Aalisarnermut piniarnermullu Naalakkersuisoq piaartumik iliuuseqartariaqarpoq
Ajuusaarnartutut isigaaara Avanersuarmi piniartut allamik toqqagassaqaratik inuuniapiloortinneqarnermata. Naalakkersuisut qilalukkanik qernertarnik pisasseeqqissinnaanertik malillugu piaartumik iliuuseqassasut piumasaraara. Ilumoorsinnaanngilarmi piniarnikkut inuussutissarsiuteqartut periarfissaarulluinnartut nunatta siuttuinik iliuuseqarfigineqanngimmat, naak ilisimalereeraluarlugu qilaluarniarneq inuussutissarsiornikkut Avanersuami pingaaruteqarluinnartuusoq. Aalisarnermut piniarnermullu inuussutissarsiuteqarnerup naligiinnerusumik periarfissaqartitsinissarput soqutigisarisussaavarput. Ilisimassavarsi Massakkut Avanersuarmi piniartut allanik inuussutissarsiutissaqanngillat, tamannalu piaartummik iliuuseqarfigineqassasoq sakkortuumik piumasaraara. Piniartutut inuussutissarsiuteqartut ilungersuuteqarnerat isiginngitsuusaaginnarneqarsinnaan-ngilaq. Allatuulli ilaquttanut, akiligassanut, inuussutissanut, ikummatissanut angalanermi […]
GML-ip Naalakkersuisunut qoqassiiniarnera akueriinnarpisiuk?
Allattoq: Aqqaluaq B. Egede, Siulittaasup tullia naalakkersuinikkut oqaaseqartartoq GML-ip Naalakkersuisunut qoqassiiniarnera akueriinnarpisiuk? Greenland Minerals inuiaqatigiit aatsitassanut inatsisaannut, maleruagassiissutaannut aamma piumasaanut malinnissinnaanngikkuni tatiginanngitsumillu pissusilersoruni sakkortunerpaamik naalakkersuinikkut kinguneqartinneqartariaqarpoq. Naalakkersuinikkut Greenland Minerals-imut aatsitassarsiornissamik akuersissummik tunniussinerup kingorna uteriaqqinnissaq ajornartorujussuanngussaaq. Naalakkersuisut isumatusaartariaqarput, malugalugu, aamma partiit tamarmik Greenland Minerals-ip sunniiniapilulluni ingerlatsinera isiginngitsuusaartariaqanngilaat. Naalakkersuisut kinguneqartitsiniaritsi Greenland Minerals qoqassiiniarluni illuinnaasiortumik inunnik sunniiniarluni sulinera […]
Meeqqat atugarliornerat politikkikkut pissaaneqarniunnermut atussallugu akaarnaatsuuvoq
Allattoq: Inge Olsvig Brandt, Nuummi Inuit Ataqatigiit siulittaasuat Meeqqat atugarliornerat politikkikkut pissaaneqarniunnermut atussallugu akaarnaatsuuvoq Kommuneqarfik Sermersuumi Demokraatit Inuit Ataqatigiit suleqatigiunnaarnerannut suna siunertaava? Politikkikkut iliuuseqannginneq borgmesterimik Inuit Ataqatigiinnillu suleqateqarunnaarnermi patsissiunneqarpoq, tusagassiutitigulli nalunaarummi namminneq aaqqiissutissamissut periarfissanik saqqummiinngillat. Politikkikkut pimoorussinermi isornartorsiuiinnarani aaqqiissutissanik siunnersuuteqarnissaq pisariaqarpoq. Taamaattoqanngippat politikkikkut piginnaasaqannginneq nittarsaanneqassaaq. Tasiilami inuttut ajornartorsiutit taamak annertutigitillugit peqatigiit ataatsimoortumik iliuuseqarnissaat aaqqiissuteqarnissaallu pissusissamisoortuuvoq. […]
