Inuit Ataqatigiit napparsisut atugaasa pitsanngorsaaffigineqarnissat uteriilluta anguniagarput kiisami iluatsippoq.

Inatsisartunut ilaasortap Mimi Karlsen-p Inuit Ataqatigiit, Kalaallit Peqqissartut Illuanni, qanigisamik akeqanngitsumik ineqateqarsinnaaneq nerisaqarsinnaanerlu siunnersuutaa akuerineqartussanngorpoq.

Ukiaq eqqartorneqarmat Naalakkersuisumit allaat 18. mio kr-nik akeqarnissaannik oqalunneq eqqorsimanngilaq. Maannakkummi Naalakkersuisut 2mio.kr atorlugit siunnersuut akuerisinnaaneralerpaat.

Ulorianartumik nappaammik tusarlerneqarneq, inuunerup naalerneratut tusarlerneqarnermut assersuunneqarsinnaavoq, naak qujanartumik qaangiisut amerliartoraluartut.

Eqqarsaaterpassuit nalaanneqartarput, annakkusunneq piusarpoq, asasanut najuerusunnerujussuaq takkuttarpoq. Ernuttat, ernutaqqiutit, tassa inooqataarusunneq annertungaartoq takkuttarpoq.

Nuannaarpugut tussunngullutalu, inuit pinartumik napparsimasut, ilaquttaminillu najorneqarnissamik pisariaqartitsisut matumuuna inigisaminnut nerisaminnullu akiliuteqartariaarutissammata.

Inuiaat napparsimasortaminnut iliuuseqarsinnaasariaqarput tamatta illersorsinnaasatsinnik.

Agathe Fontain, Inuit Ataqatigiit