Tallimanngorneq 10.10.2025 danskit Naalakkersuisui aamma Naalakkersuisugut illersornissaqarnermut atatillugu isumaqatigiissuteqartoqarpoq.
Nunarsuatsini pissaneqarniuunneq tunngavingalugu pissutsit najummatsisimanartorsiorfiupput. Illersornissamut suliniutit annertuumik Danskit annertusaaniarlutik aalajangerput.
Danskit Naalakkersuisui aamma Naalakkersuisugut atsioqatigiinnerminni nunatsinnut sunniuteqartussanik aalajangiineq ingerlappaat. Inuit Ataqatigiit isumaqarput isumaqatigiissutip imarisaa siunertaalu ersarissumik innuttaasunut saqqummiunneqassasoq. Naalakkersuisut kaammattorumavarput innuttaasut meeqqaniit utoqqarnut paasinartumik saqqummiinissaannik.
Inuit Ataqatigiit isumaqarputtaaq isumaqatigiissutit suliarineqarnerani innuttaasut aamma oqartussaasut peqataatinneqassasut. Paasinarsivoq Kommuneqarfik Sermersuumi kommunalbestyrelse umiarsualiviup allilerniarneqarneranut ilisimatinneqarsimanngitsoq. Siunissami isumaqatiginninniarnerit taama ittut peqqissanngippata minnerpaamik pineqartut peqataanissaat pisariaqarpoq.
Naalakkersuisoq aammaarluta sakkortuumik kaammattuuteqarfingaarput Nunatta nunanut allanut, sillimaniarnermut illersornissamullu politikkikkut periusissiaa nutarternissaa siunertaralugu partiinik oqaloqateqarnermik aallartitseqqullugu. Nunarput aammalu Inatsisartut ataatsimoorfissaanik tunngaveqarluta nunanut allanut sillimaniarnermut illersornissamullu politikkeqartariaqarpugut, taamaanngippat nunat allat soqutigisaat sallinngussapput. Maanna pisariaqarpoq, utaqqeqqissinnaanngilaq.
Inuit Ataqatigiit Sinnerlugit
Pipaluk Lynge