Inuit Ataqatigiinnit folketingimut qineqqusaartut: Nunarsuarmik qorsuunerusumik allannguerusunnermi maannakkut iliuuseqartoqartariaqarpoq
Inuit Ataqatigiinnit folketingimut qineqqusaartut: Nunarsuarmik qorsuunerusumik allannguerusunnermi maannakkut iliuuseqartoqartariaqarpoq Silap pissusaata allanngoriartornera kisimi takoqquvoq. Nunarsuarmi silap allanngoriartornerani ajornartorsiutit aaqqinngikkutsigit ullumikkut nalunngisatsitut nunarsuarput isikkoqarunnaartussaavoq. Inuit Ataqatigiinnit folketingimut qineqqusaartut taama ersaritsigisumik oqariartuuteqarput. Silap allanngoriartornera maannakkut iliuuseqartoqarnissaanik pisariaqartitsivoq kingullermimmi takuarput apriilimi ukiut hunnorujukkuutaartuni maanna pisumi qaammatini kiannerpaat aappaattut inissisimasoq. Inuusuttut silap allanngoriartornera eqeersimaarfigilernikooqaat. Taakkuupput nangilluta akisussaaffimmik tigusisussat taamaammallu […]
Aaja: USA’p kisiartaalluni isummersuutai akuersaanngilagut
Aaja: USA’p kisiartaalluni isummersuutai akuersaanngilagut Silaannaap allanngoriartornerata kingunerinik ataatsimut annikillisaanissaq pillugu nunarsuatsinni nunat amerlanersaasa Parisimi isumaqatigiissut ilannguffigisimavaat. Inuit Ataqatigiit isumaqarput nunani issittuni nunat klima pillugu politikkikkut ersarissumik iliuuseqarnissaminnut pisariaqartitsisut, nunammi taakkuupput silaannaap allanngoriartorneranit sakkortunerpaamik eqqugaasut. Attanneqarsinnaasumik inuussutissarsiutitigut ineriartortitsineq nunarsuatta paarilluarnissaanut peqatigitinneqarsinnaavoq. Massa issittumi silaannaq nunarsuup sinneranut sanilliullugu marloriaammik sukkatigisumik kissakkiartortoq, USA silaannaap allanngoriartuutaasa inunnit pinngortissimaneqarnerannik […]
Aaja Chemnitz Larsen qineqqusaarnermi aggialluarfigineqartumi: naalagaaffiup tapiissutai imaluunniit oqartussaasuunermut akiliutit?
Aaja Chemnitz Larsen qineqqusaarnermi affialluarfigineqartumi: naalagaaffiup tapiissutai, imaluunniit oqartussaasuunermut akiliut? ”Atagu kalaallinut atatillugu pissutsit ersarissariartigit”, Aaja Chemnitz Larsen Københavnimi Kalaallit Illuanni ministeriuneq Lars Løkke Rasmussen peqatigalugu qineqqusaarnermi Kalaallit Nunaata siunissaanik naalagaaffeqatigiinnermillu sammisaqartillutik oqarpoq. Ataatsimiinneq Aajap facebookiatigut toqqaannartumik malinnaaffigineqarsinnaasoq tamakkiisumik peqataaffigineqarpoq, tassami inuit 140-t takkussimapput. Aajap ministeriunermut Lars Løkke Rasmussenimut eqqarsaatersuutit annertuut, nutaat pingaaruteqartullu apuuppai. Sammisassat […]
Aaja: Nunarput Paludanip qimaasunut nuussuiffissanngortissanngilaa
Aaja Chemnitz Larsen: Nunarput Paludanip qimaasunut nassuiffissanngortissanngilaa Stram Kursimi partiip siulittaasuata Rasmus Paludanip qimaasut. Danmarkimiit Kalaallit Nunaannut nuunneqarsinnaasariaqartut oqaatigivaa. Inuit Ataqatigiit folketingimi ilaasortaatitaata Aaja Chemnitz Larsen siunnersuut tamanna itigartilluinnarpaa: ”Taamanikkut 1800-kkunnisut Tuluit Nunaata Australiamik pinninneratut Kalaallit Nunaat pineqassanngilaq: Kissaatigineqanngitsunut inissiiffittut. Isuma tamanna sutigut tamatigut iluarineqarsinnaanngilaq”, Aaja Chemnitz Larsen oqarpoq. ”Piviusoq isigalugu Kalaallit Nunaanni akuutitsiniarnermut inatsiseqanngilaq, […]
