Umiarsualivik tattorparput – aaqqiissuteqaqatigiitta
Umiarsualivik tattorparput – aaqqiissuteqaqatigiitta Ukiorpassuanngorput Ilulissani umiarsualiviup tattoqisaaffiunera eqqartorlutigu, maannalu iliuuseqartariaqalerpugut. Ukiut kingulliit takornariaqarnermik angallassisartut amerliartornerisa kingunerisaanik umiarsualivik tattorliuuffioreersoq suli annersumik tattoqisaaffiuleqqavoq, ukiunilu tulliuttuni ajornartorsiut annikilliunnarani iliuuseqaqatigiinngikkutta. Kommunitut taarsigassarsisinnaanermik periarfissaat nutarterneqarnikuupput, tamannalu ilaatigut ammaassivoq takornarialerinermik angallassisutinut umiarsualiviliorsinnaanerit aningaasalersorsinnaanissaannut. Avannaata Kommuniani umiarsualiveqarnermi aaqqiissutissamik aningaasaleeqatissaqaruni piumassusermik peqartoq qularinngilara. Naalakkersuisut peqatigalungit takornarialerinermut umiarsualiveeqqamik pilersitsisinnaanermik periarfissat soqutiginaqaat, oqaloqatigiitta siunissami […]
Naalagaaffeqatigiinneq pillugu oqallinnermi oqaaseqaat
(Oqalugiarnermi oqaatsit atorneqartut atuupput) Issittumi taamaammallu aamma Naalagaaffeqatigiinni ukioq soqutiginaatilik ornipparput. Issittumi Siunnersuisoqatigiinni siulittaasuuffissaq, Issittumi ambassadøri toqqarneqartussaq kiisalu issittoq pillugu ataatsimut politikki. Naalakkersuisut Inatsisartuni partiit tamangajammik peqatigalugit Kalaallit Nunaanni Nunanut allanut, isumannaallisaanermut illersornissamullu politikki nutaaq saqqummiuppaat. Pineqartilluta avaqqunneqassanngilagut, tamannalu Folketingimi aamma oqaasinnaarisimavarput. Nunarsuarmi pissutsit qajannarnerulersimapput issittumilu amerlaqaagut pisunik ernumalluta malinnaasugut. Issittumi inatsisartut Sverigemi Kirunami ataatsimiinneranni […]
Inuit Ataqatigiit ileqquusumik ataatsimeersuassapput
Inuit Ataqatigiit ileqquusumik ataatsimeersuassapput Inuit Ataqatigiit ileqquusumik ataatsimeersuarneri ukiut pingasukkaartumik pisarput, ukioq manna Aasianni juulip 20-ni aamma 21-ni ataatsimeersuartoqassaaq. Inuit Ataqatigit kattuffittut ukiut 45-it atuuppoq, Kattuffiullu aallartiffigisimasaani immikkoortoqarfipput suleqatigalugu ataatsimeersuarneq ingerlatissavarput. Ataatsimeersuarnermi immikkoortortaqarfiit qinikkallu peqatigiillutik ukiuni tulliuttuni pingasuni naalakkersuinikkut anguniakkanik aalajangersaallutillu partiip siulersuisuunerinik qinersissapput. Ataatsimeersuarnermi najuussinnaatitaapput soqutiginnittut, alaatsinaattut qaaqqusallu. Ataatsimeersuarnermi pilersaarut […]
INUIT ATAQATIGIIT ILLERSORNISSAQ PILLUGU ILIUUSERIUMASAAT
