”Ilaqutariit siuarsarsimanngitsut”. ”Meeqqiornerinnarmik siunertallit”. ”Niviarsiaqqat uagut anartarfiliartarnitsitut atoqateqaannartarput”.
”Ilaqutariit siuarsarsimanngitsut”. ”Meeqqiornerinnarmik siunertallit”. ”Niviarsiaqqat uagut anartarfiliartarnitsitut atoqateqaannartarput”. 1960-ikkunni 70-ikkunnilu pisortatigoortumik allagaatini aviisinilu kalaallit arnat ilaqutariillu taama taagorneqartarput. Oqaatsit taakku inunnik isiginnittaatsimut, naartunaveersaasersuisimanermut suliap tunngavilerneqarneranut takussutissiipput. Inunnut isiginnittaaseq, kalaallit arnartaat atoqatigiittarnerminni ileqqorluttutut akisussaassuseqanngitsutullu isigineqarfigisaat. Inuttut aqunneqartariaqartutut isigineqarput. Taamatut inunnik isiginnittaaseqarnermi niviarsiaqqat arnallu timiminnut nammineq aalajangiisinnaatitaanerat naalagaaffiup innuttaasut amerlassusaat pillugu politikkianut aningaasatigullu […]
