19. januar 2023<\/p>\n
Uannga: Aaja Chemnitz, Inuit Ataqatigiit<\/p>\n
Ataatsimiinnermi oqaatigineqartut atuupput.<\/p>\n
Siullermik ilaasortat qinigaarlaat tamaasa qinigaanerannik pilluaqquniarpakka. Minnerunngitsumik Folketingimut ilaasortanngortut nutaarpassuit. Folketingimi partiit tamatigoortumik suleqatiginissaat qilanaarivarput.<\/p>\n
Inuit Ataqatigiit tassaavoq Kalaallit Nunaata Naqisimaneqanngitsumik Nipaa,
\nsuleqatigiittoqassatillugulu suliassat suuneri partiit sorliunerinit
\nisiginiarumanerusarlugit. Suleqatigut Atlantikup Avannaaneersut allat assigalugit naalakkersuisut nutaat tapersersorpagut.<\/p>\n
Inuit Ataqatigiinniit aallartinnissarput qilanaarivarput. Suliassallu amerlaqaat.<\/p>\n
Issittumi eqqissisimasumik ineriartorneq.<\/p>\n
Minnerunngitsumik illersornissaq pillugu isumaqatigiissutissamut Nunatta peqataaffigisassaanut.<\/p>\n
Nuannaarutigaarput Nunarput maanna peqataammat. Tamanna oqaluttuarisaanermi
\npingaaruteqarluinnartuuvoq.<\/p>\n
Inuit Ataqatigiit oqaasinnaarisaat maanna ilisimaneqarlualersoq tassaavoq Kalaallit Nunaat
\npeqataatinnagu Kalaallit Nunaat pillugu oqallittoqassanngitsoq, nuannaarutigivarpullu Nunarput pillugu pisortatigoortumik maanna aalajangeeqataasinnaalerat. Aammami allatut ajornaqaaq.<\/p>\n
Tamatumunnga atatillugu eqqaasitsissutigiumavarput, Kalaallit Nunaanni illersornissakkut suliassat suut pingaarnersaanersut tamat oqartussaaqataanerannik tunngaveqartumik oqallisiginissaat pisariaqartinneqarmat. Sapaatip-akunnerini aggersuni suliniutigissavarput illersornissap inuiaqatigiinni kalaallini oqallisigineqarnissaa, taamaaliornikkut isiginneriaatsit sapinngisamik amerlanerpaat ilaatissinnaajumallugit. Oqallisigalugit qanoq iliorluta siunissami kalaallit akuutinnerussanerigut aamma Nunatta Arktisk Kommandop Nunatsinni ingerlanneqarnissaanik qanoq kissaateqarnera. Qularutigineqassanngilaq Inuit Ataqatigiinniit Issittumi eqqissisimasumik ineriartornissaq sulissutigissagatsigu.
\nIssittumi Piginnaasaqalernissamik Isumaqatigiissutip ilaatut, Naalakkersuisut danskillu
\nnaalakkersuisui isumaqatigiipput Nunatsinni inuussutissarsiutinik ingerlatsisut annertunerusumik ilaatinneqassasut. Isumaqatigiissutip taassuma pisariaqalersippai inuussutissarsiutinik ingerlatsisunik oqaloqateqarnissaq nalinginnaasumillu malitseqartitsinissaq.<\/p>\n
Kalaallit Nunaannimi Danmarkimisut suliffissuaqanngilagut illersornissamut atortussiornermik sullissinernillu suliaqartunik. Taamaattorli suliffiit illersornissami unammillernartut aaqqiiviginissaannut peqataarusuttut pigivagut. Air Greenland, Tusass\u2019 suliffeqarfiillu arlallit allat Nunatsinni Danmarkimilu suliaqareersut. Sapaatip-akunnera kingulleq Arctic Business Networkimi saqqummiivunga, suliffeqarfinnullu oqariartuutigalugu, taakkuttaaq imminnut nittarsaattariaqartut siunissamilu illersornissakkut suliassanut peqataajumallutik nutaamik eqqarsartariaqartut.<\/p>\n
Illersornissaq pillugu isumaqatigiissutissami Inuit Ataqatigiit immikkut isiginiarusuppaat
\nattaveqaatit pingaarutillit illersugaanissaasa patajaallisarneqarnissaat, internet aqqutigalugu
\nattaveqaateqarnerup isumannaallisaaviginerata annertusaaviginissaa, silaannakkut, immani immallu iluani nakkutilliinerup patajaallisarnissaa kiisalu Nunatsinni avataanilu sakkutooqarfinni ilinniagaqarnissamut periarfissat annertusarneqarnissaat.<\/p>\n
Peqqissuseq pillugu suleqatigiinnerunissaq 2023-mi novemberip aallaqqaataani Folketingimut qinersinermut atatillugu oqallisigineqarnerpaat ilagaat, Nunatsinni peqqinnissaqarfik pillugu Kalaallit Nunaata Danmarkillu suleqatigiinnerunissaat.<\/p>\n
Kalaallit Nunaata peqqinnissaqarfik annertuumik nammineq akisussaaffigaa, taamaammallu aamma nammineerluta annermik K\u00f8benhavnimi Rigshospitali Danmarkimi peqqinnissaqarfimmit sullinneqarnissaq pillugu aningaasatigut isumaqatigiissuteqarfigisarlutigu, namminerlu aamma K\u00f8benhavnimi Kalaallit Peqqissartut Illuat ingerlataralutigu. Danmarkimi nunarsuullu sinnerani pissutsit assigalugit Nunatsinni peqqinnissaqarfik unammilligassaqarpoq.<\/p>\n
