ππππππππππππππππ ππππππππππ
Inuit Ataqatigiit ersarilluinnartumik nunatsinni Kuannersuarnilu uranisiortoqannginnissaanik isumartik attappaat ataatsimoorullugulu.
Taamaammat Kujataani Kommunimi Inatsisartunilu qinigaatitatta piffissami kingullermi Kuannersuarni aatsitassarsiorsinnaanerup periarfissatut isigalugu oqallittoqaleqqinnera unitsinneqartariaqartutut isumaqarfigaat.
Kujataanimi innuttaasut Kuannersuit eqqaani najugallit, qinersinermi kingullermi oqariartuutaat ataqqineqartariaqarpoq.
Innuttaasut ernumatiinnavillugit inuutinneqarsinnaanngillat. Inissaminiiginnarporlu Kuannersuarnut ammaaseqqinniarpalaarluni ernumasitsinermiit, kingullermik qinersinermi innuttaasut Kuannersuarni aatsitassarsiornissamut akerliunerat tusaassallugu.
Naammaqaaq apeqqut taanna pillugu inuiaqatigiinni ernumallutalu avissaatuunnerput. Nukivut ataatsimut kattullugit periarfissanik allanik ujartuiniarta, inuiaqatigiillu pitsaanerpaamik toqqissisimanartumillu ineriartornissaat toqqammavissillugu.
Kommune Kujallermi Kommunalbestyrelsimi Inuit Ataqatigiit sinnerlugit ilaasortat.
Kommune Kujallermi Inuit Ataqatigiit immikkoortortaqarfii Narsaq, Qaqortoq aamma Nanortalik.
Inuit Ataqatigiit tunuliaqutaralugu inatsisartunut ilaasortaq, Mariane Paviasen.