kommunimut qinersineq 2025
Snart er der kommunevalg, og du skal tage stilling til Grønlands fremtid. Inuit Ataqatigiit (IA) arbejder for et stærkt, retfærdigt og bæredygtigt Grønland – med fokus på fællesskab, social retfærdighed og økonomisk udvikling. Din stemme er med til at forme vores kommuner og det samfund, vi ønsker.
- toqqissisimaneq atugarissaarnerlu tamanut
- aningaasaqarneq nukittunerusoq suliffissaqartitsilluartoq.
- peqqinneruneq, ilinniarsimanerunerlu
- nukissiuutitsigut migutitsinnginnerusumut allannguineq kiisalu attanneqarsinaasumik ineriartortisineq
- Kalaallit Nunaat nammineererusoq.
Kalaallit Nunnaat nukittunerusoq, naapertuilluartoq imminullu napatittoq pilllugit takorluukkavuq politikikkullu anguniakkavut annerusumik atuakkit nittartagatsinni.
Kommunimut qinersinermut 2025-mut qinigassanngortittut
Oqartussaaqataaneq akisussaaqataanerlu
Kommunimut qinersineq 2025
Innuttaasut qinersisartullu tamassi kommuninut qinersinissaq nallerpoq. Ataatsimut oqartussaaqatigiilluta siunissatta isummerfiginissaanut qilanaarlunga maanna Inuit Ataqatigiit ukiuni tulliuttuni sisamani kommunini anguniarumasaat saqqummiuppagut.
Ikinngutinnersumik
Múte Bourup Egede, Siulittaasoq
Inuit Ataqatigiit innuttaasut oqartussaaqataanerat qitiutillugu sulissaagut. Najugaqartut nunartik qanoq ineriartortikkusunnerlugu ilisimavaat, inoqarfinni tamani innuttaasunit aallaavilimmik siuarsaanissamik siunertaqarluta sulissaagut. Najugaqartut ilisimasaannik atorluaassaagut akuutitsissallutalu.
Inoqarfinni aningaasarsiorneq siuarsarumallugu nukiit ataatsimoortinneqarnissaat Inuit Ataqatigiit sulissutigissavaat.
Oqartussaaqataaneq akisussaaqataanerlu
Inuuffigisami oqartussaaqataaneq inuiaqatigiinnut akisussaaqataanermik malitseqarpoq.
Kommunit aaqqissuuteqqinneqarnerisa siunertaa pitsaasuusimagaluartoq oqartussaaqataassutsip ungasinnerulerneratut misigineqarnera Inuit Ataqatigiit paasilluarparput.
Inuuffigisap ineriartortinnissaanut piffimmi najugaqartut oqartussaassuseqarfigalugulu akisussaaffigissavaat, ineriartorneq najugaqartut pilersitseqataaffigissavaat. Kommunini aaqqissuussinerput oqartussaaqataassutsimik pilersitsinerusoq pisariaqartipparput.
Inuit Ataqatigiit Inatsisartuni issiatitaqarnermigut kommunini oqartussaaqataassutsip qulakkeernissaanut suleqataanissatsinnut piareersimavugut.
Illoqarfiit mikinerusut nunaqarfiillu oqartussaaqataatillugit ineriartussaagut
Inuit Ataqatigiit kommunalbestyrelsemi sulinitsinni illoqarfinni mikinerusuni nunaqarfinnilu ineriartorneq najugaqartut peqatigalugit ineriartortsinissamut pilersaarusiorlutik sulissaaagut.
Nunaqarfinni Aqutsisut aalajangiisinnaassuseqarlutik qinikkatullu sulinerminni kommunalbestyrelsemit qaninnerusumik suleqatigineqartariaqarput.
Inuit Ataqatigiit illoqarfinni mikinerusuni nunaqarfinnilu ineriartorneq angujumallugu kommunini tamani illoqarfinnut mikinerusunut nunaqarfinnilu ineriartortitsinissaq siunertaralugu ataatsimiititaliamik pilersitsissapput. Ataatsimiititaliaq illoqarfinni mikinerusuni qinikkanik aammalu nunaqarfinni aqutsisunik qanimut suleqateqassaaq ukiunilu aggersuni ineriartortitsinikkut anguniakkanik suliaqassapput.
