Nunaqarfinni aqutsisut sinnerlugit Paaserusupparput nunaqarfiup Narsarsuup siunissaa piaartumik
Nassuiaasisoqarnissaa killiffiusunik. Qinikkanut qulliunerusunut Kommune kujallermmit aammalu naalakkersuisoqarfimmiit killiffimmik nassuianeqarnissarput apeqqutini assigiingitsuni killiffigisatsiniit, ilumut nunaqarfittut suli siunissamullu inissisimaniarnersugut? Pissutigalugu upernaaq paasivarput Amerikkarmiut sillimaniarnissaq pillugu sakkutooqarfinnik nunatsinni pingasunik pilersitsisinnaanissaq siunertaralugu misissuiartereernikut aammalu Qallunaat nunaaniit periarfissatut isigalugu nalilersuiartereernikuullutik, taamaatoqassappat sakkutooqarfinngoqqilluni nunaqarfittut naatsorsuutigisinnaavarput ingerlaanarsinnaanersoq? Aammalu maana nunaqartut allallu pilersaaruteqartut inuussutissarsiornikkut ingerlatsiffigalugu atuerusuttut eqqarsaatigalugit siumungaaq paasitinneqartariaqarput nassuiaaffigineqarlutillu pissutsit killiffiannik, qanoq kommuunitsinniit naalakkersuisuniillu siunniussaqartoqarnersoq, pissutigalugu pisussaaffigigassiuk pissutsit nunaqartunut, innuttaasunut inuiaqatigiinullu ersarissumik qularunnaarsilluta siunissamut qanoq politikkikkut inissisimaniarnersoq Narsarsuaq piviujuinnassappat. Aammalu nunaqarfiup ingerlaanarnissaanut pisortaqarfiit pigisaat, inissiat allallu ingerlatsinermi suut naatsorsuutigineqarsinnaanersut maanamut siunissamullu, ilaatigummi maana tusatsiagaanartigut
Atuarfik, meeqqerivik matulersut paasitinneqaratta , uffali ukiup naanissaanut ammaanassasut oqaatigineqarnikuulluni, allarpassuillu eqqarsaatigalugit pisussaaffissi ujartorpagut tikilluta nassuiaajartortariaqartusi apeqqutit allat aamma eqqarsaatigalugit, tusatsiagarsorneq toqqissinangilluinnarmat.
In.in:
Nunaqarfinni aqutsisut siulittaasuat
Mouritz Karlsen
