Tallimanngormat KNR-ikkut inuussutissarsiornermi ataatsimiititaliami ilaasortat Naalakkersuisooqatigiinnissamik isumaqatigiissummi inuussutissarsiornermi namminersortuulluni suliffiutitaarniartunut inatsit pitsanngorsaaatissatut, pisariillisaassutaasussatullu suliariniakkat eqqartorpagut.
Politikkerit pisussaaffeqarpugut inatsit malitassallu pitsanngorsassallugit, minnerunngitsumillu pitsanngorsaanissamut sulerusussuseqarnermik takutitsisussat.
Qinigaaffik aallartilaaginnartoq suliluunniit inatsisartuni ataatsimiinnikuungilagut, taamaammat tupigusuppunga partiip Naleqqap peqataatitaata allannguinissamut neriuutaarutereersimarpaluttumik nipeqarnera, oqaatsimmi atugai “allanngortoqarnavianngitsoq taamaarusaaginnartussaavoq” tamat tusaasut oqaatigineqarmata
Oqaatigilara qinigaaffik kingullerli allanngortisinerit annertuut ingerlanneqarnikuusut suli maanna aamma allannguinerit ingerlateqqillugit Inuit Ataqatigiinni sulinissarput naatsorsuutigineqassaaq, allanngortitsinissaruna pitsanngorsaanissamik suleqataanissamut neriuuteqarlutalu sulinissamut piumassuseqaratta qineqqusaarnikuusugut.
Imaaliinnartoq uggornarpoq qinikkat akornini neriuutaarussimasutut nipeqalersimasunik suliniartoqalersimappat tamakkuli aporfiginagit, Inuiaqatigiit Kalaallit atugaannik pitsanngorsaarususseq, suleqateqarusunneq anersaaralugu sulissaagut.
Potilikkerit inuiaat pillugit sulissapput imminuinnaq sullinnatik.
Mariane Paviasen Jensen