Kisianni Danmarkimut Nunanullu Avannarlernut allanut sanilliulluta Nunatsinni kr\u00e6ftimik
\ntoqquteqartartut marloriaammik amerlanerupput. Tamanna allanngorterusupparput
\nallanngortittariaqarlugulumi.<\/p>\n
Neriuffik, Danmarkimi Kr\u00e6ftens Bek\u00e6mpelse-tut suliaqartoq, innuttaasut akornanni
\nannertunerpaamik tapersersorneqarpoq, kr\u00e6ftimillu eqqugaasut ikiorsernissaannut atugassanik katersiniaraangami ukiut tamaasa amerliartuinnartunik isertitsisarluni.<\/p>\n
Kr\u00e6ftip taama annertutigisumik toqussutaasarneranut pissutaasut ilagaat nappaateqarnerup
\nkingusinaarluni paasineqartarnera. Tamannalu Inuit Ataqatigiinniit allanngorterusupparput,
\nNaalakkersuisut danskillu naalakkersuisuisa peqqinnissaqarfimmut aningaasaliinissamik
\nisumaqatigiissuteqarnerisigut, kr\u00e6ftertoqarneranik pasitsaassisoqarnerani Danmarkimi
\nmisissortinnissamut katsorsartinnissamullu toqqaannartumik periarfissiisoqarfiusumik.
\nAammattaaq isumaqarpugut Aalborgimi \u2013 innuttaasut amerlassusaannut naleqqiullugu Danmarkimi kalaallit amerlanerpaat najugaqarfigisaanni \u2013 kalaallit peqqissartut illuisa ilanissaat anguniarlugu suleqatigiittoqartariaqartoq. Peqqissartut Illuat ataasiinnaq naammanngilaq. Isumaqarpugut napparsimavimmik uninngavigiumasamik nammineq toqqaasinnaaneq ammaanneqarnerusuuppat, kalaallit peqqissartut ilaquttaminnut qaninnerusumik paaqqutarineqarsinnaasut, nammineq illumi
\naasarsiortarfimmi imaluunniit peqqissartut illuanni Jyllandimi ilaquttaminnut qaninnerusumiittumi.<\/p>\n
Danmarkimi kr\u00e6ftimik misissortinnissamut katsorsartinnissamullu toqqaannartumik
\nilanngunneqarsinnaanerup, napparsimaviup toqqarnissaanut periarfissaqarnerunissap Jyllandimilu peqqissartut illuannik immikkut pilersitsinissap qularnaarnerisigut, Nunatsinni peqqinnissaqarfik pisariaqartitamigut ikiorsiivigineqassaaq.<\/p>\n
Meeqqat inuusuttullu atugarliortut pitsaanerusumik ikiorserneqartarnissaat
\nInuit Ataqatigiit suliniuteqarfissatut pingaartilluinnagaasa ilagaat meeqqat inuusuttullu atugarliortut.<\/p>\n
Taamaammattaaq nuannaarutigeqaarput Danmarkimi naalakkersuisut nutaat
\nnaalakkersuisooqatigiinnissaminnik isumaqatigiissumminni meeqqanut inuusuttunullu suliniutit pingaartillugit salliutimmatigit.<\/p>\n
Ersarinnerusumik Inuit Ataqatigiit tikkuarumavaat, ukiuni aggersuni 50 mio. kroner
\nimmikkoortittariaqartut, kinguaassiuutitigut atornerluisarneq akiorniarlugu Nunatta Danmarkillu suleqatigiinnerisa nanginnissaanut. Suliniutit nalilersortariaqarput innuttaasunullu naleqqussarneqarlutik aningaasaliissutit iluaqutaanerpaanissaat siunertaralugu. Aningaasaliissutit ilaat Isumaginninnermut Aqutsisoqarfimmut atorneqarnikuupput, taamaalillunilu tassani sulisut amerleriarujussuarlutik, tamannali aningaasaliinermi siunertaanngikkaluarpoq.<\/p>\n
Inuit Ataqatigiit aamma Tasiilami, Maniitsumi Ilulissanilu meeqqat illuisa pingasut
\npilersinnissaannut aningaasaliisoqarnissaa anguaat. Suliaq tamanna qinigaaffimmi matumani
\nmalitseqartissavarput, kisianni aamma takusinnaavarput meeqqat illui kommunini tamani
\npisariaqartinneqartut, tamannalu ukiuni tulliuttuni aningaasanut inatsisissat
\nisumaqatigiissutiginiarneqarnerinut ilanngukkumavarput.<\/p>\n
Suliassat amerlaqaat, sulillutalu aallartinnissarput qilanaarinikooqaarput. Sammisassat amerlaqisut tulleriiaaginnarput. Klima pillugu suleqatigiinnerunissaq. Mingutsitsisarunnaarnissamut ikaarsaariarneq. Sullivinni avatangiisit isumannaannerusut. Nunarsuaq eqqissiviilliorfiunerusoq, Ukraine-milu sorsunneq pissutigalugu Issittumi suleqatigiinneq ilungersunartorsiorfiusoq.<\/p>\n
Silaannaap allanngoriartornera.<\/p>\n
Silaannaap allanngoriartornerata kinguneri annermik Issittumi malugineqarput. Immap sikusarnera annikilliartorpoq, piniarnermut aalisarnermullu akornutaasumik. Ilutigisaanillu sila naatsorsoruminaannerulerpoq, nunalerinermillu ingerlatsisut siunissaat nalorninarsisillugu.<\/p>\n
Silaannaap allanngoriartorneranut naleqqussarnissamut aningaasaliisoqarnissaa
\nsulissutiginiarparput, Nunatsinni inuussutissarsiutit unamminartorsiortut iluaqutigisassaannik.
