Kukkunersiuinermut Ataatsimiititaliaq sukkasuumik sulilerniarli

Default

Naalakkersuisut Siulittaasuata nipisat suaanik pisasseqqinnerminut tunngatillugu ajornartorsiuteqarnera suli piuvoq. Paasissutissat unioqqutitsilluni tunniukkusunngisani kiisami tunniussimalerpai.  Tamannalu tunngavingalugu Inatsisartut Kukkunersiuinermut Ataatsimiititalia pisussaaffini naammassillugu sulinissaa Inuit Ataqatigiit naatsorsuutigaat. Inuit Ataqatigiinniit pitsaasutut isiginngilarput maanna naalakkersuisooqatigiit innuttaasunut malitassiat malinneqartussaasut, imminneq qinikkatut ima pingaakujutsigisumik isigilersimammata allaat inatsisit unioqqutinneqaraluarpata suliassatut pinartutut isiginagu misissuerusaaginnarlutillu aalajangernaveersaaginnarsinnaalerlutik. Inuiaqatigiit inatsisiliortuisa innuttaasunut qoqassiinerat annerpaaq tassaavoq suliassaq pinarluinnartoq […]