Ulluni makkunani uumatitsiviit atorlugit saarullinnik tunisassiorneq aalassassimaarutaavoq. Inuit Ataqatigiinni ajuusaarnartutut alianartutullu isigaarput pisuussutivut uumassusillit uumatitsivinni toqorartut takugatsigit.
Nunatsinni aalisarneq aningaasarsiornikkut inuussutissarsiornikkullu tunngavigalugu nunarsuarmi niuernikkut unammillersinnaanissarput pingaartuteqarpoq, saarulliillu ummatitsivinni toqorarnerat isigineqarnitsinnik innarliivoq. Tamanna tunngavigalugu Aalisarnermut Piniarnermullu Naalakkersuisoq kaammattorusupparput susassaqartut peqatigalugit aaqqiissutissamik nassaarniaqqullugu, minnerunngitsumillu siunissami taamatut pisoqqinnginnissaa anguniarlugu suliaqaqqullugu.
Aalisarnikkut piujuartitsinikkut inuussutissarsiummik ineriartortitsissagutta inuuniutitsinnut avatangiisitsinnullu iliuutsivut tamatigut isiginiartariaqarpavut. Inuit Ataqitigiit isumaqarpugut siulitta tunngaviat: pinngortitamik uumassusilinnillu erianginnittumik atuineq nunarsuarmi niuerutitut suliarissallugu sakkussaasoq, tamannalu inuiaqatigiittut akisussaaffimmik tiguseqatigiissutissarigipput.
Inuit Ataqatigiit
Avatangiisinut oqaaseqartartoq
Pipaluk Lynge-Rasmussen
