Eqqaaveqarneq pillugu suleqatigiinnissarput pisariaqarpoq
Nunatsinni eqqagassaqarnikkut ajornartorsiuteqarneq nunatut ajornartorsiutigaarput. Aasaanerit tamaasa eqqagassarpassuit eqqartorneqarneqartarput.
Kommune Qeqertalimmi Inuit Ataqatigiit gruppiat isumaqarpoq eqqagassaqarnikkut ajornartorsiuteqarneq nunatut ajornartorsiutaasoq. Ajornartorsiullu iliuuseqarfigissagaanni iliuuseqartussat tamarmik ataqatigiissaakkamik iliuuseqarnissaat avaqqunneqarsinnaanngitsoq.
Kommune Qeqertalimmni Inuit Ataqatigiit gruppiani siulittaasoq Mariane S. Larsen tamanna pillugu ima oqaaseqarpoq: ”Eqqagassaqarnermut paaseqatigiissutaasumik iliuuseqarnissaq siunertaralugu kommunalbestyrelsemi eqqartueqatigiittariaqarpugut, kommunellu tallimaasut akornimminni tamanna oqaloqatigiissutissaattut aamma isigaara. Eqqagassaqarnermut aaqqissuussinermi kommuunit nunaqarfinnilu aqutsisut kisimik isumalluutaassanngippata nuna tamakkerlugu iliuuseqartussat, Inatsisartut aammalu Naalakkersuisut ataqatigiissaakkamik suliaqarnissarput iliuusissamillu pilersaaruteqarnissarput anguniarneqartariaqarpoq.”
Nangipporlu: ”Inuit Ataqatigiit Kommune Qeqertalimmi gruppiata kommunalbestyrelsemi partiit tamaasa eqqagassalerineq pillugu suliniutinik siuarsaanissamut suleqatiseraagut, pisariaqarpoq aaqqiissutissarsiortumik iliuuseqarnissarput, iliuuseqannginneq pissusitoqqanik nikinneq ajortunik ingerlatitseqqiinerusarpoq, suleqatigiinnikkulli iliuusissagut paaseqatigiissutigigutsigit alloriaateqarsinnaavugut.”
Piffisami aggersumi eqqagassalerineq pillugu kommunalbestyrelsemi iliuuseqarnissaq pillugu oqaluuserisassanngortitsinissaq pisariaqartoq gruppimi siulittaasuusup innersuussutigaa.
Mariane S. Larsen
Kommune Qeqertalimmi Inuit Ataqatigiit gruppianni siuittaasoq
Attavissaq: 54 44 69