Allattoq: Aqqaluaq B. Egede Politikkikkut oqaaseqartartoq

Atuisut salliutinneqassapput

Nukissiorfiitingerlatsinikkulli nutarterinerat innuttaasut kiffartuunneqarnissaat salliutillugit ingerlassasoq qularutiginngilarput.  Ulluni kingullerni Naalakkersuisut Nukissiorfiit aqunneqarneranut akuliunnerat oqallinnermik pilersitsivoq.

Ilisimavarput digitalimik atuinermik aallaaveqarluni inuiaqatigiinni pisortat kiffartuussinissamik takorluugaat inuiaqatigiinni suli naammattumik piareersimaffigineqanngitsoq.

Inuit Ataqatigiit pingaartilluinnarparput Nukissiorfiit mianersuulluinnakkamik aaqqissuusseqqinnissaat. Atuisunik akiliisitsiniartarneq aammalu akiitsoqalersitsinaveersaarnissaq, taamatullu siunissami inuit angerlarsimaffimminnit anisitaasartut amerlinnginnissaat qulakkeerluinnarlugit atuisut kiffartuussinikkut salliutillugit periusissiorfigineqartariaqarput. Aaqqissuusseqqinneq tassaasariaqanngimmat inuiaqatigiinni pisortat sullissinerannik ajorseriaataasussaq.

Inuit Ataqatigiit tunngaviusumik isumaqarpugut  ingerlatseqatigiiffiit Nukissiorfittut ingerlasut tamarmik ingerlatsinikkut pitsaasumik nunatsinni inuiaqatigiinnilu kiffartuussilluassasut. Aningaasaqarnikkut ingerlatseqatigiiffinni sipaarniartoqassappat peqataajumavugut. Tamannali isumaqanngilaq pipallatamik soraarsitsiortorluni kommunit inuiaqatigiillu ingerlaniarnerannut siuarsarniarnerannullu aamma sulisartoqassutsikkut innarliisumik ingerlatsinikkut pisassasoq. Naamik,  ataatsimut isigalugu aningaasaqarnikkut inuiaqatigiinnullu pitsaasumik aaqqissuussinerit Naalakkersuinikkut qulakkeerinninnissaq piumasaqaataasariaqarpoq.

Tamanna Inuit Ataaqatigiinniit pitsaasumik suleqataaffigissallutigu piareersimalluinnarpugut.

Share and Enjoy !

0Shares
0 0 0