Peqqinnissaqarfik toqqissisimanartoq piumasaraarput aamma isorliunerusuni.
Inuit Ataqatigiit illoqarfinni inukinnerusuni toqqaanaq nakorsiarsinnaajunnaarneq aamma illoqarfiit ilaanni, napparsimaviit ullaakkut nalunaaqutaq arfineq-pingasuniit ualikkut sisamat tungaannaanut ammasalernerat akuerinngilarput.
Sumiiffiit ilaannittaaq nakorsaqaraluarlutik ualikkut nalunaaqutaq sisamat kingorna, nakorsamik aggersaasinnaanginnermik aaliangiussamik peqqinnissaqarfiup atorfinititsiortulernerat apeqquserparput.
Paragraf 37 atorlugu peqqissutsimut naalakkersuisoqarfimmut apeqqutiginikuuvara ilumut aaliangiussaasimanersoq illoqarfinni nal. 16.00 inorlugu inulinni pissutsit taamaatussatut aalajangiiffigisimaneraat.
Akissutigineqarpoq tamanna Peqqissutsimut Aqutsisoqarfimmit aalajangigaasimasoq.
Inuit Ataqatigiit killiffik taamaattoq akuersaarneqarsinnaangitsutut isigaat. Nunarpummi isorartuvoq, silap pissusaa nalunngilarput allanngorartuusoq peqqarniissinnaasartorlu. Taamaasilluni angalaniarneq naatsorsuutaasinnaanani. Tulluanngillluinnarpoq illoqarfiit nakorsaqartannginnissaat aamma illoqarfiit ilaanni innangaviit pioreeraluartut atorunnaarsinneqarneri.
Naligiimmik toqqissilluta nunatsinni sumiikkaluaruttaluunniit najugaqasinnaasariaqarpugut. Inuit illoqarfinni inukinnerusuni aamma najugallit tamaavimmik naleqarput. Kissaatigaarpullu piaartumik innuttaasut toqqissisimaffigisaannik peqqinnissaqarfiup aaqqissuunneqarnissaa Naalakkersuisut suliarissagaat, Peqqissutsimut Aqutsisoqarfiup kukkusumik aalajangersaasimanera siullertut atorunnaarsissallugu tassani inissaminiissaaq.
Paarma Lund Kreutzmann, Inuit Ataqatigiit
