Palæstina akuerineqarli
Inuit Ataqatigiinniit Israelip Palestinarmiunut nungusaanera, sorsunnera perlilertitsineralu akuerinngilarput. Inuit Ataqatigiit Palæstina tapersersorparput, naak Naalakkersuisut?
Ukiut marluk matuma siorna, sorsunneq pileruttormat nunat Israel Palæstinalu namminiussuseqarnissaat tapersersorlugit suaaruteqarpugut. Maanna tusagassiutitigut isiginnaarparput tusagassiortut Gazami toqutaasut, Israelip Gazap tiguarnissaanik suaaruteqareernerata kingorna.
Maanna Gazap iluani, FN-ip kisitseqqissaartartuisa naatsorsuinerattuut inuit milliuunit najugaqarfianni, susoqarnersoq tusagassiortunit tusarsinnaajunnaarparput. Aarlerinartumiippugut. Qaqugukkununa meeqqat kaatsitaasut, qaartartumiigaasut nunarsuarmioqatigiit iliuuseqarniartut? Isiginnaaginnassuugut? Nunarsuarmioqataavugut, illersuinerput tapersersuinerpullu tusartittariaqarparput.
Inuit Ataqatigiinniit maluginiarparput Gazami illut 92 procentii qaartartumeerneqarsimasut, meeqqat 12.000-it tallimat inorlugit ukiullit perlilertut.
Naalakkersuisut suaaruteqartariaqalerput Palæstinap namminiussuseqarnissaa illersorlugu, danskillu ministerii assinganik iliuuseqaqqullugit.
Nunarsuarmioqatitta Palæstinap nunatut akuerineqarnissaa suaarutigaat, naak uagut Naalakkersuisugut?
Oqaluttuarisaanermi pisimasut uteqqissanngippata, maanna niperput iliuuseqarsinnaanerpullu takutittariaqalerparput.
Inussiarnersumik Inuulluaqqusillunga,
Pipaluk Lynge, Inuit Ataqatigiit
Nunanut Allanut Sillimaniarnermullu oqaaseqartartoq
§37 naapertorlugu apeqqut:
https://ina.gl/media/f4ojdqr5/139_2025_gaza_pilyng_kal.pdf
