Ippassaq Inastisartuni inatsisissatut siunnersuut imaqartoq, Naalakkersuisut kommunalbestyrelsep akisussaaffianik arsaarinnissinnaanissaanik, suliassanik uparuarneqareersunik suliaqartoqarsimatinnagu.

Inuit Ataqatigiit erseqqissarparput, akuerinngilarput meeqqat inuusuttuaqqallu akuerineqarsinnaanngitsumik nalaataqarsimasut, kommunit sumiginnarneqarsimappata.

Tamaviaarupparput inunnik sullissisut suliaasa qummut killilerneqarnissaat. Isumaqarpugut sullissisut ulapingaartaramik, suliassatik eqqissillutik suliarisinnaannginnerisa kingunerigaat, kommunini sumiginnaasarneq. Tamatta naatsorsorsinnaavarput, kinaluunniit suliassaqarpallaartoq sulisinnnanngimmat naammaginartumik, kikkut eqqorneqartarpat ? Tassa meeqqat.

Ajornartorsiut qaangerneqarsinnaanngilaq Naalakkersuisoq suliassanik arsaarinnilluni nammineq suliassanut akisussaalerpat, taamaaliorniarini suliat tamaasa tigusariaqasssvai.

Kommunit siunnersorneqarnerat ingerlaneruniarli, Nov.- 2015 Nuna tamakkerlugu siunnersuisarfik ineriartortilli.

Kommunalbestyrelsep ataatsimiititaliaasa siulittaasuisa akisussaaffitsik pimoorullugu tiguniarlissuk, Borgmesterit akisussaaffik tiguniarlissuk.

Kommunalbestyrelse tassaavoq sulisut qassiunissaanik aalianhersaasartoq.

Misilittagaavoq Danmark-imiigaluartoq una. Kommune sipaarniarluni sagsbehandlerit ikilivaat, kinguneraa meeqqat angerlarsimaffiup avataanut inissitat amerlimmata. Illuatungaanut iliulerput, sagsbehandlerit naammattut atorfinitsippaat, kinguneraa angerlarsimaffiup avataanut inissitat ikilimmata. Kommuneli aningaasanik sipaalerluni.

Meeqqat pineqartunut allanullu, Imminut akilersinnaaneruvoq kommunit suliassaminnut kivitsisinnaanngorlugit suliaqarutta, pillaannarneraniit.

Sunaluunniit sumiginnaaneq pinngitsoortinnissaa suliariniartigu, aatsaat pereerpat sulianik arsaarinninni salliutinnagu.

Ullumikkut Naalakkersuisut ukiut sisamakkaaginnarlugit kommuninut nakkutilliiartortarput, soormi ukiut tamaasa nakkutilliisarneq ingerlanneqartaleruni, sulianik sumiginnakkanik nassaapallattassagaluarput, aatsaat ukiut sisamassaani paasisartakkaminnik.

 

Nunatsinni tamanna atorneqarsinnaalluarpoq.

Agathe Fontain, Inuit Ataqatigiit