Nunaqarfinni aningaasaliissutit Nunaqarfinni aqutsisut aggersaanertalimmik ataatsimiinnerminni aalajangertartussaavaat, tamannalu allatseqarluni ingerlanneqartussaavoq.
Ajoraluartumik piffissami kingullermi maani najugaqarfitsinni aqutsisisuni suleriaaseq tamanna atorneqanngilaq. Sulinigut tutsuiginartuussapput, akuerinngilara Nunaqarfinni aqutsisut siulittaasuata oqarasuaatikkut sianerluni isumaqatiginninniartarnera. Akuerinngilarattaaq ataatsimiinnerup avataani allatsimik peqataaffigineqanngitsumik suli eqqartorneqanngitsunik Nunaqarfinni aqutsisunut isumaqatiginninniartoqartarnera.
Nunaqarfinni aningaasaliissutit ataatsimiinermi immikkut sammillugit aalajangiiffigineqartussaapput. Aningaaasat sumut atorneqassanersut isumaqatigiilluni suliassaapput.
Akisussaassueqarluni aqutsisoqarnissaa pingaartippara, Nunaqarfinni aqutsisut suleriaasiat uniorlugu sulisoqassanngilaq. Malitassat uniorlugit sulineq illersorneqarsinnaanngilaq. Tamannarpiaq tunngavingalugu Avannaata kommuniani borgmesteri allaffigisimavara saaffiginnissutigalu tigulluarneqarmat qujallunga.
Nunaqarfinni aqutsisut siulittaasui Borgmesterip akisussaaffimmagit kaammattorpara qiningaaffimmi matumani pitsaasumik akisussaassusilimmillu sulisoqarnissaa qulakkeerniartuaqqullugu, kissaatigaaralu siunissami missingersuusiornermi nunaqarfimmiut peqataatinneqarnerussasut.
Taamatut kaammattuuteqarlunga
Regine N. Bidstrup, Tasiusaq
Nunaqarfinni aqutsisuni ilaasortaq
Inuit Ataqatigiit
Bygdebestyrelsens beslutninger skal være gældende
Midlerne
