IA: Kalaallit Nunaat tullinnguuppoq
Inuit Ataqatigiit folketingimi ilaasortaatitaata, Aaja Chemnitz Larsenip, isumaqatigiinniartoqannginnerani pilersaarusiornertalimmik aningaasaqarnermut ministerimik, Nicolai Wammenimik, ataatsimeeqateqarnermini politiit inissiisarfinnilupaarsisut akissaatigissaarnerunissaannut, meeqqanut kinguaassiutitigut kanngutsaatsuliorfigineqarsimasunutilluliortoqarnissaanut kiisalu ilisimatusarnermik aallussineqaallaavigalugu nunanut allanut sillimaniarnermullu politikkimikpilersitsinissamut tunngasunik oqariartuuteqarpoq.
Ullumikkut Inuit Ataqatigiit folketingimi ilaasortaatitaata, aappaaguaningaasanut inatsisissamut tunngatillugu isumaqatigiinniartoqannginnerani pilersaarusiornertalimmik aningaasaqarnermut ministeri, Nicolai Wammen, ataatsimeeqatigivaa.
Aaja Chemnitz Larsenip pingaarnersiuinermini pingaarnerusututinissisimatitai tassaapput, politiit inissiisarfinnilu paarsisut pissarsiariniarnerannut tigummiinnarnissaannullu tunngasut, meeqqat kinguaassiutitigut kanngutsaatsuliorfigineqarsimasut katsorsarneqarfissaannik illuliortoqarnissanut tunngasut kiisalu ilisimatusarnermut centeriliornissaq, nunanut allanutsillimaniarnermullu politikkimi ilisimasanik atugassanikannertunernik tunngaveqarnissamik qulakkeerinnittussaq, siunissarluungasinnerusoq isigalugu Nunarsuarmioqatigiit akornanninukittunerusumik inissisimanissamittaaq qulakkeerinnittussaq.
”Ullumikkut Kalaallit Nunaanni unammillikkatsinnut tunngasuniktigussaasunik siunnersuuteqarnissarput pingaarnerutissimavarput. Siullertut politiit inissiisarfinnilu paarsisut akissaataatqaffatsikkusuppagut, tassami sulianut assigiinnut akissaatitassigiittuunissaat isumagiuarsinnarparput. Aamma meeqqanut kinguaassiutitigut kanngutsaatsuliorfigineqarsimasunut ikiuisinnaaneq pillugu meeqqanut illuliortoqarnissaa tikkuarparput. Meeqqat systemimi eqqakattarneqassanngillat, saaffigisassaat ataasiinnaassaaq, tassaniissappullu oqartussaqarfiit tamarmiusut sinniisaat. Kissaatitta pingajuattut Ilisimatusarfimmut atasumik ilisimatusarnermut centeriliornissaq kissaatigaarput, tassanilu Kalaallit Nunaata nunanutallanut sillimaniarnikkullu politikkianut tunngasunik ilisimasaniktamanik katersuisoqassaaq ineriartortitsisoqarlunilu. Issittumiilisimatusarneq Kalaallit Nunaanniittuusariaqartoq isumaqarpugut.” Folketingimi ilaasortaq oqarpoq.
Politiit inissiisarfinnilu paarsisut atorfimminniiginnassappata atorfinitsinermi tigumminniinnarnissamilu ilassut pisariaqarpoq. Sulisut taakkua pinerluuteqarnerit suliarinerini qitiusuupput kalaallinilu inuiaqatigiinni toqqissisimasitsisussaallutik.
Maannakkorpiaq Kalaallit Nunaanni naalagaaffiup atorfeqartitaisuleqatinit danskiusunit 4.500 kr.-inik akissaatikinneruneratpissutigalugu inissiisarfik ataaseq sulisussaqannginnami matuinnartariaqalersimavoq. Tamatuma muminnissaa qitiuvoq.
Taamaattumik politiinik inissiisarfinnilu paarsisunik atorfinitsinernitigumminniinnarnissanilu pissutsit iluarsineqarnissaannut Inuit Ataqatigiit folketingimi ilaasortaatitaanit Danskit Naalakkersuisuiannertumik uteriiserfigineqarput.
Ataatsimiinnermittaaq meeqqat kinguaassiutitigut kanngutsaatsuliarfigineqartarnerinut nuna tamakkerlugu nalunaarsuinissamik pisariaqartitsineq Aaja Chemnitz Larsenimit naqissuserneqarpoq. Tasiilami nalunaarsuisoqarsimavoq, nunalli sinnera qanoq pineqassava?
Nalunaarsuinikkut isumaginninnikkutimmikkut aallunneqartussat qulaarneqarsinnaapput taamatullu isumaginninnikkut suliassat toraagassinneqarsinnaallutik. Aammattaaq meeqqanut inuusuttunullu tunngasutigut sumiiffinniunammilligassat assigiinngitsut piffinni iliuuseqarfigineqartussaapput, alloriarnermilu siullermi nalunaarsuineq pisinnaavoq.
