TUSAGASSIORFITSIGUT NALUNAARUT Asii Chemnitz Narup, Inatsisartunut Ilaasortaq
Atoqatigiinnissamut akuerseqqaartarnissaq pillugu inatsit nutaaq naligiissitaanermut ajugaanerujuvoq Inuit marluk atoqatigiinniarunik akuersaarlutik, tamarmik immikkut erseqqissumik ”aap”-imik isumalimmik paaseqatigiissuteqaqqaarsimasalissapput. Aappariinnermi aamma tamanna atuutissaaq. Taamaattoqarsimanngippat atoqatigiinneq pinngitsaaliisimanertut unnerluutigineqarsinnaalissaaq. Naalakkersuisut tamaatut siunnersuuteqarnikuupput, Inatsiseqarnermullu Ataatsimiititaliap isumaliutissiissutaani siunnersuut taanna taperserneqarpoq. Pinerluttulerinermi inatsimmi §77-ip allanngortinnissaa Naalakkersuisut inatsisissatut siunnersuutaanni pineqarpoq. Maannamut aatsaat ”pinngitsaaliilluni atoqateqarsimasoq allatulluunniit kinguaassiuutitigut atoqatiginnittoq persuttaanikkut qunusaarinikkulluunniit imaluunniit allamik […]
TUSAGASSIUTINUT NALUNAARUT Inuiaqatigiit Inatsisaat pingaarneq partiit tamatta akueraarput.
Inuit Ataqatigiit nuannaarutigilluinnarparput Aningaasanut Inatsit 2023-moortoq partiit tamarmik suleqatigiillutik akuerimmassuk. Malugisassaavoq, pisoq qaqutigoorpoq. Naammassinissaanullu akitsuutinik matussiisoqanngilaq, tassalu pitsaaqutaa. Naalakkersuisut qujunaq tamanut tusarnaarlusi, peqataatitsigassi, ammasumillu ingerlatsinermut qujanaq. Inuit Ataqatigiit nuannaarutigaat, akitsuutit siusinnerusukkut Aningaasanut Inatsimmut putunut matussusiinermut atorneqartarneri tamannga killeqarmata. Aappaagumullu Inatsimmi akitsuutinik ikkunneqarsimagaluartunik piiaanerput, innuttaasut aningaasaqarnermi artukkerneqarsimagaluarnerat tassuuna peerneqarput. Ulluni imaannaanngitsuni. Sorsuttoqarnerup nalaani. Tamanna […]
TUSAGASSIUTINUT NALUNAARUT – Mariane Paviasen, Inatsisartunut ilaasortaq
Ilinniarfinnik pilersitseqattaarnermit pingaanersiuineq sammisariaqarput. Inuit Ataqatigiit Inatsisartuni Ilulissani takornarialerinermik ilinniarfimmik pilersitsisoqartariaqarneranik misissuisitsinissamik aalajangeeqqusineq tapersinngilarput. Isumaqarpugut Ilulissani immikkut takornarialerinermik ilinniarfimmik pilersitsisoqarnissaannut piffissaanngitsoq , tamatumunnga pissutaavoq massakkut ilinniarfiup Campus Kujalliup takornarialerinermik ilinniartitsisarnermini suliamik kivitsillualereermat. Isumaqarpugut ilinniarfinnik pioreersunik nunatsinni piffinni assigiinngiiaanni pilersitseqattaarnissaq isumassarsialatsialaanngitsoq, inuiaqatigiit amerlanngilagut isumaqarpugullu nukiit, aningaasat piginnaasallu pitsaanerusumik iluaqutaanerusumillu atorsinnaagigut atorfissaqartikkigullu. Pioreersunik pilersitseqattaaginnarnermiit pitsaaneruvoq nunatsinni […]
Tusagassiuutinut nalunaarut, Asii Chemnitz Narup, Inatsisartunut ilaasortaq
