Perorsaasut atugaat pitsanngorlik

Ukiorpanngortuni politikkikkut isumaqatigiiffiuvoq perorsaasut atugaat pitsanngortittariaqartut.

Maannali perorsaasut tungaanniit saqqummerpoq Namminersorlutik Oqartussanik isumaqatigiinniarnerit unittuuissimasut. Taamaattoqarsinnaanngilaq pingaartumik immikkut ittumik iliuuseqarniarluni neriorsuisimagaanni, perorsaasunut inuiaqatigiinnullu neriulersitsisumik. Unittooqqaneq mumisittariaqarpoq.

Perorsaasut ikiortaasalu atugaat kivinniartigit taamaalillutalu suliassaqarfiat siusissukkulu iliuuseqarnermut sinaakkutit pitsanngorsaavigalugit. Pitsanngorsaanitsigut siunissamut aningaasaliissaagut. Siunissarput ataatsimoorfigisatiaqarparput politikkikkullu neriorsuutigisimasagut eqquutsillugit.

Nalinginnaasumik isumaqatiginninniarnerit taamaattut ataqqisassaammata akuliuffigisanngilagut. Taammattorli perorsaasut atugaasa pitsanngortinnissaat pillugu politikkikkut siammasissumik isumaqatigiissuteqartoqartarpoq. Aningaasanullu Isumaqatigiissut 2020-moortumi tamanna anguniakkatut naqissusigaalluni. Taamaammat politikkikkut sinakkusiisariaqarpugut suliassaqarfik kivilluarumallugu.

Inuit Ataqatigiit sulittaasuat

Múte Bourup Egede

Share and Enjoy !

0Shares
0 0 0