Naternami ukiuunerani 2023 qimussit immikkut umimmannik tuttunillu piaartumik pisassinneqartariaqarput.
Ukiut kingulliit sineriak tamaat isingalugu piniarnikkut inuuniarneq ilungersunartumiippoq, minnerunngitsumik sumiiffiit ilaanni qimuttunik qimmeqarfiusuni piniarnermi inuuniarnikkut nerukkaatissaqarniarnikkullu ilaquttanik ikiungaqartunut annertuumik ilungersuanartorsiorfiuvoq.
Qimminik qimuttoqarfimmioq ukioq kaajallallugu, qimmeq piujuaannartinniarlugu qimmeqarniarluni inuuniarnikkullu annertuumik ilungersortariaqartarput. Silap pissusaata allanngoriartornerata qimmeqarneq eqqornerlutaa qaavatigut qimmeqartunut piniarnikkut periarfissiisannginnerup eqqornerluppaattaaq. Ukiormanna ukiuunerani Naternami tuttunniarnissap inassutigineqannginnerani tunngavilersuutaavoq, aasanerani tuttunniarluartoqarsimaneranik Nalunaarummi tunngavilersorneqarpoq.
2022-mi qimussimik tuttunniartitsinerit umimmanniartitsinerit ingerlanneqarput, tamannalu qimmeqarnikkut inuuniarnermi pitsaasumik kinguneqarpoq. Naternamimi qimussinut pisassiisoqarnikuuvoq, aammalu Naternap ilaani Atarnup nunaani qimussimik aavarneq ingerlanneqarluni.
Tamanna qimmilinnut kikkunnulluunniit eqiiallatsisimavoq, ukiormannamullu 2023-mut tuttunniarnissamut umimmanniarnissamullu piareersarluartoqarsimanera tapersersorneqartariaqarpoq. Piaartumillu pisassiisoqartariaqarluni.
Hans Aronsen Inatsisartuni ilaasortaq IA
