Nunatta Nunat avannarliit Siunnersuisooqatigiivini tamakkiisumik ilaasortanngorsinnaanera qallivoq.
Ukioq kingullermili nunat Nunat Avannarliit Siunnersuisooqatigiiffini Helsingorsimi isumaqatigiissutip (Nunat Avannarliit Siunnersuisooqatigiiffiata tunngaviusumik inatsisaa) nutarterinissamut suleqatigiissitaliortoqassasoq aalajangerneqarpoq, Marianne Paviasen Jensenilu Kalaallit Nunaata sinniisuatut naapilluni qarasaasiarluunniit atorlugu ataatsimiinnerni qulini peqataavoq, tassanilu pappiararpassuit atorfilittallu nalunaaquttap akunnerpassuini sulineri ingerlanneqarput.
Maannalu Helsingforsimi isumaqatigiissutip Nunat Avannarliit Siunnersuisooqatigiivini suliarinera naammassivoq, taamaammallu aalajangerneq Nunat Avannarliit Ministeriinut suliassanngorlugu tunniunneqarpoq.
Kalaallit Nunaannit politikeritut kisiartaallunga Helsingforsimi isumaqatigiissutip nutarternissaa pillugu isumaqatiginninniarnerni peqataanissamut periarfissaqarsimanera nuannaarutigisorujussuuara nunatummi nunat allat assigalugit pineqarnissarput piumasaraarput, taamaammallu Kalaallit Nunaata suliassamik naammassinnissinnaalluni piareertutut misigiguni, Nunat Avannarliit Siunnersuisooqatigiivini tamakkiisumik ilaasortanngornissaa ilungersuutigaara. Suliaq isumaqatiginninniarnerpassuarnik imaqartoq pikkunarsimavoq, isumaqatigiissuteqarnissarlu angutserlugu oqallinnerit annertuut ingerlanneqarput. Suliap Nunat Avannarliit Ministeriinut ingerlateqqinneqassasoq aalajangerparput. Suliami nunatsinnut annertuumik pingaaruteqartumi suleqataasussatut toqqarneqarsimanera tulluusimaarutigalugulu qujamasuutigaara, Nunanilu Avannarlerni suleqatigiinnermut qujallunga, Ministerrådi sulilluarnissaanik kissaappara.
Sisamanngornermi ulloq 31. oktober Nunani Avannarlerni Siunnersuisooqatigiivini amerlanerussuteqartunit akuersissutigineqarluni, suliaq Ministerrådimi naammassillugu suliarineqartussanngorlugu ingerlateqqinneqarpoq.
Suleqataasimasut tamaviisa qutsavigaagut.
Mariane Paviasen Jensen
