–

Nioqqutissat akiisa qaffakkiartornerat toqqissisimannginnermik pilersitsinerat paasilluarparput, innuttaasullu oqariartuutaat tusaavagut.

Ilaqutariit meerartallit ikiorserneqarnissamik pisariaqartitsisut juullertinnagu meeqqat tapiinik pissarsinerunissaat ullumi aningaasaqarnermut ataatsimiititaliami akueraarput.

Taamaalillutik ilaqutariit pineqartut meeqqanut tapit nalinginnaasut saniatigut qaammammut tapisiarisartagaasa saniatigut ataasiartumik tapiseqqissinnaalerput; qularinngilarput tamanna juullikkunni ilaqutariinnut oqilisaaqataassasoq.

Aningaasaqarnermut ataatsimiititaliamittaaq aalisartu piniartut savaatillillu ukioq manna ikiorserneqarsinnaanissaat aamma periarfissinneqarnissaat akueraarput. Taamaasillutik pineqartut ukioq naatinnagu ikiorserneqarnissaminnik qinnuteqarsinnaalerput.

Naalakkersuisut suliniapallannnerannut qujavugut – minnerunngitsumillu Inuit Ataqatigiit immikkoortortaqarfii aammalumi innuttaaasut qinikkat suliniapallannissaannik oqariartuuteqarlutik suaaruteqarsimanerannut qujavugut. Tusaavatsigit.

Inatsisartunut ilaasortaq, Peter Olsen