Apeqqutit §37 nr. 110-mi apeqqutigineqartut, naatsorsuutigisimagakkit tamarmik ilisimasineqareerlutik Naalakkersusiut aaliangersimassasut Kangerlussuup Mittarfissuartut matunissaanut. Akinissaq ullunik 14-nik Naalakkersuisut sivitsornerarpaat apeqqutit annertuneri pisariunerilugooq kiisalu avataaniit paasissutissanik pissarsisariaqarneq peqqutaalluni.

Qanoq ilillutik Naalakkersuisut qulaani pineqartut ilisimanagit aaliangersimasinnaappat Kangerlussuaq Mittarfissuartut matuneqassasoq?

Naalakkersuisut Kangerlussuaq matuniannginnerarlugu oqaraangamik, oqaasertalertarpaat Kangerlussuup siunissaa pillugu Qeqqata kommunea paaseqatigineqassaaq.

Naalakkersuisut qanga Qeqqata kommunea paaseqatigiinnissaq pillugu ataatsimeeqatigaat?

Naalakkersuisut qanoq takorloorpaat Kangerlussuaq Mittarfissuartut atorunnaarpat, mittarfittut qanoq atorneqassasoq?

Kangerlussuaq Mittarfissuartut atorunnaarpat atorfiit qassit Mittarfissuaanerata nassatarisaanik atorfiusut atorunnaasappat.?

Ilumoorsinnaanngilaq Naalakkersuisut mittarfinnut tunngasunik aalajangiisaqattarnerat, nalullugulu Kangerlussuup mittarfianut qanoq kinguneqassanersut, aammalumi Narsarsuup mittarfianut.

Agathe Fontain, Inuit Ataqatigiit inatsisartuni kiisalu Qeqqata kommuneani ilaasortaq

Ilanngullugit nassiupput §37 apeqqutit kiisalu Naalakkersuisut kingusinnerusukkut akissuteqarniarlutik allagaat.

Naalakkersuisut akissutigigallagaat Svar 2016-110 Lufthavne i Kangerlussuaq GRL DK