Aallaqqaasiut Sillimaniarneq sakkutooqarnikkut sillimaniarnertuinnaq isiginagu tamatigoornerusumik isigivarput, taamaammallu inuiaqatigiit sillimaniarnikkut inissisimanerat tamatigoornerusoq matumani pingaarnerutissavarput. Illersornissakkut politikki kisimiitillugu isiginiarneqarsinnaanngilaq, kisiannili Issittumi oqaloqatigiittuarsinnaanerup sakkulersunnginnissallu attatiinnarnissaa siunertaralugu, nalaagaaffiit aallartitaqarnikkut suliaqarnerinut atatillugu isigniagassaalluni – piffissami qaninnermi ungasinnerusumilu annermillu Ukrainimi sorsuttoqarunnaarpat. Kalaallit Nunaata nunarsuarmi inissisimanermigut illersornissamullu tunngasutigut inissisimanerata USA-mut pingaarutaa annertusiartuinnarpoq. Siullermik Pituffik Space Base maannalu aamma Tunu tassaapput Kalaallit […]
Arnat Ulluat tamatta ulloraarput
Ukiorpassuarni arnat angutillu akornanni naligiinnerulernissaq Inuit Ataqatigiit sulissutigisarsimavaat. Ullumikkut Inuit Ataqatigiit Naalakkersuisuutitaat, Inatsisartunut Siulittaasuat, arnat angutillu amerlassusaat naligiipput, Inuit Ataqatigiinniit pingaartittuaratsigu naligiimmik nammaqatigiillutalu oqartussaaqataanissarput. Siunissami neriuutigaarput arnat angutillu qinikkat, Inatsisartuniippat, Kommunemi nunaqarfinnilu, arnat angutillu amerlaqatigiinnerulissasut. Innuttaasummi tamat sinnerlugit sulissagatta, innuttaasut assigalugit sinniisuussagatta. Ukiorpassuarni arnaq qanoq ittuussanersoq; arnaq paarsisuussasoq, arnaq misigissuseqassasoq, arnaq iggavimmiissasoq, arnaq asaassasoq, arnarlu […]
Maliguutsitsiinnartuunerarneqarnerput ilisarinngilarput
Maliguutsitsiinnartuunerarneqarnerput ilisarinngilarput Piffissami sivitsulaalersumi inuit ataasiakkaat tusagassiorfinni oqallattaasut maluginianngitsuunngilarput. Siumukkunngooq Inatsisartuni ilaasortaatitaat Inuit Ataqatigiinnut maniguutiinnaarlutik malinnittut. Tamanna Inuit Ataqatigiinni qinikkatut ilisarisinnaanngilarput. Suleqatigiippugut immitsinnut ataqqeqatigiilluinnarluta, oqaloqatigiinnerit naaperiaasarnerit partiini assigiinngitsuni ingerlattarpagut, partiitullu tamatta pilliuteqarlutalu naaperiaasarpugut. Anguniakkatta naapitinneqarnissaannut siuttugut assut pikkoriffeqarput, tamannalu assut tamat oqartussaaqataannerannut iluaqutaavoq. Siumut nammineq partiiuvoq anguniagaqartartoq anguniakkaminillu sorsuuteqartartoq aamma Inuit Ataqatigiit taamaapput. Suleqatigiinitsinni isummat […]
Danskit naalagaaffiat akisussaaffimmik tigusisariaqarpoq
Nunarsuatsinni nunarsuarmioqataasutut nunani assigiinngitsuni sorsunneq assut ernumanartoqarpoq akuersaaruminaallunilu. Naak nunarput sorsuffiusunut ungasikkaluartoq taamaattoq nioqqutissat akiisigut assut malunniuppoq ulluinnarni nerisassatigut aammali sanaartornikkut atortussiat akitsorujussuarneri annertuumik inuiaqatigiinnut unammillernartuupput. Israel-ip pinerliiniaqatigiit Hamas-ikkullu sorsunnerat Gaza-mi innuttanut ajunaarnersuarmik kinguneqarpoq, meerarpassuit, inuiaqatigiillu amerlasuut toqutaanerannik kinguneqartumik, nunap innuttaanut manna tikillugu kingunipiluttumik sorsunneq ingerlavoq, ikiuiniarnerlu ajornakusoortunngorluni. Ullutsinni nunarsuarmi sorsuffiusut arlaqartut piuneranni immitsinnut qiviarutta […]