Aaja Chemnitz Larsen: Ilaqutariit avissaartuunneqarnatik atatiinnarneqassapput
Aaja Chemnitz Larsen: Ilaqutariit avissaartuunneqarnatik atatiinnarneqassapput Nunatsinnit nuuttarnerit unammillernartitatta annersaat ilaanniipput. Inuit amerlasuut innarluutilimmik imaluunniit nappaatilimmik meeraqartillutik nunatsinni ikiorneqarnissamut periarfissakinneq peqqutigalugu nuuttariaqartutut misigisarput. Taamatut inissisimaneq ilaqutariippassuarnut avissaartuussinermik kinguneqartarpoq, Aaja Chemnitz Larseni, Inuit Ataqatigiinnit, FN-ip nunat assigiinngitsut akornanni ilaqutariinnut ulloqartitsineranni oqarpoq. 2016-imiilli nuuttartut amerlassusaat malunnartumik annikillinikuupput. Tamanna Aaja Chemnitz Larsenip nuannaarutigivaa isumaqarami nuunnerit piareersarluagaallutillu nammineq aaliangiussassaasassasut. […]
IA-p qineqqusaartitai: Nunatsinni siuariartornissaq avatitsinnut ammanerunissamik pisariaqartitsivoq
IA-p qineqqusaartitai: Nunatsinni siuariartornissaq avatitsinnut ammanerunissamik pisariaqartitsivoq Qinigassanngortittut sisamat, Aaja Chemnitz Larsen, Sofia Geisler, Aqqalukkuluk Fontain aamma Anders Jensen, namminneq immikkut suliniuteqarput. Ataatsimoorussaalli pingasut tassaapput: Naligiinneq aallaavigalugu Qallunaat Nunaannik suleqateqarneq, nunat allat aningaasaliinissaannut akuersaarneq kiisalu issittumut ministeri nunatsinneersoq: Aaja Chemnitz Larsen Qallunaat Nunaannik suleqateqarneq naligiinneq aallaavigalugu ingerlanneqartoq Nunatta sunniuteqarnerulerneranik imaqartoq inissaminiittoq isumaqarpugut. Sunniuteqarneq annerusoq aqqutissaavoq […]
Kommune Qeqertalik-mi Inuit Ataqatigiit Atassullu qinigaaffiup sinnerani suleqatigiinniarlutik isumaqatigiissuteqarput.
Kommune Qeqertalik-mi Inuit Ataqatigiit Atassullu qinigaaffiup sinnerani suleqatigiinniarlutik isumaqatigiissuteqarput. Allaffissorneq pisariittoq innuttaasunut qanilaartoq, kulturitsinnik nunarsuarmioqataanitsinnillu ilisarnaatilik suleqatigiissutissani tungaviit pingarnersarissuaat. Nutaaliaasumik allaffissornikkut aqutseriaseqarneq ineriartortinneqartoq Inuit Ataqatigiit Atassutillu Kommune Qeqertalik-mi suleqatigiillutik suliassatut pingaarnertut ingerlateqqissavaat. Tamatuma saniatigut suliat isumaqatigiissut tungavigalugu ineriartortinneqartut qinigaaffiup sinnerani anguniarneqassasut isumaqatigiissutigineqarput. Angusaqarumalluni sulineq innuttaasut sulisullu piginnaatitaafiinik mianerinnilluni ataqqeqatigiillunilu ammasumik ingerlanneqassasoq isumaqatigiissutigineqarpoq. Ataatsimiititaliaq INUA-a saniatigut ataatsimiisitaliat ukua ingerlaqqissasut […]
