Inuit Ataqatigiit Allatseqarfimmi pisortassarsiorput
Kalaallit nunaata naalakkersuinikkut siunissaanik ilusileeqataarusuppit? Inuit Ataqatigiit allatseqarfimmi pisortassarsiorpugut sullisserusuttumik, tamatigoortumik, tikilluaqqusisumik suleqatikkuminartumillu. Atorfik partiimi qitiuvoq politikikkullu aqutsisunik qanittumi sulinissamik, partiillu inuiaqatigiillu ineriartornerannut sulinikkut ilapittuinissamut immikkuullarissumik periarfissiivoq. Allatseqarfiup pisortaanut partiip allatseqarfiani ulluinnarni pisortaassaatit, partiillu, inuit qinigaasa immikkoortortaqarfiillu akornanni pissusissamisoortumik ataqatigiissitsisuussaatit. Inuit Ataqatigiinni Ulluinnarni Aqutsisut qullersarissavatit, ataqatigiinnermillu ineriartornermik partiillu sulinerata siuariartorneranik qulakkeerinninnermi pingaarutilimmik inissisimassaatit. Inuit […]
Narsarsuaq – Ammasumik tusagassiutitsigut allagaqaat
Nunaqarfinni aqutsisut sinnerlugit Paaserusupparput nunaqarfiup Narsarsuup siunissaa piaartumik Nassuiaasisoqarnissaa killiffiusunik. Qinikkanut qulliunerusunut Kommune kujallermmit aammalu naalakkersuisoqarfimmiit killiffimmik nassuianeqarnissarput apeqqutini assigiingitsuni killiffigisatsiniit, ilumut nunaqarfittut suli siunissamullu inissisimaniarnersugut? Pissutigalugu upernaaq paasivarput Amerikkarmiut sillimaniarnissaq pillugu sakkutooqarfinnik nunatsinni pingasunik pilersitsisinnaanissaq siunertaralugu misissuiartereernikut aammalu Qallunaat nunaaniit periarfissatut isigalugu nalilersuiartereernikuullutik, taamaatoqassappat sakkutooqarfinngoqqilluni nunaqarfittut naatsorsuutigisinnaavarput ingerlaanarsinnaanersoq? Aammalu maana nunaqartut allallu pilersaaruteqartut inuussutissarsiornikkut […]
Ilisimasaq pissaaneruvoq
Ilisimasat atorlugit naqisimannittoqartarpoq, nunasiaatillit taama ingerlariuseqartuarsimapput. Nunarput pineqartillugu uagut matup silataani soriarsinnaajunnaartinneqartarpugut. Danskit naalagaaffiata ataaniinnerput apeqqusertariaqarparput, suut tamaasa nunatsinnut attuumassutillit apeqqusersorlugit nalilersortigit. Tamanna naalakkersuisoqatigiinnissamut isumaqatigiissutaavoq, allassimammat pissutsit taamaaginnarnerat periarfissaanngitsoq. Ministeriunerup oqaatigiuarpaa, Kalaallit siunissaat Kalaallit Nunaannit aaliangerneqassasoq, sooq taava ilisimasatik kalaallit Inatsisartuinut isertuutissavaat? Piffimmi matumani nunarput naalakkersuttalu nukittuumik inissinnissaat pingaarnerpaavoq. Maanna naalagaaffiup ataani inissisimanerput, danskit ilusilersugaat, […]
Nunaqarfinni aqutsisut ataatsimiinnerminni aalajangersaanerat atuutissaaq
Nunaqarfinni aningaasaliissutit Nunaqarfinni aqutsisut aggersaanertalimmik ataatsimiinnerminni aalajangertartussaavaat, tamannalu allatseqarluni ingerlanneqartussaavoq. Ajoraluartumik piffissami kingullermi maani najugaqarfitsinni aqutsisisuni suleriaaseq tamanna atorneqanngilaq. Sulinigut tutsuiginartuussapput, akuerinngilara Nunaqarfinni aqutsisut siulittaasuata oqarasuaatikkut sianerluni isumaqatiginninniartarnera. Akuerinngilarattaaq ataatsimiinnerup avataani allatsimik peqataaffigineqanngitsumik suli eqqartorneqanngitsunik Nunaqarfinni aqutsisunut isumaqatiginninniartoqartarnera. Nunaqarfinni aningaasaliissutit ataatsimiinermi immikkut sammillugit aalajangiiffigineqartussaapput. Aningaaasat sumut atorneqassanersut isumaqatigiilluni suliassaapput. Akisussaassueqarluni aqutsisoqarnissaa pingaartippara, Nunaqarfinni aqutsisut suleriaasiat […]
Nunasiaatilittut pissusilersorneq akuerinngilara
Paasinarsivoq Folketingimi nunanut allanut tunngasumik ataatsimiititaliaq unnukkut ittumik ataatsimiissasoq, uagut pineqartugut peqataatinneqarata. Tamanna akuersaanngilara erserporlu suleqatigiinnerup qanoq suleqatiginiakkatsinnik ilusilersorneqarniarnersoq. Naammaqaaq, taama ingerlaannartoqarsinnaanngilaq. Nunatta naalakkersuisui kaammattorpakka sukkanerpaamik danskit naalakersuisui ingeqatigissagaat iliuusissanillu isumaqatigiissuteqarfigalugit. Pipaluk Lynge Inuit Ataqatigiit
Namminiilivinnissamut pilersaarutit tigussaasut piaartumik suliarineqarnissaannut suleqataassaagut.