Pinerluttulerinermut inatsisip eqqartuussisarnermullu inatsisip allanngortinneqarnissaannut oqaaseqaat
Kalaallit Nunaanni pinerluttulerinermut inatsisip aamma Kalaallit Nunaanni eqqartuussisarnermut inatsisip allanngortinneqarnissaannut siunnersuut, L 97, 6. februaari 2024 siullermeerneqarneranit Aaja Chemnitzip oqaaseqaataa – oqaatsit atorneqartut atuupput Qujanaq. Meeqqanik kinguaassiuutitigut innarliineq akuerineqarsinnaanngilluinnarpoq, Inuit Ataqatigiinnullu nunatsinni meeqqanik kinguaassiuutitigut innarliinernik pinaveersaartitsinerup salliunneqarnissaa pingaaruteqarpoq. Naalakkersuisut suliassaqarfimmi pingaarnersiuisimaneranut naalakkersuisut tusarnaarsimammata, Danmarkimilu digitalimik innarliinernut akiuiniarluni inatsisip atuutilerseqqammerneranni inatsisissatut siunnersuut manna aallartinneqarsimammat nuannaarutigaarput. Danmarkimi […]
Pinerluttuliornermit eqqugaasunut siunnersuisarfissaq pillugu oqallinnermi oqalugiaat
Kalaallit Nunaanni pinerluttuliornermit eqqugaasunut siunnersuisarfimmik pilersitsinissamut Folketingimi aalajangiiffigisassatut siunnersuut B 44 ulloq 6. februaari 2024 siullermeerneqartoq Aaja Chemnitzip oqalugiaataa (siunnersuuteqartup) – oqaatigineqartut atuupput Qujanarujussuaq, qujanarlu oqaaseqarsinnaaninnut. Kalaallit Nunaanni pinerluttulerinermut inatsimmi iliuuseqartoq sivisuumik aallaavigineqartarsimavoq. Iliuuseqartoq iliuuseqartullu inuttut atugarisai aalajangiisuukkajuttarsimapput. Pinerluuteqartut inuiaqatigiinni akuliuteqqinnissaannut inuiaqatigiinni inooqataalernissamut sungiusarneqartarnissaat soorunami sulissutigissallugu aamma pingaaruteqarpoq. Tamannali pinerluttuliornermi eqqugaasunut ajoqutaanngisaannassaaq. Inuiaqatigiittut pinerluttuliornermi eqqugaasut […]
IIA: Aalisarneq pillugu inatsisissatut siunnersuutip tusarniutigineqarnera sivitsorneqartariaqarpoq
Nunatsinni aalisarneq nunatsinnut inuiaqatigiinnullu iluanaarutaalluarnissaa Ilulissani Inuit Ataqatigiit kissaatigaat IIA, Ilulissani Inuit Ataqatigiit, Nunatsinni aalisarnerup patajaatsumik, qularnaatsumik aningaasarsiorfiulluartumillu ingerlanissaa kissaatigaat; tamannalu qulakkeerneqassappat aalisarnermut inatsimmik nutaamik inatsisiliortoqartariaqartoq nassuerutissaavoq. Nunatsinni aalisarnerup inuiaqatigiinnut iluanaarutaalluarnissaa qulakkeernissaa pingaartipparput; taamaammat Ilulissani aalisartut naalaarpagut. Aalisartut inatsisissap tusarniutigineqarnerata sivitsorneqarnissaannik kissaateqarnerat tusaavagut; taamaammat tusarniaanerup sivitsorneqarnissaa Naalakkersuisunut kaammattuutigerusupparput. Taamak kaammattuuteqarnitsinnut tunngaviusoq tassaavoq; aalisarnerup pitsaasumik aningaasarsiorluarfiusumillu […]
