Meeqqanut, Inuusuttunut, Ilaqutariinnut Peqqissutsimullu Naalakkersuisoq Mimi Karlsen sapaatip akunnerani uani New Yorkimi COSP15 ingerlanneqartussami peqataassaaq. Matumani erseqqissaatigaa inuit innarluutillit sulisartutut inuuneqarnissaannut pitsaanerusumik periarfissaqarsinnaanissaat inuiaqatigiinnilu naligiillutik inuuneqarnissaat.
Uani sapaatip akunnerani Mimi Karlsen COSP15-imi (15th Conference of States Parties to the Convention on the Rights of Persons with Disabilities) oqalugiarpoq, tassani Inuit Innarluutillit Pisinnaatitaaffii pillugit NP Isumaqatigiissutaannik – Inuit Innarluutillit pillugit NP Isumaqatigiissutaannik ilisarisimaneqarnerusoq – oqaluuserinninniarlutik nunat ataatsimeeqatigiillutik.
