Apartheid-p Nunatsinnut assersuunneqarnera atorsinnaanngilaq. Taamatut assersuussineq nunani allani apartheid-mik naalakkersueriaatsinik eqqugaasimasunut ataqqinninnginneruvoq sakkortooq. Apartheid ammip qalipaataa tunngavigalugu inatsisitigut aalajangersakkamik immikkoortitsineq toqqammavisigisimavaa toqoraanernillu inuiannillu naalliutsitsinernik annertuunik kinguneqartitsisimalluni. Apartheid-mut assersuussineq annertuumik eqqunngitsumik paasissutissiineruvoq.

Nunatsinni naligiinnissaq naligiissitaanerlu Inuit Ataqatigiit anguniagaraarput.

Immikkoortitsinernik naligiinnginnermillu akiuinissamut iliuuseqarnissamut tamanik qaaqqusivugut. Oqallinnermili kamassarneq uumissuinerlu atorneqassanngilaq. Oqallinnermili pisariaqartumi apartheid-mik assersuussinerit kamassarnerillu avissaartuutitsinermik annertuumik pilersitsissapput, tamannalu akerlilerumavarput.

Inuiaqatigiittut assigiinngisitaartutut assigiinngissutsivut ammasumik eqqartorsinnaasariaqarpavut. Ersoqatigiinneq naleqartitatut tunngavigigaanni tamanna pingaartinneqassaaq. Nunarsuarmioqatigiilli akornanni kusanaannerpaamik naalakkersueriaaseqarsimanernut assersuutigissallugit tunngavissaqanngilluinnarpoq.

Partii Naleqqamut ilaasortap Per Rosing Petersen-p apartheid-p nalaani atukkanut assersuussisaqattaarnera Inuit Ataqatigiinnit sakkortuumik akerlilerumavarput.

Inuit Ataqatigiit