Inuit Ataqatigiit ileqquusumik ataatsimeersuassapput
Inuit Ataqatigiit ileqquusumik ataatsimeersuarneri ukiut pingasukkaartumik pisarput, ukioq manna Aasianni juulip 20-ni aamma 21-ni ataatsimeersuartoqassaaq.
Inuit Ataqatigit kattuffittut ukiut 45-it atuuppoq, Kattuffiullu aallartiffigisimasaani immikkoortoqarfipput suleqatigalugu ataatsimeersuarneq ingerlatissavarput.
Ataatsimeersuarnermi immikkoortortaqarfiit qinikkallu peqatigiillutik ukiuni tulliuttuni pingasuni naalakkersuinikkut anguniakkanik aalajangersaallutillu partiip siulersuisuunerinik qinersissapput.
Ataatsimeersuarnermi najuussinnaatitaapput soqutiginnittut, alaatsinaattut qaaqqusallu. Ataatsimeersuarnermi pilersaarut malittarisassavut malillugit ataatsimeersuarnissaq sap. ak. pingasut sioqqullugu saqqummiunneqarumaarpoq.
Inuit Ataqatigiit siulittaasut Múte B. Egede ataatsimeersuarnissaq pillugu ima oqaaseqarpoq: “Aasianni Kattuffitta pilersinneqarfiani ataatsimeersuarnissamut qilanaarpunga, parteerput inuiaqatigiinni angisuumik akisussaaffeqarpoq aammalu nunarput inuilu pillugit pitsaanerpaamik aaqqiissutissarsiornissaminut pisussaaffeqarpoq, ataatsimeersuarnissamilu immikkoortortaqarfigut peqatigalugit ukiuni tulliuttuni siunnerfinnik aalajangersaanissamut neriuuteqarluarpunga.”
Inuit Ataqatigiit Siulersuisuuneri sinnerlugit
Múte Bourup Egede
Inuit Ataqatigiit siulittaasuat.
