{"id":10628,"date":"2024-06-18T12:43:32","date_gmt":"2024-06-18T12:43:32","guid":{"rendered":"https:\/\/ia.gl\/nyheder-nfb\/naligiimmik-atugaqarneq-assigiimmik-pisinnaatitaaffeqarnermik-aallartissaaq\/"},"modified":"2024-06-18T12:43:32","modified_gmt":"2024-06-18T12:43:32","slug":"naligiimmik-atugaqarneq-assigiimmik-pisinnaatitaaffeqarnermik-aallartissaaq","status":"publish","type":"nyheder-nfb","link":"https:\/\/ia.gl\/kl\/nyheder-nfb\/naligiimmik-atugaqarneq-assigiimmik-pisinnaatitaaffeqarnermik-aallartissaaq\/","title":{"rendered":"Naligiimmik atugaqarneq assigiimmik pisinnaatitaaffeqarnermik aallartissaaq"},"content":{"rendered":"<figure id=\"attachment_10602\" aria-describedby=\"caption-attachment-10602\" style=\"width: 641px\" class=\"wp-caption alignnone\"><img fetchpriority=\"high\" decoding=\"async\" class=\" wp-image-10602\" src=\"https:\/\/ia.gl\/wp-content\/uploads\/2025\/02\/Aaja-med-pink-saet-300x200.jpg\" alt=\"\" width=\"641\" height=\"427\" title=\"\" srcset=\"https:\/\/ia.gl\/wp-content\/uploads\/2025\/02\/Aaja-med-pink-saet-300x200.jpg 300w, https:\/\/ia.gl\/wp-content\/uploads\/2025\/02\/Aaja-med-pink-saet-1024x683.jpg 1024w, https:\/\/ia.gl\/wp-content\/uploads\/2025\/02\/Aaja-med-pink-saet-768x512.jpg 768w, https:\/\/ia.gl\/wp-content\/uploads\/2025\/02\/Aaja-med-pink-saet.jpg 1536w\" sizes=\"(max-width: 641px) 100vw, 641px\" \/><figcaption id=\"caption-attachment-10602\" class=\"wp-caption-text\">Foto: IA Folketingimi<\/figcaption><\/figure>\n<p><em>Aaja Chemnitzip, Inuit Ataqatigiit, allaatigisaa Sermitsiami ilanngunneqartoq<\/em><\/p>\n<p><em>Eqqartuussissuserisut siunnersuisoqatigiiffiata, Advokatr\u00e5dip Kalaallit Nunaanni inatsisitigut innarlitsaalisaaneq pillugu nalunaarusiaata nutaap takutippaa, kingullermut sanilliullugu arlalinnik pitsanngoriaateqarsimasoq, akerlianilli aamma oqaatigalugu suli suliassarpassuaqartoq.<\/em><em>\u00a0<\/em><\/p>\n<p>Kalaallit Nunaanni inatsisitigut innarlitsaalisaaneq pillugu Advokatr\u00e5dip nalunaarusiaani nutaami qaangerniagassat ilisarnartut amerlapput. Tunngaviusumik pisinnaatitaaffiit inatsisinik tunngaveqarluni inuiaqatigiinni ataqqinassuseqartuni tamani innuttaasuminut neqeroorutigisinnaasariaqagaat amigaataanerat nalunaarusiami ersarilluinnartumik saqqummiunneqarpoq. Tamanna assersuutigalugu pinerluttulerinermik suliani eqqugaasunut tapersersuillutillu siunnersuinermik suliaqartussanik eqqartuussissuserisumik ikiorteqarsinnaanermik aaaqqiissummi atuuppoq. <\/p>\n<p>Inatsisinik atuutsitsinermut suliassaqarfiup piffissap ingerlanerani ineriartornerani Naalakkersuisut kalaallillu Folketingimi ilaasortaatitaasa tatisiuartariaqarnissaannik pisariaqartinneqarsimavoq. Inuit Ataqatigiit Folketingimi aningaasanut inatsimmi inatsisinik atuutsitsinermut arlalinnik aningaasaliissuteqartitsisarsimavoq. Suliniuterpassuit, soorlu pinerlineqarsimasunut siunnersuineq, qimmit ikiaroornartunik ujaasisartut kiisalu politiit akissaataasa naligiissinneqarnissaat Danmarkimi naalakkersuisunit namminerisamik iliuuseqarfigineqaratik, akerlianilli Naalakkersuisut peqatigalugit ilungersuuteqarluta aatsaat angusimallutigu. Tamanna naammaginanngilaq ilumoorunilu Danmarkimi naalakkersuisut nunani tamalaani najoqqutat akuerisat malillugit inatsisinik atuutsitsinermut suliassaqarfiup ullutsinnut naleqquttuunissaata qulakkeernissaa nammineq akisussaaffigaat. <\/p>\n<p>Innuttaasut eqqartuussiveqarnermik tatiginninnissaat pingaaruteqarpoq Advokatr\u00e5dillu qanoq pitsanngorsaasoqarsinnaaneranut Kalaallit Nunaanni inatsisitigut innarlitsaalisaaneq pillugu  nalunaarusiaani kingullermi innersuussuteqarluni.