Eqqagassalerisut tapersersorneqartariaqarput.
Avannaata Kommuniani Upernaviup eqqaani nunaqarfiit inuttunersaanni eqqagassalerinikkut qamutinik motorilinnik atortulersuisoqarnerata kingorna sulisunut pitsaasumik ingerlatsoqalernikuuvoq.
Nunaqarfiit annertuumik eqqagassalerinikkut ajornartoriuteqarnikut atortorissaalernermikkut pitsaasumik sulissineq ingerlalernikuuvoq.
Sulisut sulilluartut, assakaasoq aallartilluaruttortoq, uggornaraluartumik Avannaata Kommuniani aningaasanik sipaarniarnikkut eqqagassalerisut sulisunut paarlatseqartarneq sipaarniarfigineqarpoq, paarlatsinik sulisoqarsinnaajunnaarneq sulisunut assakaasumik pitsaasumik aallartittoqarnerani sulisunut sulilluartunut sulinerup soqutinassusaanut annikillisitserujussuassaaq. Aallaat sulisut soraajorarsinnaanerat naatsorsuutigineqarsinnaalluni.
Isumaqarpunga Avannaata Kommuniata sulisut aalajaatsut, sulilluartut eqqagassalerinikkullu pitsaasumik ingerlatsilernikut paarlatseqartarnerat sipaarniarfiginagu aningaasaliiffigisariaqaraat.
Sulisut sulilluartut sulisoriinnarnissaannut nukimmik annertuumik tunisisussaapput.
Eqqagassalerisuuneq nukkiornartuuvoq qanorluunniit atortorissaaruteqartigigaluaraanni. Sulisut qasusarput. Sulisunik sulinngittoqartillugu suliassallu nukkiornartut annertuut isumangineqartarput. Taamatut ingerlaannartoqalersillugu sulinissamut soqutiginninneq killilersorneqalertarpoq.
Avannaata Kommuniani eqqagassalerinikkut ajornartorsiutit annertuut uteqqissanngippata sipaarniarfiginagit assakaasut aallartilluarnerat ingerlatiinnartariaqaraluarpaa.
Regine N. Bidstrup
Nunaqarfinni aqutsisuni ilaasortaq
