Nunatsinni arnat qinersisinnaatitaalernerannit ukiut 75-inngortorsiutigineqarnerini IA-p kaammattuuutigivaa, arnat suli amerlanerusut nipaasa tusarneqarsinnaaneri qulakkeerniarlugu periarfissat suuneri misissorneqassasut – arnat angutillu naligiilivinnissaat anguniarlugu ilungersuutigisassat suli amerlapput.
Ulloq 15. april 2023 arnat Nunatsinni qinersisinnaalernerannit ukiut 75-it qaangiussimalerput. Kalaallit angutit qinersisinnaalerannit Ukiut 100-ngajannit kingusinnerusumik. Innuttaasunit tamanit sinniisoqarluni 1948-mi kiisami tamat oqartussaaqataanerat taamaasilluni atuutsilerpoq.
“Tamanna nalliortorsisutigineqartariaqarpoq, tassami kikkut tamarmik tusarneqarnissamut sunniuteqarnissamullu periarfissaqarlutik aalaangiinernut sunneeqataasinnaappata pissutsit pitsaanerulissapput”, naligiissitaaneq pillugu oqaaseqartartoq Asii Chemnitz Narup oqarpoq, nangillunilu: ”Inooriaatsitoqqatsinni angutit arnallu inuunerup ingerlaannarnissaa qulakkeerniarlugu tapersersoqatigiittarnikuupput suleqatigiillutillu – inuiaqatigiinni nutaaliaasuni aamma taamaaliortariaqarpugut tassa eqqarsariaatsit misilittakkallu assigiinngitsut katitinneqaraangata innuttaasut affaannaasa aalajangiinerannit aalajangiinerit pitsaanerulersarput.”
1948-imiilli arnat nukittuut Nunatsinni politikkimi takusarnikuuvagut. Elisabeth Johansenimit, arnani siullersaalluni Nunatsinni Landsrådimi 1959-imi qinigaasumit aamma Guldborg Chemnitzimut arnani siullersaalluni Nuummi Kommunlabestyrelsimut 1951-mi qinigaasumut – ullutsinni Naalakkersuisuni ilaasortanut, Inatsisartuni ilaasortanut, Kommunini politikerinut, Nunaqarfinni aqutsisuni ilaasortanut Folketingimilu ilaasortanut taaguisinnaavugut. Assersuutissat amerlapput, tulluusimaarutissavut nalliuttorsiutigisariaqakkavullu.
Pisinnaatitaaffeqarnerli aatsaat atorneqaruni iluaqutaassaq. Nunatsinni politikkimi immikkoortuni arlalissuarni arnat angutillu naligiissitaanissaat suli ilungersuutigisariaqarparput”, Asii Chemnitz Narup oqarpoq.
Nunaqarfinni aqutsisut katitigaarnerat arnat amigaataanerinut assersuutissaavoq, aammali Inatsisartuni Naalakkersuisunilu arnat angutinit suli ikinnerungaarput.
Nunaqarfinni Aqutsisut kaatillugit 106-upput,taakkunannga 30-t arnaallutik.
Inatsisartuni ilaasortanit 31-usunit arnat arfineq pingasuinnaapput, Naalakkersuisunit quliusunit arnat pingasuinnaapput.
Nassuiaatissap ilaa tassaasinnaavoq Inatsisartuni sulinermi ukiup ingerlasarnerata katitigaarnera.
”Inatsisartut sulisarnerini aaqqissuussineq toqqarneqarsimasoq tassaavoq ukiumut marloriarluta piffissami ulapipiloorfiusuni ataatsimiittarluta, nalunaaquttap akunneri eqqumaffiusut tamarmik ilalaarlugillu politikkimik sulinermut atorneqartarlutik. Aaqqissuussineq taama ittoq demokratiimut pitsaasuunngilaq ilaqutariittullu inuuneqarnissamut ajoquseerujussuartarpoq.
Partiit tallimmat akornanni allannguinissaq nutarterisoqarnissaalu qujanartumik isumaqatigiissutaavoq – piffissanngorpormi.”
Inuiaqatigiinni naligiissitaanermik oqallinnermi taamatulli pingaaruteqartigisutut sorsuutissat tassaapput naligiimmik akissarsiaqarnissap sulffeqarnermilu naligiissitaanissap, angerlarsimaffimmi aqqusinermilu toqqissisimasuunissap, nakuusertoqartannginnissaanik innarliisoqartannginnissaanillu sulissuteqarnissaq. Aningaasaqarnikkullu naligiinnerulernissaq