<\/p>\n<p>Siuarsaaneq<br \/>\nEqqartuussiveqarnerup tamarmiusup siuarsarneqarnissaa Advokatr\u00e5dimit innersuussutigineqarpoq. Inatsisinik atuutsitsinermik suliassaqarfimmi suliaqartut pikkorissut ullullu tamaasa annertuumik suliniuteqartut akuersaarnissaat pingaaruteqarpoq. Eqqartuussiveqarnitsinni taakku ingerlatsisuupput qitiusumillu suliaqartut akornanni taamak annertutigisumik atajuartoqarmat iluatsitseqaagut. Inuiaqatigiinni inatsisit tunngavigalugit ingerlatsiviusumi aalajangiisuulluinnarput.<\/p>\n<p>Inatsisitigut innarlitsaalisaaneq tatiginninnerlu amerlasuuni paasinninnermiillunilu iliuuseqarnermiippoq. Suliami inuunermik allannguinermik nassataqarsinnaasumi inatsisitigut innarlitsaalisaaneq imaluunniit suliap pitsaassusaa apeqquserneqarsinnaassanngilaq. Pinerluttulerinermik suliami annertuumi unnerluutigineqarsimasut tamarmik taamaammat minnerpaamik ilinniarsimasumik sinniisoqarnissaq naatsorsuutigisinnaasariaqarpaa. Tamanna eqqartuussiveqarnermik tatiginninnermut pingaaruteqarpoq. <\/p>\n<p>Siuarsaanerli maanna pitsaalluinnartumik suliniutigeriikkatta qaavatigut sanarfineqassaaq. Tamanna assersuutigalugu eqqartuussisunik inatsisitigut ilinniaqqinnissamik neqerooruteqarnikkut pisinnaavoq. Ilisimatusarfimmi inatsisilerinermik ilinniarfittaaq aqqutigalugu eqqartuussiveqarnermi atorfinnut assigiinngitsunut ilinniarsimasunik tunniussaqarsinnaalerumaarpugut. Innuttaasugut nammineq ilinniartissinnaagatsigit nuannaarutigaara. Taamaalilluta innuttaasut eqqartuussiveqarnermut tatiginninnerat annertusarsinnaavarput ilutigitillugulu qanittumiinnissamik tunngaveqarneq inuiaqatigiinnik sanarfinitsinni tunngavigisarput attassinnaassallutigu. <\/p>\n<p>Amerlisaaneq<br \/>\nInatsisinik atuutsitsinermut suliassaqarfimmut tatiginninnerput inatsisitigut innarlitsaalisaanermut aamma tunngaveqarpoq, tamannalu pinerluummit sunniutinut attuumassuteqartoq oqartoqarsinnaalluni. Inatsisitigut innarlitsaalisaaneq innarlerneqarsinnaavoq ilaatigut pineqaatissiissutit sakkukippallaarpata imaluunniit pinerluuteqarsimasunut inissiisarfinnut utaqqisut allattorsimaffiat takivallaarpat.<\/p>\n<p>Inuiaqatigiinnut akuleruteqqinnissamut inatsisitigullu innarlitsaalisaanermut pineqaatissinneqarsimasut eqqartuunneqarnerminnik sukkanerpaaq atorlugu atuisinnaanissaat pingaaruteqarpoq. Inuiaqatigiittut eqqugaasimasut pinerliisuminnik naapitsinissamut ersillutik inuuneqarnissaat akuerisinnaanngilarput. <\/p>\n<p>Advokatr\u00e5dimit innersuussutigineqarpoq pinerluuteqarsimasunut inissiisarfiit amerlanerusunik tigusisinnaalersinneqassasut, tamatumani kinguaassiuutitigut pinerluuteqarsimasutut pineqaatissinneqarsimasunut katsorsaavik Inussuk ilanngullugu. Innersuussut sivisuumik ilungersuutigisimasara justitsministerimillu oqaloqatigiissutigileriigara.<\/p>\n<p>Advokatr\u00e5dip kingullermik 2016-imi nalunaarusiorneranit suli suliassarpassuaqarnerput akuersaassallugu pingaaruteqarpoq. Inatsisinik atuutsitsinermut suliassaqarfiup Danmarkimi naalakkersuisunit salliunneqarnerunissaa Inuit Ataqatigiit sivisuumik ilungersuutigaat innersuussutigineqartullu arlaqartut aamma ingerlapput. Anguniagarput angutserlugu Danmarkimi naalakkersuisunut ilungersuuteqartuassaagut. Naligiimmik atugassaqartinneqarneq assigiimmik pisinnaatitaaffeqarnermik aallartippoq.<\/p>\n","protected":false},"featured_media":10603,"template":"","class_list":["post-10628","nyheder-nfb","type-nyheder-nfb","status-publish","has-post-thumbnail","hentry"],"_links":{"self":[{"href":"https:\/\/ia.gl\/kl\/wp-json\/wp\/v2\/nyheder-nfb\/10628","targetHints":{"allow":["GET"]}}],"collection":[{"href":"https:\/\/ia.gl\/kl\/wp-json\/wp\/v2\/nyheder-nfb"}],"about":[{"href":"https:\/\/ia.gl\/kl\/wp-json\/wp\/v2\/types\/nyheder-nfb"}],"wp:featuredmedia":[{"embeddable":true,"href":"https:\/\/ia.gl\/kl\/wp-json\/wp\/v2\/media\/10603"}],"wp:attachment":[{"href":"https:\/\/ia.gl\/kl\/wp-json\/wp\/v2\/media?parent=10628"}],"curies":[{"name":"wp","href":"https:\/\/api.w.org\/{rel}","templated":true}]}}