Innuttaasunik sullissineq
Innuttaasut isumaginninnikkut sullinneqarnerat qaffasissuussaaq. Innuttaasut inatsisit malillugit sullinneqarnissaat pingaaruteqarpoq. Inuk sullinneqartoq nalorninaatsumik sullinneqarnissaa tamatigut salliussaaq.
Inunnik isumaginninnermi suleriutsini nutarterinissaq pisariaqartipparput, sullissisunut aammalu saaffiginnittunut paasinartunik. Inunnik sullissinermi kommunit kivitsisinnaanerat qaffassarneqassaaq Naalakkersuisut inatsisiliortullu peqatigalugit, inunnik sullisinermut inatsisit sinaakkutaasut nuna tamakkerlungu aaqqissuunneqassapput.
Inatsisiliornermi kommunit akuutinneqassapput
Inatsisartut inatsisiliaat kommunit atuutittarpaat. Inatsisiliornermi kommunit ulluinnarni sulisoqarnikkut aningaasaqarnikkullu kivissinnaasaat naapertorlugit inatsisiliat suliarineqarnissaat Inuit Ataqatigiit pingaartippaat.
Aningaasaqarnikkut akisussaassusilimmik attannneqarsinnaasumillu ineriartornermut toqqammaveqartumik aqutsineq
Aningaasaqarneq pitsaasoq kommunip ingerlalluartup toqqammavigaa. Kommunit aningaasaatiminnik akileraarutitigut akitsuutitigullu akilikkanik aqutsisuunerat Inuit Ataqatigiit ilisimaarilluarpaat.
Kommunit ataatsimoorussaqarlutik angunigaqatigiinnerat
Nunatsinni oqartussaaqataanermi kommunit assigiinngikkaluarluarlutik misilittakkaminnik aammalu suliaminnik anguniagaqatigiissinnaanerat periarfissaqassaaq.
Inuit Ataqatigiit isumaqarput kommunit suleqatigiinnerat suli annertunerusariaqartoq.
Takornariaqarnikkut ineriartorneq
Kommunit suleqatigiillutik takornariaqarnerup ineriartorteqqinneranut suleqatigiissapput. Maannamut annerusumik takornariaqarneq kommunit akunnerminni suleqatigiissutigissavaat.
Takornarissat tikittussat sapinngisamik inoqarfinnut siammarlutik takornariarsinnaanngortinneqassapput taamaasilluni takornariaqarneq kommuninut tamanut iluaqutaanerulersillugu.
Avatangiisit minguitsut
Inoqarfinni minguitsumik avatangiiseqarneq inoqarfiup ineriartortinnissaanut iluaqutaavoq.
Nunatta pisuussutai uumassusillit inuussutissarsiutitta aalisarnerup qiterai. Pinngortitarsuaq alianaaqisoq takornariartitsinermut inuussutissarsiortut isertitsiffigilluarsinnaavaat.
Inuit Ataqatigiit inoqarfiit eqqiluitsuunissaat, minguitsumik imeqarneq, nutaaliaasunik kuuffissuaqarneq, kiisalu nutaaliaasunik avatangiisinullu innarliinngitsumik eqqakkanik passussisarneq kommunalbestyrelsini ilungersuutigalugu nangittumik anguniassavaat.
Kommunalbestyrelsemi pinngortitamik mianerinnittumik nungusaataanngitsumik toqqammaveqarneq sulissutigissarput.
Erngup nukiliorfiusinnaasunik atuilluarneq, seqernup nukiganik kiisalu nukissioriaatsit allat avatangiisinut innarliinngitsut inerisarneqassapput, taamaaliornikkut suliniutit atasinnaassusillit aallartinneqarsinnaaqqullugit.
Najukkani ineriartornermi imeqarfiit killingititaat illoqarfiit ineriartornissaannut killiliisut immikkut ittumik suliniarfigissavagut.
Inoqarfinni najugaqartut ineriartornermik oqartussaaqataanermillu periarfississagavagut. Anguniakkatsinnik ikiortigut, qinigassanngortitattalu ilaannik qinersilluarisi.