\nAammattaaq silaannaap allanngoriartornera pissutigalugu ajornartorsiutit pillugit akisussaaffimmik annertunerusumik tigusinissaq pisariaqarpoq, qularnaarumavarpullu tamatuma Folketingimit akisussaaffigineqarnissaa.<\/p>\n
Oqaaseqarsinnaagatta qujavugut, Folketingip ukiuani maanna ingerlasumi sulinissarput
\nqilinaarivarput<\/p>\n","protected":false},"excerpt":{"rendered":"
19. januar 2023 Uannga: Aaja Chemnitz, Inuit Ataqatigiit Ataatsimiinnermi oqaatigineqartut atuupput. Siullermik ilaasortat qinigaarlaat tamaasa qinigaanerannik pilluaqquniarpakka. Minnerunngitsumik Folketingimut ilaasortanngortut nutaarpassuit. Folketingimi partiit tamatigoortumik suleqatiginissaat qilanaarivarput. Inuit Ataqatigiit tassaavoq Kalaallit Nunaata Naqisimaneqanngitsumik Nipaa, suleqatigiittoqassatillugulu suliassat suuneri partiit sorliunerinit isiginiarumanerusarlugit. Suleqatigut Atlantikup Avannaaneersut allat assigalugit naalakkersuisut nutaat tapersersorpagut. Inuit Ataqatigiinniit aallartinnissarput qilanaarivarput. Suliassallu amerlaqaat. Issittumi eqqissisimasumik […]<\/p>\n","protected":false},"author":1,"featured_media":2873,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[32],"tags":[],"class_list":["post-7850","post","type-post","status-publish","format-standard","has-post-thumbnail","hentry","category-oqaaseqaatitut-oqalugiutit-2"],"_links":{"self":[{"href":"https:\/\/ia.gl\/kl\/wp-json\/wp\/v2\/posts\/7850","targetHints":{"allow":["GET"]}}],"collection":[{"href":"https:\/\/ia.gl\/kl\/wp-json\/wp\/v2\/posts"}],"about":[{"href":"https:\/\/ia.gl\/kl\/wp-json\/wp\/v2\/types\/post"}],"author":[{"embeddable":true,"href":"https:\/\/ia.gl\/kl\/wp-json\/wp\/v2\/users\/1"}],"replies":[{"embeddable":true,"href":"https:\/\/ia.gl\/kl\/wp-json\/wp\/v2\/comments?post=7850"}],"version-history":[{"count":1,"href":"https:\/\/ia.gl\/kl\/wp-json\/wp\/v2\/posts\/7850\/revisions"}],"predecessor-version":[{"id":7851,"href":"https:\/\/ia.gl\/kl\/wp-json\/wp\/v2\/posts\/7850\/revisions\/7851"}],"wp:featuredmedia":[{"embeddable":true,"href":"https:\/\/ia.gl\/kl\/wp-json\/wp\/v2\/media\/2873"}],"wp:attachment":[{"href":"https:\/\/ia.gl\/kl\/wp-json\/wp\/v2\/media?parent=7850"}],"wp:term":[{"taxonomy":"category","embeddable":true,"href":"https:\/\/ia.gl\/kl\/wp-json\/wp\/v2\/categories?post=7850"},{"taxonomy":"post_tag","embeddable":true,"href":"https:\/\/ia.gl\/kl\/wp-json\/wp\/v2\/tags?post=7850"}],"curies":[{"name":"wp","href":"https:\/\/api.w.org\/{rel}","templated":true}]}}