Peqqinnissaq pillugu oqaaseqartartoq USA’p præsidentiata peqqinnissaqarfipput pillugu saqqummiussinera oqaaseqarfigivaa
Ulluni kingullerni USA’p præsidentiata Nunatsinni peqqinnissaqarfipput pillugu saqqummiussinera malinnaavigivarput.
Pilersaarusiai Inuit Ataqatigiinniit akuerinngilagut.
Nukissat Nunatsinnut neqeroorutai nammineq nunamini atussagaluarpai, ilisimasatsitut nunagisaani pisariaqartitsisorpassuupput.
Nunatsinni peqqinnissaqarfik pitsanngorsagassaavoq.
Nakorsianut atugarititat aammalu peqqinnissaqarfimmi sulisunut atugaat naammaginanngitsorpassuupput.
Tamanna Inuit ataqatigiinnit eqqumaffigivarput, pitsanngorsartuarnissanullu sulissuteqartuassalluta.
Taamaattorli nunat amerlasuunut sanillillugu, aamma USA-mut sanilliullugu peqqinnissaqarfipput akeqanngilaq.
USA-mut sumilluunniit akiitsoqalernianngilagut, aningaasanik allatigulluunniit. Taamaammat Naalakkersuisut siulittaasuata oqaatigisai isumaqatigivagut, – umiarsuaq oqallisaasoq akuerinngilarput.
Peqqinnissaq pillugu oqaaseqartartoq
Paarma Lund Kreutzmann
