Inuit Ataqatigiit siunnersortissarsiorput

Apriilip aallaqqaataaniit siusinnerusukkulluunniit atorfinittussamik

Politikkikkut sulinermi sunneeqataarusuppit peqataarusuppillu?

Inuit Ataqatigiit Kattuffiat tamatigoortumik siunnersortissarsiorput.

Suliassat

Siunnersortip pingaarnertut suliarissavai Inatsisartunut ilaasortanik siunnersuineq, sullissineq kiisalu partiip iluani siunnersuineq. Inatsisartunut ilaasortat avammut inuiaqatigiinnut attaveqarnerannut suleqataaneq – aamma tusagassiuutinut nalunaarusiorneq. Ulluinnarni sulinerni pingaarnertut suliassaapput Inatsisartut suleriaasiat §37 naapertorlugu Naalakkersuisunut apeqquteqaasiornerit aamma Inatsisartut ataatsimiinnissaannut Inatsisartunut ilaasortat peqatigalugit aalajangiiffisassanik aamma oqallisissianik siunnersuusiorneq. Piffissap ilaani Inatsisartut angalanissaannut pilersaarusiornerit Inatsisartut peqatigalugit suliarineqartarput.

Inatsisartut inatsisiliortutut sulineranni annertuumik inatsisilerineq aningaasarsiornerlu sammineqartarput, taamaattumik inatsisilerinermik aningaasarsiornermut tunngasunik misilittagaqarnissaq iluaqutaassaaq.

Ulluinniarni sulinermi allattaaneq suleqatigalugu Inatsisartut gruppianni siulittaasut suleqatigissavatit. Inatsisartut gruppiata ataatsimiinnerinut piareersarneq ataqatigiissaarinerlu suliarineqartarput.

Ilinniagaqarsimanermut piumasaqaatit

Ilinniagaqarneq pillugu aalajangersimasumik ilinniagaqarsimanissamik piumasaqaateqartoqanngilaq. Attaveqaqatigiinnermut ilisimasaqaruit ilinniagaqarsimallutilluunniit iluaqutaassaq.  Ilinniagaqarnermi piginnaasatit sulinermilu misilittakkatit atorfeqarnermi pingaaruteqassapput. Taakkua saniatigut  naatsorsuutigaarput ataqatigiissaarinermik ilisimasaqarnissaq, inuiaqatigiit ingerlaasiannik politikkikkullu sulinermik ilisimasaqarneq kiisalu partiimut ilisimasaqarneq.

Inuttut pisinnaasatut piumasaqaatit

Inuk tamatigoortoq, kalaallisut allallaqqissoq, politikkimi sulinerni eqqartukkanut misissuipallassinnaasoq, tusagassiutinut nalunaarusiorsinnaasoq aamma isummernissamut tunngavissanik suliaqarsinnaasoq. Naatsorsuutigaarput inuk qiimasuussasutit, ulapittoqaraluartoq politikkikkullu aalassassimaartoqaraluartoq nikallujaallutit sulisinnaasoq. Inuiaqatigiinni ingerlaatsimut malinnaasoq. Tamatuma saniatigut:

• Isumassarsiullaqqissuseq
• Namminersorluni suliaqarsinnaaneq sungiulluarsimassavat aammalu suleqatikkuminartuussallutit
• Suliffeqarfimmi ulapaarfiusaqisumi sulianik assigiinngitsunik ataqatigiissaarilluarsinnaaneq, puullaaqinaveersaarsinnaanerlu pisariaqarpoq
• Inuiaqatigiinni allanngorartuartumik ineriartorneq soqutigisaqarfigalugu nalilersuisinnaaneq
• Misissueqqissaarnernik nalilersuinernillu ingerlatsisinnaaneq, kiisalu siunnersuutit nassatarisaannik nalilersuisinnaaneq siunnersuisinnaanerlu
• Kalaallisut oqaaseqartuusutit qallunaallu tuluillu oqaasiinik atuerusussuseqartutit.

Taakku saniatigut naatsorsuutigisavut:

Partiip allattoqarfia innuttaasunit, suliffeqarfinnit politikerinillu assigiinngitsut pillugit attavigineqartarpoq. Siunnersorti  partiillu allattaa allattoqarfimmi sulisut allat peqatigalugit sullissilluarnermik ingerlatsissasoq naatsorsuutigineqarpoq tamanna pissaaq innutaasuni, suliffeqarfinnik politikerinillu qanimut pitsaasumik suleqateqarnermik pilersitsillunilu attassinissaq qulakkeerumallugu.

Naatsorsuutigineqassaaq allattoqarfitsinni suliassat apeqqutaatillugit suliassanik allanik kivitseqataaneq ikiuunnerlu. Naatsorsuutigaarput partiip anguniangaannut suleqataaneq aamma anguniakkat qanoq anguneqartussaneri pillugit siunnersuineq.

Ulluinnarni suliassat atorfimmik suliassanillu allaaserinninnermi piumasaqaatit malillugit suliarineqartassapput. Qullersaq qaninneq tassaassaaq allattoqarfimmi pisortaq aamma tassaasoq partiip allattaanera.

Neqeroorutigaavut;

• Aningaasarsiat atorfeqarnermilu atugassarititaasut ilinniagaq, atorfeqarsimanerup sivisussusaa piginnaasallu aallaavigalugit inissinneqassapput.
• Suliffik inerititaqarnissamiut periarfissiisoq, najoruminartoq piffiillu ilaanni ulapaarfiusoq.
• Kattuffik inuiaqatigiinni assigiinngiiaartuunermik naligiissitaanermillu pingaartitsisoq.
• Suliffik inuiaqatigiinni ingerlaatsimut sunneeqataaffiusinnaasoq
• Sulinermi avatangiisit suliat aallaavingalugit allanngorarsinnaasut
• Inuit Ataqatigiit politikikkut aalajangiisarnerannik ilinniartitsineq, nutaaliorneq, peqataaneq sunniuteqarnerlu.

Atorfininnermi atugassarititat:

Qinnuteqartup ilinniakkatut tunuliaqutai tunngavigalugit inuttut isumaqatigiissuteqarnikkut atorfinitsitsinissaq aallaavigineqarpoq.

Suliffik tassaavoq Inuit Ataqatigiit Kattuffiat, Nuuk.

Atorfik ulloq kingusinnerpaamik 1 april 2023 inuttalerneqassasoq kissaatigineqarpoq.

Atorfimmut atasumik inissaqartitsisoqanngilaq.

Paasissutissat erseqqinnerusut

Inuit Ataqatigiinni siunnersortitut sulerusuppit. Erseqqinnerusumik paasisaqarumallutik Allattoqarfimmi pisortaq Jane P. Lantz, oqarasuaat 346285 e-maililuunniit janpl@inatsisartut.gl  atorlugit  attaveqarfigiuk.

www.ia.gl -ikkut  annertunerusumik paasisaqarit

Qinnuteqarnissamut killiliussaq

Qinnuteqaat Inuit Ataqatigiit kingusinnerpaamik ulloq  28. Februar. 2023 tigoreersimassavaat. Qinnuteqaatit ataavartumik nalilersuiffigisinnaanerannut immitsinnut pisinnaatippugut.
Qinnuteqaat ia@ia.gl imalluunniit Inuit Ataqatigiit, Postboks 321, 3900 Nuuk nassiuguk.

Tusarfiginissat qilanaaraarput!