Torersumik pisariaqartitatsinnillu oqallissinnaavugut? Nunatta namminersulivinnissaannut innuttaasut suleqataanissaat pingaaruteqarluinnartuusoq Inuit Ataqatigiinni isumaqarpugut. Tunngaviusumik isumaqarpugut namminiilivinnissaq inuiaat taasinermikkut aalajangigassarigaat. Matumani aamma namminiilivinnermut tunngatillugu qanoq ataatsimoorussaqarsinnaanerput apeqqutaasorujussuuvoq, partiinillu tamanit namminiilivinnissarput oqarluartaarutaannaassanngippat inuiaqatigiit peqatigalugit oqallinnissaq pingaaruteqarluinnarpoq. Taamaammat Inuit Ataqatigiinni isumaqarpugut namminiilivinnissatsinnut pilersaarummik partiit inuiaqatigiillu piaartumik suleqatigiissuteqartariaqartut. Nunatsinnut iluaqutaanngilaq partiit ataasiakkaarlutik naalagaaffimmut isumaqatiginninniarnissap qanoq ingerlanneqassanersoq avammut oqariartuuteqarnerat, uatsinnulli inuiaat kalaallinut […]
𝑵𝒖𝒏𝒂𝒒𝒂𝒓𝒇𝒊𝒏𝒏𝒊 𝑨𝒒𝒖𝒕𝒔𝒊𝒔𝒖𝒕 𝒂𝒂𝒍𝒂𝒋𝒂𝒏𝒈𝒊𝒊𝒔𝒊𝒏𝒏𝒂𝒂𝒒𝒂𝒕𝒂𝒂𝒍𝒆𝒓𝒍𝒊𝒌
Siullermiik Nunaqarfinnut aqutsisunut qinersinerup kingorna qinikkat nutaat arlaqarput, nunaqarfiimmi aqqaniliusuni qinikkatut sulissalluta qilanaarsimaqaagut, piffissarli imaalivoq qinikkatut suli pikkorissartinneqanginnerput akuerisinnaangilara. Innuttaasut sinnerlugit qinikkatut ilisimasariaqaratsigu qanoq kommunitsinni ingerlatsisoqarniarnersoq, sinaakutit suunersut, atorfilittat ataatsimiititaliat saaffigisinnaasagut sattalluta ujartuisariaqartarpugut, suliassat pingaaruteqaqisut qinikkatut ingerlanniarnerini, minnerungitsumillu ukiumut 2026- imut missingersuinermi nunaqarfiit aqqanillit malinnaatinneqanginnerput mamianarpoq. Aningaasatigummi qanoq sumiiffinni sinaakuteqartinniarneqarnerluta ilisimanngilarput. Pingaarnersuinermi sumiiffiit anguniagaannik ujartuisoqangimmat […]
Tunumi akerliussutimik takutitsisut paasilluarpagut.
Tunumi akerliussutimik takutitsisut paasilluarpagut. Tasiilami innuttaasut politikkikkut Tunup eqqumaffigineqarnerunissaa anguniarlugu akerliussutsimik takutitsipput. Nuummi aamma tapersiilluni akerliussutsimik takutitsisoqarpoq. Inuit Ataqatigiit aqutsisui sinnerlugit Tunumi innuttaasut oqariartuutaannut ersarissumut qujanaq. Nunatsinni innuttaasut sumiikkaluartut tamarmik, assigiinngitsunik oqaaseqartut kultureqartullu nunatsinni inuusaatsikkut tigussaasutigullu ineriartornermi puigorneqannginnissaat Inuit Ataqatigiit pingaartippaat. Tunumiut oqariartuutaat ersarippoq, nunaqqatigaagut aamma eqqumaffiginerusariaqarpagut. Ukiorpassuarni Tunumi ineriartortitsineq kingaatsumik ingerlanneqarpoq, tamanna nassuerutigaarput. Qiningaaffiit […]
Suleqqinnissamut piareerpugut
Suleqqinnissamut piareerpugut Ukiuni kingullerni Siumut pitsaasumik suleqatigisimavarput, inatsiliornikkut politikkikkullu annertuunik suliaqaqatigisimallugu. Piffissami kingullermi nunani tamalaani suleqateqarnissamik nunanullu allanut politikki pillugu partiit siuttui ataatsimoorussaqarlutik ingerlasimapput, taamaakkaluartorli takusinnaavarput Siumumi ilaasortaasa ilai naalakkersuinikkut ataatsimoorunneqartunut illuatungiiliisunik oqariartuuteqartut. Nunarput anguniagaqartilluni ataatsimoorussarqarnissaa aatsaat taama pingaartigaaq, avatitsinnit tatiniarneqarnerput ima annertutigitillugu aalajangiisuulluinnarpoq naalakkersuinikkut ataatsimoorussaqarnikkut nunanit allanit tatigineqarsinnaanissarput. Tatigineqarnerlu aatsaat angusinnaavarput nunatsinnit nipi anguniagarlu […]
Inuit Ataqatigiit ileqquusumik ataatsimeersuassapput
Inuit Ataqatigiit ileqquusumik ataatsimeersuassapput Inuit Ataqatigiit ileqquusumik ataatsimeersuarneri ukiut pingasukkaartumik pisarput, ukioq manna Aasianni juulip 20-ni aamma 21-ni ataatsimeersuartoqassaaq. Inuit Ataqatigit kattuffittut ukiut 45-it atuuppoq, Kattuffiullu aallartiffigisimasaani immikkoortoqarfipput suleqatigalugu ataatsimeersuarneq ingerlatissavarput. Ataatsimeersuarnermi immikkoortortaqarfiit qinikkallu peqatigiillutik ukiuni tulliuttuni pingasuni naalakkersuinikkut anguniakkanik aalajangersaallutillu partiip siulersuisuunerinik qinersissapput. Ataatsimeersuarnermi najuussinnaatitaapput soqutiginnittut, alaatsinaattut qaaqqusallu. Ataatsimeersuarnermi pilersaarut […]
