TUSAGASSIUUTINUT NALUNAARUT
Naalagaaffiit Peqatigiit pisinnaatitaaffiit pillugit isumaqatigiissutaat sorliit nunatsinni atuutissappat?
Naalagaaffiit Peqatigiit meeqqat pisinnaatitaaffii pillugit isumaqatigiissutaata nunatsinni malinneqartussaanera naammassiniarlugu atuutsinneqarnera nalorninaatsuuvoq, tamanna qujanarpoq.
Naalagaaffittut ulloq taanna allartikkutta pingaarutilerujussuuvoq inuit pisinnaatitaaffiisa ersarissuunissaat nalorninaatsuunissaallu. Ajoraluartumik maanna inissisimanitsinni inuit pisinnaatitaaffii tamakkiisumik atuunersut atuutinnginnersulluunniit ilaatigut suli nalorninartuupput, politikkikkummi pisinnaatitaaffiit pillugit isumaqatigiissutit sorliit nunatsinni atuutissanersut isumaqatigiissutigineqanngillat.
Nunap inoqqaavisa pisinnaatitaaffiissa atuunerat atuutinnginneralluunniit Inatsisartuni eqqartorneqarmat oqallisissiortutut nalorninngilanga oqaatigaara ILO-mi isumaqatigiissut nr: 169 atuuttoq.
Politkkikkut Nalaagaaffiit Peqatigiit pisinnaatitaaffii pillugit isumaqatigiissutaat sorliit atuunnersut isumaqatigiissutaasariaqarput
Immitsinnnut aperisariaqarpugut; pisinnaatitaaffiit nunani tamalaani isuamaqatigiissutaasut kina naalakkersuisuunersoq apeqqutaatillugu atuutittarniarpagut? Arlaleriarluta nalaapparput Naalakkersuisut isumaqatigiissuutit ass. Århusimi isumaqatigiissut aamma nunat inoqqaaavisa pisinnaatitaaffii pillugit Nalaagaaffiit Peqatigiitt nalunaarutaat atuutinngittutut nalunaartoqartarnera.
Pisinnaatitaaffiit nalorninaatsuusariaqarput ataavartuullutillu apeqqutaatinnagu kina naalakkersuisuunersoq, taannalu suliassaavoq pingaarutilik annertooq, taamaammat Inatsisartuni sulisariaqarpugut politikkikkut isumaqatigiissutaasumik pisinnaatitaaffiit nunatsinni suut atuunnersut allattorlugit.
Pisinnaatitaaffiit, apeqqutaatinnagu kina kikkullu Naalakkersuisuunersut nalornissutigineqartussaanngitsut pigilertariaqarpagut.
Mariane Paviasen
Inuit Ataqatigiit tunuliaqutaralugu Inatsisartuni ilaasortaq.
