Tusagassiutinut nalunaarut
Maajip aallaqqaataa, nunarsuarmi sulisartut ulluat aammattaaq Namminersulernerup eqqunneqarnerata ullorititaat.
Ullloq suliffimmi atugassarititaasut pitsaanerusut, naligiinneq, isumannaatsuunerlu anguniarlugit ullorititaq.
Ulloq pisussaaffiliivoq suliffeqartuulluta ulluinnarni atukkatsinni, pisinnaatitaaffitsinni suliffeqarfinnut tunniussagut nammineerlutattaaq ineriartorfigut isiginiarnissaanut.
Ulloq eqqaassavarput ataatsimoorfittut inuusuttuniik utoqqarnut suliffeqartuusugut ataatsimoorfigigatsigu. Pisinnaatitaaffiuvoq ilinniagaqarneq suliffissaqarnermut aqqutissiuussisuusoq. Inuiaqatigiinni ineriartornissatsinnut naleqartitagut piorsarsimassuserlu tunngavigalugit.
Nunami maani siunissami namminersulissagutta aqqutissatuaavoq akisussaaffimmik tigusinissaq. Taamaammat kaammattuut kissaallu pingaarnerpaaq ilissinnut anngukkusuppara: Ilinniaritsi, siunissarsi qulakkeersiuk atugarissaarusullusi. Uagut politikkeriusugut sapinngisatsinnik sinaakkutit pittaasut anguniartuassuagut ilissi pillusi.
Inuussutissarsiutit ineriartorneri nunatsinnut pisuussutaasussat sumiiffikkaarluta ilisimalluakkagut aallunnerisigut aningaasaqarnikkut siuariartornissaq angunissaa takorloorneqarsinnaavoq. Aalisarnermut inatsit nutaaq, takornariaqarnermut inatsit inuussutissarsiornermullu inatsisit nunatsinnut tulluarsakkat pilertorput. Tamakkulu malitsianik nunaqavissuniit iliuuseqarfiginissaa ajornannginnerulertutullusooq ippoq.
Kissaappassi nunatsinni sulisartuususi ulloq atorluarumaarissi, aammattaaq suliffissinni ulluinnarni atukkassinni tarrarsorfittuttaaq ulloq eqqarsaatersorfigiumaarissi. Qularinngilluinnarparami sulisuususi pitsanngorsartuarnissamut anguniagaqartartusi.
Inatsisartuni ilaasortaq, Iddimanngiiu Bianco
