MIO-p Qaanaamiissimanermi sprittip aalakoorniutitut atungaanerata ajornartosiutaaneranut saqqummiussaqarnera paasilluarpara. Meeqqat innuttaaqatikkalu sinnerlugit illoqarifmmi sunut tamanut ungasissumi inissismasumi MIO-p qulaajaaffigalugu tikikkusussimammagu qujavunga.

Sprittimik ajornartorsiuteqarneq iliuuseqarfigisariaqarpoq
Sprittip aalakoorniutitut atungaanera annertusiartorpoq, tamannalu qanoq iliuuseqarfigineqartariaqartoq aaqqinneqartariaqartorlu isumaqarpunga. Tamatumani Kommune nioqquteqartuusullu nioqqutaaneranut aaqqiissuussinerminni susassaqartut tamaasa ilaatillugit siunnerfeqaqatigiinnissaq siunnersuutitut apuukkusuppara. Assersuutigalugu makku peqataasinnaapput: piniartutut inuussutissarsiuteqartut, saniatigooralugu pinialuttartut, suliffeqarfiit namminersortut, Kommunip iluani susassaqartut, pilersuisoq, peqqinnissaqarfik, politit, pisortaqarfiillu attuumassuteqartut il il.

MiO-p saqqummiussaani takuneqarsinnaavoq illoqarfimmi Qaanaami sprittit atugaanera naleqqutsinngilluinnartoq, ajornartorsiullu ulluinnarsiutaannartut isigineqartariaqanngitsoq. Spritti inuup inuuneranut peqqinnanngilluinnartoq ilaqutariissusermullu akornutaasoq, taamaattumillu piaartumik suliassaq innuttaasunit akisussaasunillu akuleruffigineqartariaqarpoq.

Ilanngullugu sulissutigineqartariaqartoq imigassamik aanngajaarniutinillu ajornartorsiuteqarneq pillugu katsorsaanerit annertusarneqassasut, tamannalu inatsisartutigoortumik suliassartaa eqqumaffigineqarnissaa pingaartutut isigaara. Illoqarifigisami katsorsartissinnaaneq sulissutiginerusariaqarpoq, matumani ilaqutariinnut tamanut tulluarsakkat avatagiisinullu naleqquttut katsorsaanerami pisariaqartinneqarmata.

Inatsisartunut ilaasortaq
Mikivsuk Thomassen