Inuit Ataqatigiit Inatsisartuni ilinniagaqartumik, studentermedhjælperimik pisarsiorpugut

Inuiaqatigiit pissusaannut, politikkimut, sullisseqataanissamut attaveqaqatigiinnissamullu soqutigisaqarpit? Sulerusussuseqarpit, akisussaaffimmik pigisaqarpit aammalu ilinniakkannut tunngalluinnartunik suliaqarnissannut periarfissarserusuppit?

Taava Inuit Ataqatigiinni studentermedhjælperitut suliffittaarluarsinnaassaatit.

Inuit Ataqatigiit Inatsisartuni 11-nik politikkikkut piginnaaneqarluarnik ilaasortaatitaqarpugut. Illuatungiliuttutut ullut tamarluinnaasa suliassaqartuaannarluta, politikkikkut anguniakkagut pillugit sulivugut, ataatsimiinnissat pissanganartuaannartut politikkikkullu angu-niakkagut pimoorullugit suliaralugit.

Taamaattumik aasaanerani sulinngiffeqalertinnata studentermedhjælperimik pissarsiorpugut. Sap. ak. nal. ak. 10-15-it suliffiussapput, akissarsiallu akissarsiaqartitsinermut isumaqatigiissutaasunut tunngaviussapput.

Studentermedhjælperitut suliassatit ilaatigut makkuussapput:

–      Inatsisartuni ilaasortat sullinnissaat, soorlu amerlisaanerit (kopirineri), ataatsimiinnissanut piareersarnerit aammalu allatsitut suliassat

–      Sulianut aalajangersimasunut Inatsisartunut ilaasortat misissuissunnerinut tunngasut

–      Allafeqarfik isumaqatigiinniarnerni avammullu attaveqarnermi suleqatigissallugu

–      Qarasaasialerineq, Facebook, YouTube il. il. (pingaartipparput)

–      Inuit Ataqatigiit nittartagatsinnut immersueqataanissaq

–      Toqqortaasivilerinerit

–      Gruppip ataatsimiinnerini peqataasarnissaq

–      Angalanissanut aaqqissueqataaneq aammalu IA-p immikkoortortaqarfiinik attaveqar-nerup ingerlatseqataaffiginissaa

 

Inatsisartuni sulinitsinni pissanganartumi peqataaffigisigut.

 

Qinnuteqarfissaq kingulleq 1. maj 2013, nassiunneqassallunilu:

 

INUIT ATAQATIGIIT

Inatsisartuni

Att.: Allaffeqarfimmi pisortaq Hans Pavia Egede

hapa@inatsisartut.gl

 

Apeqqutissaqaruit mobiltelefonnr. 553112 aamma atorsinnaavat.

 

Inuit Ataqatigiit pillugit takujuk www.ia.gl aamma www.inatsisartut.gl