Politikkikkut anguniakkat
Nunatta Folketingimi nipaa
Inuit Ataqatigiit Folketingimi nunatta suliassaqarfippassuarni suli akisussaaffigilersimanngisatsinni kalaallinullu Danmarkimiittunut soqutigisai isumagisarai. Kalaallit innuttaasut ulluinnarni inuunerannik malunnaatilimmik allannguerisuppugut inuiaqatigiillu toqqissisimanartoq, naapertuilluartoq piujuartitsisorlu tamanut inissaqartitsisoq qulakkeerusullutigu.
Innuttaasut aallaavigalugit
Inuit Ataqatigiit Folketingimi partiiuvoq uppernassuseqarlunilu aaqqiissuteqarnissamik anguniagaqartoq. Sulinerput innuttaasut piviusumik pisariaqartitaannik aallaaveqarpoq ersarissumillu attaveqaqatigiinneq peqataatitsinerlu aqqutigalugit innuttaasunik aallaaveqarluta politikkimik suliaqarnissarput anguniarlutigu.
Pineqartilluta avaqqunneqassanngilagut
Nunatta nunatsinnut tunngassuteqartuni isumaqatiginninniarnernilu piffissaagallartillugu peqataatinneqartarnissaa sunniuteqaqataanerunissaalu qulakkeerneqarnissaat Inuit Ataqatigiit Folketingimip sulissutigaa. Oqaloqatiginneriaaserput ataqqeqatigiinnermik sulilluarnissamillu tunngaveqarpoq. Kalaallit Nunaannut tunngatillugu aalajangiinerni sunniuteqarnerpaanissaq anguniarparput naalakkersuisullu Kalaallit Nunaannik ilisimasaqarnerulernissaat sulissutigalutigu.
Ilaasortanngorit
Kikkulluunniit Inuit Ataqatigiinnut ilannguttut kattuffimmilu suleqataarusuttut immikkoortortaqarfimmi ilaasortanngorsinnaapput. Tapersersuisutut ilaasortanngortoqarsinnaavoq aamma.
