Inuit Ataqatigiit Aasiaat fabrikkiata matuneqannginnissaa pingaartippaat.
Inuit Ataqatigiit Aasiaat fabrikkiata matuneqannginnissaa pingaartippaat. Taammaattumik aalisarnermut piniarnermullu ataatsimiititaliami oqaluuserisassanngortinneqarpoq, pisariaqassappallu Naalakkersuisumut isumasioqateqarnissamik kissateqarluta. Polar Seafood-p , Royal Greenland-llu , Aasianni fabrikkip ammaannarnisaanut aaqqiissutissamik isumaqatigiisinnaasimannginnerat , Inuit Ataqatigiiniit uggornarluinnartutut isigaarput. Suliaqartut tamatta ilisimavarput fabrikki Qeqertalik kommuneanut pingaaruteqartigisoq. Taammaammat tamatta aaqqissutissamik nassaanissaq soqutigisarigipput naatsorsuutigaarput. Inatsisartunut ilaasortaq Ane Hansen Mobil : 587661
Narsarsuup innuttaasuannut
Narsarsuaq Narsarsuaq inuunnut amerlasuunut minnerusumik annersusumilluunniit eqqaamasaqarfiusimassasoq qularutiginngilara. Sorsunnersuup aappaani Narsarsuup mittarfia Amerikarmiunit pilersinneqarsimavoq. Tamanna ilaatigut silaata patajaatsuunera tunngaviulluni. Nunataalu sumiiffia, pilersitsinissamut periarfissalerujussuunera. Narsarsuaq nuna naggorissoq, qorsooqissoq aasami naasut sikkertitertut, qaqqai alutornavissunik ujarattallit, puilasut, imaatalu qalipaataa alutornavissoq. Orpippassui, kuanniit naasuilu immikkuullarissumik tipigissut. Ukiarsariartortarnera, ukiaanera upernariartorneralu tamarmik immikkuullarissunik qalipaatillit. Eqqaamiui savaateqarfiit ukiorpassuarni Narsarsuaq mittarfittut pingaarutilittut atorsimavaat. […]
Nunarsuaq tamakkerlugu Arnat Ulluat
Nunarsuaq tamakkerlugu arnat ulluat Inuit Ataqatigiinni naligiinnissaq pingaartipparput, suiaassusaappat, inuiaqatigiinni atukkat, Naalagaaffimmi nunarsuarmioqatittalu akornanni nalitut pineqarnissarput aamma pineqartillugu. Pissutsit ullut makku atukkatta; nunat allat saassunneqartut, FN avaqqullugu suliaqarnerit, nunatta tatineqarnerata, takutippaa, naligiinneq, allanik inissaqartitsineq, nunat killeqarfii, inuiaallu pisinnaatitaaffii nunarsuarmioqatitsinnit navianartorsiortinneqartut. Taamaammat Inuit Ataqatigiinniit nunatta suleqateqarsinnaanera pingaaruteqartoq, nunattalu iluani innuttaasut ataqatigiittariaqartugut, suleqatigiillutalu ersarissarusupparput. Issittumi […]
Folketingimut qineqqusaarut 2026
IA_FOLKETING_2026
Eqqagassalerisut tapersersorneqartariaqarput.
Eqqagassalerisut tapersersorneqartariaqarput. Avannaata Kommuniani Upernaviup eqqaani nunaqarfiit inuttunersaanni eqqagassalerinikkut qamutinik motorilinnik atortulersuisoqarnerata kingorna sulisunut pitsaasumik ingerlatsoqalernikuuvoq. Nunaqarfiit annertuumik eqqagassalerinikkut ajornartoriuteqarnikut atortorissaalernermikkut pitsaasumik sulissineq ingerlalernikuuvoq. Sulisut sulilluartut, assakaasoq aallartilluaruttortoq, uggornaraluartumik Avannaata Kommuniani aningaasanik sipaarniarnikkut eqqagassalerisut sulisunut paarlatseqartarneq sipaarniarfigineqarpoq, paarlatsinik sulisoqarsinnaajunnaarneq sulisunut assakaasumik pitsaasumik aallartittoqarnerani sulisunut sulilluartunut sulinerup soqutinassusaanut annikillisitserujussuassaaq. Aallaat sulisut soraajorarsinnaanerat naatsorsuutigineqarsinnaalluni. […]
Peqqinnissaq pillugu oqaaseqartartoq USA’p præsidentiata peqqinnissaqarfipput pillugu saqqummiussinera oqaaseqarfigaa
Peqqinnissaq pillugu oqaaseqartartoq USA’p præsidentiata peqqinnissaqarfipput pillugu saqqummiussinera oqaaseqarfigivaa Ulluni kingullerni USA’p præsidentiata Nunatsinni peqqinnissaqarfipput pillugu saqqummiussinera malinnaavigivarput. Pilersaarusiai Inuit Ataqatigiinniit akuerinngilagut. Nukissat Nunatsinnut neqeroorutai nammineq nunamini atussagaluarpai, ilisimasatsitut nunagisaani pisariaqartitsisorpassuupput. Nunatsinni peqqinnissaqarfik pitsanngorsagassaavoq. Nakorsianut atugarititat aammalu peqqinnissaqarfimmi sulisunut atugaat naammaginanngitsorpassuupput. Tamanna Inuit ataqatigiinnit eqqumaffigivarput, pitsanngorsartuarnissanullu sulissuteqartuassalluta. Taamaattorli nunat amerlasuunut sanillillugu, aamma USA-mut sanilliullugu peqqinnissaqarfipput […]
