Qineqqusaarnermi oqaatsit iijuminarsimaqaat.
Piviusoq ilisimasimanngikkaani qineqqusaarnermi ajornanngitsunnguuvoq neriorsuuteqassalluni, tamannami akeqanngilaq. Piviusorli ilisimaleraanni neriorsuutit oqarluartaarnerit timitaleruminaassilluinnartarput. Maajip aallaqqaataani kommunalbestyrelse ivertinneqarpoq. Juunimi 2026-imut aningaasatigut tamanit sinaakkutissat akuersissutigineqarput. Taasuma kingorna oqarluaannarluni susoqaqqinngilaq aningaasalerinerup tungaatigut. Aatsaat septemberimi kommunalbestyrelse ataatimiinnerani siullermeerinninnermut atatillugu budgetseminarimut aggersaanermi akunnerit marluk atorlugit aningaasaqarneq eqqartorneqarpoq, ataatsimiititalialli suliassaminnik suli tigussaasumik samminnissimanngimmata isummerfissat nalorninarsimaqaat. Ersarissaasoqarnissaalu noqqaassutigigatsigu kinguartitsinissamik kissaateqarpugut, tamannalu qujanartumik ilalerneqarpoq. […]
Innuttaasut ersarissumik paasissutissinneqarlik
Tallimanngorneq 10.10.2025 danskit Naalakkersuisui aamma Naalakkersuisugut illersornissaqarnermut atatillugu isumaqatigiissuteqartoqarpoq. Nunarsuatsini pissaneqarniuunneq tunngavingalugu pissutsit najummatsisimanartorsiorfiupput. Illersornissamut suliniutit annertuumik Danskit annertusaaniarlutik aalajangerput. Danskit Naalakkersuisui aamma Naalakkersuisugut atsioqatigiinnerminni nunatsinnut sunniuteqartussanik aalajangiineq ingerlappaat. Inuit Ataqatigiit isumaqarput isumaqatigiissutip imarisaa siunertaalu ersarissumik innuttaasunut saqqummiunneqassasoq. Naalakkersuisut kaammattorumavarput innuttaasut meeqqaniit utoqqarnut paasinartumik saqqummiinissaannik. Inuit Ataqatigiit isumaqarputtaaq isumaqatigiissutit suliarineqarnerani innuttaasut aamma oqartussaasut peqataatinneqassasut. Paasinarsivoq […]
Narsarsuup siunissaa pillugu innuttaasut paasitinneqarlik
Narsarsuarmi innuttaasut Narsarsuup siunissaa pillugu aalajangiisoqareernikuunerata kingorna ersarissumik suliniutigineqartunik paasitinneqarnissaat kinguaattooqqasoq aaqqiivigineqarli. Ippassaani ulloq kujataannut alianartuuvoq, ukiorpassuarni nunatta avataaniit timmisartukkut angallanneq ingerlanneqarsinnaasimasup oqaluttuaannanngornissaannut alloriaqattaarnerit annertooq aqqusaarneqarpoq. Inuit Ataqatigiinniit eqqaasitsissutigissavarput mittarfissualiornermut tunngatillugu partiittut ikinnerussuteqarluta aaqqiinissaq allatut ingerlanneqassasoq kissaatiginikuugatigu, taamaattorli manna tikillugu partii taannatuaavugut taamak isumaqarsimasut. 2022-ip aallartilaarnerani Attaveqaasersuutinut ineqarnermullu Naalakkersuisuutitaqarnitta nalaani Narsarsuup siunissaa pillugu suligasuartussanik pilersitsivugut, […]
Spiralilersuisimaneq uppernarsarneqarpoq, akisussaasorlu inissinneqarpoq
Inuit Ataqatigiit siullermik oqaatigiuavarput arnarpassuit spiralilersorneqarsimasut, ilaqutaasullu eqqunngitsumik pineqarsimanerannik misigeqatigingaaratsigit. Qanortoq ikeq annernartoq mamisarneqarili oqilisaanneqarlusilu. Naalakkersuisutut imaannaasimanngilaq danskit naalakkersuisui suleqatigissallugit, piumasaralugu spiralilersuisimaneq qulaajarneqassasoq. Danskimmi naalakkersuisui annikitsuinnarnik aningaasaleerusussimapput. Assoruussimaqaagullu qulaajaanissaq pillugu danskit naalakkersuisuisa annertunerusumik aningaasaliinissaannut. Aamma Naalakkersuisutut inuit pisinnaatitaaffiannik unioqutitsisoqarsimaneranik misissuisoqarnissaanik piumasarput danskinit itigartilluinnarneqarsimavoq. Maannakkulli qulaajaaneq naammassivoq. Danskit akisussaaaffeqarlutik paasivaat, iliuuseqartariaqarpullu! Inuit Ataqatigiit arnanut, ilaqutariinnut, nunaqqatigiinnullu […]
Ingerlanerlunneq tassunga killeqartariaqarpoq
Nuummi mittarfiup ammarneraniit aqutsinerlunneq takusarput, GAIR-ip siulersuisuisa pisortaatalu akisussaaffittut tigusariaqalerpaat. Mittarfimmi sulisut ilungersortut nersorpavut. Taakkuunngillammi ingerlanerlunnermi aqutsinerlunnermilu pisuusut. Inuit Ataqatigiit piumasaraat siulersuisut taarserneqarnissaat. Nukiit nutaat avaqqunneqarsinnaanngillat, ingerlatseqatigiiffiup tatiginassusaata utertinnissaanik ilorraallu tungaanut saatsissallugu sulisoqassappat. Tamanna piginnittut, inuiaqatigiit kalaallit pillugit pisariaqarpoq. Inuit Ataqatigiit Inatsisartuni gruppiat sinnerlugu Mariane Paviasen Jensen