Imminut iluaqutissarsiniarluni peqquserluttarnnerup akiornissaa pillugu FN-imi isumaqatigiissut Kalaallit Nunaannut aamma atuuppoq Kalaallit Nunaanni attavilersuutit, aatsitassarsiornerit nukissiuutillu pillugit suliniutissatut pilersarutit isertitsissutaasinnaapput siuariartortitsiinnaallutillu. Kisiannili aningaasat annertuut nunanilu tamani suleqatit pineqarpata nunatsinni imminut iluaqutissarsiniarluni peqquserluttarneq aamma annertuseriaannaavoq. Kalaallit Nunaat imminut iluaqutisssarsiniarluni peqquserluttarnerup akiornissaa pillugu FN-ip isumaqatigiissutaanut ullumikkut peqataanngilaq, tamannali allanngortinneqartariaqarpoq, Asii Chemnitz Naarup IA-meersoq Inatsisartut aalajangiiffigisassaattut siunnersuummik 9. […]
TUSAGASSIUUTINUT NALUNAARUT Inatsisartuni ilaasortaq, Mikivsuk Thomassen, Inuit Ataqatigiit
Qaanaami inuit ingerlatseqatigiiffinnit sullinneqarnerat naammanginanngilaq. Pisortat ingerlatseqatigiiffiutaasa sullissinerat aaqqitassaqarpoq. Inuuniarnikkut pisariaqarluinnartuni ass. Tusass-i aamma Nukissiorfiit toqqaannartumik saaffigineqarsinnaanngillat, aamma Qaanaami sulisoqanngillat. Saaffiginninneq oqarasuaatikkut qarasaasiatigullu ingerlanneqartarpoq, saaffiginnissagaannilu utaqqerujussuartariaqarpoq tamatigullu akineqarneq ajorpugut, tamanna pissusissamisuunngilaq. Inuiaqatigiinni ingerlatsiviit pingaartuteqartut saaffigiuminartuunissaat piginnittut qulakkeerinneqataaffigisariaqarpaat. Ingerlatseqatigiiffiimmi piupput, inuiaqatigiinni ingerlatsinermut qulakkeerinneqataasussaallutik. Naalakkeersuisut kaammattorsuppakka innuttaasut sullinneqarnerat pillugu piginnittutut piumasaqaqullugit.
TUSAGASSIUUTINUT NALUNAARUT Innuttaasut pissutsinik isertuussanik kalerriisartut pitsaanerusumik illersorneqassapput
Innuttaasut namminneq suliffimminni pissutsinik isornartunik unioqqutitsinernillu nalunaaruteqartut pitsaanerusumik illersorneqassapput. Innuttaasut isertuussanik kalerriisartut pillugit inatsisiliuinissamik Naalakkersuisut peqquneqarnissaannik aalajangiiffisassatut siunnersuut Inatsisartuni sisamanngorpat oqallisigineqassaaq. Aalajangiiffigisassatut siunnersuut Inatsisartunut IA sinnerlugu ilaasortamit Asii Chemnitz Narupimit siunnersuutigineqarpoq. Asii Chemnitz Narup oqarpoq: – Suliniaqatigiiffimmi, suliffeqarfimmi pisortalluunniit suliffeqarfiutaanni nammineq suliffigisami kukkusumik pisoqarneranik saqqummernissamut uparuaanissamullu innuttaasut amerlanersaannut annertuumik sapissuseqarfiusariaqarpoq. Ammasumik isornartorsiuigaanni immaqa ajortumik isigineqalernissaq […]
Aningaasaqarnermut Siunnersuisoqatigiit meeqqat atuarfiat pillugu isumaliutaat pingaaruteqartut
Asii Chemnitz Narup, Inatsisartunut ilaasortaq aningaasaqarnerlu pillugu oqaaseqartartoq: Kalaallit Nunaanni Aningaasaqarnermut Siunnersuisoqatigiit nalunaarusiaanni kingullermi meeqqat atuarfiat immikkut – pisariaqarluinnartumilli – sammineqarpoq. Nalunaarusiami ilaatigut ajornartorsiutit ilisimaneqartut tikkuarneqarput assersuutigalugu inuussuttorpassuit meeqqat atuarfiannit ilinniagaqarnermut ingerlaqqinngitsut, ilinniartitaanermi naligiinnginneq inuiaqatigiinni ataatsimut isigalugu naligiinnginnermut sunniuteqartoq. Nalunaarusiami atuarfimmik nalilersuinissamut tunngavissanik nutaanik ujartuisoqarpoq. Asii Chemnitz Narup, IA-p aningaasaqarneq pillugu oqaaseqartartua oqarpoq: -Ilinniartitaaneq pillugu […]
Aningaasanut inatsit nunarsuarmi pissutsit allanngorfianni – ullut nalorninartorfiusut ornippagut.
