1. august 2013 imaluunniit isumaqatigiissuteqarnikkut sulilersussamik

Naalakkersuinikkut pikialaarfiit qeqqani sunniuteqaqataarusuppit?

Inuit Ataqatigiit Kattuffianni (IAK) tamatigoortumik partiimi allattaanissarsiorpugut:

Suliassat

Allattaanerup pingaarnertut suliarissavai Inuit Ataqatigiit Kattuffiata aaqqissuussaanikkut malittarisassai politikkikkullu siunertaata malittigalugu allaffeqarfiup ingerlanneqarnissaa sullissinerlu, partiip iluani Siulersuisuunernut ulluinnarnilu aqutsisunut siunnersuineq, Inatsisartunilu ilaasortanik siunnersuineq, sullissinerlu. Ilanngullugu Inatsisartuni ilaasortat avammut attaveqarnerannut suleqataaneq – ingammik tusagassiuutinut tunngasunik sullissineq.

Inatsisartut inatsisiliortutut sulineranni annertuumik inatsisilerineq aningaasarsiornerlu sammineqartarput, taamaattumik inatsisilerinermik aningaasarsiornikkullu tunngasunik misilittagaqarnissaq qinnuteqartumut iluaqutaassaaq.

Suliassat allattorsimaffiat uani takusinnaavat: http://ia.gl/kattuffimmi-allattaanerup-akisussaaffii-hovedsekretaerens-opgaver/

Ilinniarsimasat

Ilinniagaqarluarsimanissaq, nammineersinnaassuseqarneq, kalaallisut danskisullu oqaasiinut oqaluttariarsornikkut allattariarsornikkullu piginnaasaqarnissaq piumasaqaataapput. Kattuffilerinikkut allatigulluunniit ilinniarsimanermi suliffigisimasamiluunniit inuiaqatigiilerinermik pissutsinik sammisaqarsimanissaq iluaqataassaaq.

Inuttut pisinnaanermik piumasaqaatit:

  • Namminersorlutit suliaqarsinnaaneq sungiulluarsimassavat aammalu suleqatikkuminartuussallutit, isumassarsiullaqqissuussallutillu
  • Suliffeqarfimmi ulapaarfiusaqisumi sulianik assigiinngitsunik ataqatigiissaarilluarsinnaaneq, puullaaqinaveersaarsinnaanerlu pisariaqarpoq
  • Inuiaqatigiinni allanngorartuartumik ineriartorneq soqutigisaqarfigalugu nalilersuisinnaaneq
  • Misissueqqissaarnernik nalilersuinernillu ingerlatsisinnaaneq, kiisalu Inatsisartuni oqaluuserisassanngortitsinernut siunnersuutit nassatarisaannik nalilersuisinnaaneq siunnersuisinnaanerlu

Inuit Ataqatigiit suliffittut

Maannakkut Inuit Ataqatigiit 11-inik Inatsisartuni ilaasortaatitaqarpoq. Allattoqarfimmi suleqatigissavatit siunnersorteqatissat, allaffimmioq kiisalu Inatsisartuni ilaasortat 11-it. IAK-p immikkoortortaqarfiisa sullinneqarnerat ingerlaavartumik sammineqartarpoq.

Atorfeqarneq

Atorfininnermi isumaqatigiissut Inuit Ataqatigiit atorfeqartitsinermut ataatsimiititaata allattaaneq peqatigalugu isumagissavaat.

Akissaatit atorfeqarnermilu atugassarititaasut ilinniagaqarneq misilittagaqarnerlu malillugit isumaqatigiinniarnikkut inissinneqassapput.

Nuunneq / Ineqarneq

Pigisat Nuup avataanit Nuummut nuunneqarnerat aalajangersakkat atuuttut naapertorlugit akilerneqassaaq. Inissaqartitsisinnaaneq periarfissaavoq, maleruagassallu atuuttut malillugit inigisamut akilersuisoqassalluni.

Atorfik pillugu annertunerusunik paasisaqarusukkuit uunga saaffiginnigit:

Hans Pavia Egede

e-mail: hapa@inatsisartut.gl imal. oqarasuaat: 346270 imal.: mobitelefon: 553112

imal.

Kuupik Vandersee Kleist

e-mail: kuupik@inatsisartut.gl imal. Mobiltelefon: 547858

 

Qinnuteqaammut soraarummeersimanermi allagartat, suliffigisimasamit oqaaseqaatit kiisalu CV ilanngunneqassapput, uungalu nassiunneqassallutik:

 

INUIT ATAQATIGIIT KATTUFFIAT
Postboks 321
3900 Nuuk

e-mail: hapa@inatsisartut.gl

 

Qinnuteqarfissaq kingulleq: 11. juli 2013.