaqatigiissuteqarnerisa kingunerisaanik partiit ilaat aalassatitserusuissorlutik paatsoorsaaralutik ingerlatsilerput, taamaammat ersarissaasariaqarpugut. Naalakkersuisooqatigiinissami ilassutitut isumaqatigiissumi ima allassimasoqarpoq: “Aatsitassanut pinngoqqaatinullu qaqutigoortunut suugaluartunulluunniit illersorneqarsinnaasumik isumannaatsumillu inatsisillu malillugit periuseqarnissaq pillugu Nunatta politikeqarnera siunertaqarpoq, aningaasarsiornikkut ineriartornissamik aamma avatangiisinut inuiaqatigiinnullu illersuisumik ingerlatsinissamik.” Malugalugu Inatsit atuuttut malillugit, tassa imaappoq uranimut inatsi attuuttoq atuuppoq taannalu malinneqassaaq. […]
Aningaasanut Inatsisissaq siusinnerusukkut isumaqatiginninniutigineqartalerli – Kissaat Inuit Ataqatigiit Inatsisartut gruppiannit
Aningaasanut Inatsisissaq siusinnerusukkut isumaqatiginninniutigineqartalerli Kissaat Inuit Ataqatigiit Inatsisartut gruppiannit 2024-mut Naalakkersuisut Aningaasanut Inatsisissatut Siunnersuutaat marlunngormat tamanut saqqummiuneqarpoq. Pisarneq malillugu aatsaat septembarip naanerani Aningaasaqarnermut Naalakkersuisup partiillu akornanni isumaqatigiinniutigineqalissaaq – Inatsisartut siullermeerlugu oqaluuserereerpassuk. Kissaatigaarput aningaasanut inatsisissaq pillugu tunngaviusumik oqallineq septembarip aallartinnerani pisalissasoq. Kissaatigaarputtaaq oqallinneq taanna Inatsisartuni ingerlanneqartassasoq. Tassanilu partit aningaasaqarneq pillugu oqaaseqartartuisa partiip kissaatai aamma piumasaqaatai saqqummiutissagaat. […]