Asii Chemnitz Narup, Inatsisartunut ilaasortaq aningaasaqarnerlu pillugu oqaaseqartartoq: 2023-mut aningaasanut inatsisissatut siunnersuut partiinit isumaqatigiinniutigineqarnissaminut oqallisigineqarnissaminullu piareerpoq. Ukioq manna aappaagulu amigartoortoqartussaagaluartoq ukiunilu aggersuni annikitsunik sinneqartoortoqartussaagaluartoq, aningaasanut inatsisissatut siunnersuut siunissamut pinngitsoorani nalorninartorsiuffiusussarujussuarmut unammilligassaqarfiusussamullu suliaavoq. Inuit Ataqatigiit aningaasaqarneq pillugu oqaaseqartartuat, Asii Chemnitz Narup tassunga atatillugu oqarpoq: -Naalakkersuisut aningaasaqarnermut inatsisissatut siunnersuut akiliisinnaassuseqarfiusoq attanneqarsinnaasorlu saqqummiuppaat, partiillu aningaasanut inatsit piffissami aggersumi […]
TUSAGASSIUUTINUT NALUNAARUT
2023-mut aningaasanut inatsisissamut siunnersuummi meeqqat ilinniartitaanerullu salliutinneqarnerat Inuit Ataqatigiit Inatsisartunut ilaasortaasa iluarisimaarpaat. Naalakkersuisut aappaagumut aningaasanut inatsisissatut siunnersuutaat ullumi ataasinngornermi aggustip 22-anni saqqummiunneqartoq Inuit Ataqatigiit Inatsisartunut ilaasortaatitaasa iluarisimaarpaat. “Pingaartumik aningaasaliissutissat meeqqat atugaannik pitsanngorsaataasussat Inuit Ataqatigiit Inatsisartunut ilaasortasa ilassilluarpaat, soorlu Dronning Ingridip Napparsimmavissuani meeqqat uninngaviannik nukittorsaaniarneq ukiorpaalunni suneqarsimanngitsoq kiisami piviusunngortussanngormat iluarisimaaqaarput”, Inuit Ataqatigiit oqaaseqartitaat Hans Aronsen oqarpoq. […]
Inuit Ataqatigiit allattoqarfiat pisortartaassaaq
Inuit Ataqatigiit Kattuffiata Allattoqarfia Augustip aallaqqaataa aallarnerfigalugu nutaamik pisortartaassaaq. Ulluinnarni Aqutsisut piffissami kingullermi Allattoqarfiup Pisortaqalernissaa sulissutigisimavaat, aalajanngiunneqarporlu Jane P. Lantz artorfininitsinneqassasoq. Atorfinititsineq pillugu Múte B. Egede ima oqaaseqarpoq: “Atorfik partiitsinnut pingaarutilimmik inissisimasoq ataavartumik inuttalersinnaanngoratsigu nuannaarutigaarput. Inuit Ataqatigiinnut naalakkersuinikkut sulianut ilisimasaqarluartumik ataavartumik atorfinittoqarnissaa pingaaruteqarsimavoq. Jane politikkikkut suliaqarnermik aammalu siunnerfeqaqatigiilluni suliaqarnermut misilittagaqarluni piginnaasaqarmat isumalluarfigaarput.” Atorfininnermut tunngatillugu Jane […]
