Inuit Ataqatigiit Kattuffiata Allattoqarfia Augustip aallaqqaataa aallarnerfigalugu nutaamik pisortartaassaaq. Ulluinnarni Aqutsisut piffissami kingullermi Allattoqarfiup Pisortaqalernissaa sulissutigisimavaat, aalajanngiunneqarporlu Jane P. Lantz artorfininitsinneqassasoq.

Atorfinititsineq pillugu Múte B. Egede ima oqaaseqarpoq:

“Atorfik partiitsinnut pingaarutilimmik inissisimasoq ataavartumik inuttalersinnaanngoratsigu nuannaarutigaarput. Inuit Ataqatigiinnut naalakkersuinikkut sulianut ilisimasaqarluartumik ataavartumik atorfinittoqarnissaa pingaaruteqarsimavoq. Jane politikkikkut suliaqarnermik aammalu siunnerfeqaqatigiilluni suliaqarnermut misilittagaqarluni piginnaasaqarmat isumalluarfigaarput.”

Atorfininnermut tunngatillugu Jane P. Lantz ima oqaaseqarpoq.

“Atorfimmut pissanganartumut atorfinitsinneqarnera nuannaarutigaara, qilanaarpungalu partiip Ulluinnarni Aqutsisui kiisalu partiip Siulersuisuuneri suleqatigalugit sulinissannut. Nunatsinnilu partiit anginersaat suleqatikka peqatigaluigit sullinissaanut piareersimallunga.”