Meeqqat atuarfiani allannguineq susassaqartunik akuutitsiffiullunilu isumaliutigilluagaassaaq
Meeqqat atuarfiani allannguineq susassaqartunik akuutitsiffiullunilu isumaliutigilluagaassaaq Maluginiarparput innuttaasut Naalakkersuisut inatsisimmut allannguutissatut siunnersuuteqarlutik tusarniaanerannut soqutiginnillutik isummersornerat. Tamanna paasilluarparput, meeqqammi atuarfiat ilaqutariippassuit inuunerannut attuumassuteqarpoq. Siullertut Inuit Ataqatigiit oqaatsitta, inuiattut oqaatsitta, meeqqat atuarfianni nukittorsarneqarnissaat isumaqatigaarput, tamannali isumaqassanngilaq allanertat oqaasiinik ilinniarneq ajornerulissasoq. Aappaattut atuartut minnerit atuarneranni fagit ataatsikkut ingerlanneqartartut ikinnerulersinnissaat periarfissaasutut isigaarput, taamaaliortoqassappalli atuareernerup kingorna, angajoqqaat sulineranni, meeqqat ineriartuutaasunik […]
Oqaaseqaat. (Inatsisartut immikkut ittumik ataatsimiinnerat 02.02.2026)
“Inuit nunagaat – pigissavaat qaqugumut”, Nipilersoqartigiinni Sumekkunni taalliortup erinniortullu taama ersaritsigisumik oqaatigaat. Kalaallit Nunaat qaqagumulluunniit tununiagaanngilaq aamma allanut tunniunneqanngisaannassaaq. Kalaallimmi pigaat, kingulissatta nunasaat. Nunannguatsinni ukiorpassuarni toqqissilluta eqqissinermillu pingaartitsilluta inuusimavugut. Nunami peqqarniissinnaaqalunilu kusanarluinnartumi. Nunat ikinngutivut ilumoorfigalugit nalitullu isigalugit piuarsimalluta. Assinganillu taakkunannga pineqarnissarput kissaatigiuarsimallugu. Maannali piffissami sivitsortumi nunap ikinngutitta ataqqinngilluinnarluta tatisimavaatigut. Nunat, iligiit akornanni siuttutta, ikinngutitut illersortitullu […]
Ilisimasaq pissaaneruvoq
Ilisimasat atorlugit naqisimannittoqartarpoq, nunasiaatillit taama ingerlariuseqartuarsimapput. Nunarput pineqartillugu uagut matup silataani soriarsinnaajunnaartinneqartarpugut. Danskit naalagaaffiata ataaniinnerput apeqqusertariaqarparput, suut tamaasa nunatsinnut attuumassutillit apeqqusersorlugit nalilersortigit. Tamanna naalakkersuisoqatigiinnissamut isumaqatigiissutaavoq, allassimammat pissutsit taamaaginnarnerat periarfissaanngitsoq. Ministeriunerup oqaatigiuarpaa, Kalaallit siunissaat Kalaallit Nunaannit aaliangerneqassasoq, sooq taava ilisimasatik kalaallit Inatsisartuinut isertuutissavaat? Piffimmi matumani nunarput naalakkersuttalu nukittuumik inissinnissaat pingaarnerpaavoq. Maanna naalagaaffiup ataani inissisimanerput, danskit ilusilersugaat, […]
Nunaqarfinni aqutsisut ataatsimiinnerminni aalajangersaanerat atuutissaaq
Nunaqarfinni aningaasaliissutit Nunaqarfinni aqutsisut aggersaanertalimmik ataatsimiinnerminni aalajangertartussaavaat, tamannalu allatseqarluni ingerlanneqartussaavoq. Ajoraluartumik piffissami kingullermi maani najugaqarfitsinni aqutsisisuni suleriaaseq tamanna atorneqanngilaq. Sulinigut tutsuiginartuussapput, akuerinngilara Nunaqarfinni aqutsisut siulittaasuata oqarasuaatikkut sianerluni isumaqatiginninniartarnera. Akuerinngilarattaaq ataatsimiinnerup avataani allatsimik peqataaffigineqanngitsumik suli eqqartorneqanngitsunik Nunaqarfinni aqutsisunut isumaqatiginninniartoqartarnera. Nunaqarfinni aningaasaliissutit ataatsimiinermi immikkut sammillugit aalajangiiffigineqartussaapput. Aningaaasat sumut atorneqassanersut isumaqatigiilluni suliassaapput. Akisussaassueqarluni aqutsisoqarnissaa pingaartippara, Nunaqarfinni aqutsisut suleriaasiat […]
