Angusaasut takussutissiarinerat manna tassaavoq politikkikkut suliat Inuit Ataqatigiit Folketingimi qularnaareqataaffigisimasaasa takussutissiarinerat. 2023-mi Inuit Ataqatigiit qularnaarpaat 55,8 mio. kr. Nunatsinni Danmarkimilu kalaallinut aamma politiit isertitsivinnilu sulisut akissarsiaasa ataavartumik qaffanneqarnissaannut atugassat.

Atugarissaarnermut tungasut

Angerlarsimaffiup avataanut inissiinermut atatillugu angalatittakkat – 4,4 mio. kr.

Inuit Ataqatigiit qularnaarpaat Peqatigiiffik Kalaallit Meerartaat aqqutigalugu angalasartussanut aningaasaliinissaq, taakkua Danmarkimi meeqqat kalaallit angerlarsimaffimmik avataanut inissinneqarnerinut atatillugu suliamik suliaqartut Kalaallit Nunaanni pissutsinik siunnersorneqarlutillu paasitinneqarnissaat isumagisassavaat.

Tarnip pissusiinik misiliutit nutaat & ilaqutariinnut kalaallinut paasititsiniutit – 2,9 mio. kr.

Inuit Ataqatigiit qularnaapaat kulturi aallaavigalugu tarnip pissusiinik misiliutissanut kalaallisuunut nutaanut aningaasaliissutit, Danmarkimi angajoqqaat kalaallit angajoqqaatut piginnaasaqassusiinik misissuinerni atugassat. Aammattaaq qularnaarneqarput ilaqutariit kalaallit Danmarkimiittut paasissutissinneqartarnissaannut atortussiassanut aningaasaliissutit, paasititsiniutigineqartassallutik pineqartut pisinnaatitaaffii aamma Danmarkimi inunnik isumaginninnerup iluani neqeroorutit, kiisalu kulturikkut assigiinngissutsit. Suliniutit ’Social- og Boligstyrelsen’-imi inissinneqassapput.

Angerlarsimaffiup avataanut inissiinermut atatillugu angalatittakkat sulinerannik naliliineq – 0,5 mio. kr.

Inuit Ataqatigiit qularnaarpaat angerlarsimaffiup avataanut inissiinermut atatillugu angalatittagassat siunnersuisarnerinut sulinerinullu tunngatillugu misilittakkanik katersinissamut aningaasaliisoqarnissaa. Naliliineq isumagineqassaaq uannga:  Det Nationale Forsknings- og Analysecenter for velfærd (VIVE).

Persuttaasarneq pitsaaliorniarlugu angutinik katsorsaaneq – 2 mio. kr.

Inuit Ataqatigiit qularnaarpaat persuttaasarneq pitsaaliorniarlugu angutinik katsorsaasarnissamut aningaasaliisoqarnissaa.

Kalaallit peqatigiiffiinut tapiissutit – 1,5 mio. kr.

Inuit Ataqatigiit ilaatigut qularnaarpaat peqatigiiffimmut MAPI-mut tapiissuteqartioqarnissaa.

Kalaallinik Danmarkimiittunik qulaajaalluni misissuineq – 3 mio. kr.

Inuit Ataqatigiit qularnaarpaat VIVE-p innuttaasunik kalaallinik Danmarkimiittunik misissuinissaanut aningaasaliisoqarnissaa, tamatumani siunertaavoq Kalaallit Nunaanniit Danmarkimut nuuttarnerit ilusaat tamatumunngalu pissutaasartut. Misissuinerup aammattaaq qulaajassavaa kalaallit Danmarkimiittut suliffissaqarnikkut inissisimanerat.

Danmarkimi kalaallit amerlanerit suliffeqalernissaat – 3 mio. kr.

Inuit Ataqatigiit qularnaarpaat kommunini toqqakkani – kalaallillu suliffeqanngitsut immikkut amerlassuseqarfigisaanni – anguniagalimmik suliniuteqartoqarnissaanut aningaasaliisoqarnera.

Nunanut allanut tunngasut

ICC Greenlandip nunat tamalaat akornanni siulittaasoqartitsineranut tapiissutit – 3 mio. kr.

Inuit Ataqatigiit Siumut suleqatigalugu qularnaarpaat Inuit Circumpolar Council Greenlandip nunat tamalaat tapersernissaannut aningaasaliisoqarnissaa, Inuit pisinnaatitaaffiisa siuarsarnissaat qularnaarnissaallu siunertaralugu.

Inuussutissarsiutinik siuarsaaneq  

Kalaallit Nunaanni sumiiffinni ataasiakkaani attaveqaateqarnerup annertusaaviginera – 9,5 mio. kr.

Inuit Ataqatigiit qularnaarpaat annikinnerusutigut attaveqaateqarnerup annertusaaviginissaanut aningaasanik immikkoorsisoqarnissaa, tamatumani siunertaralugu Kalaallit Nunaanni sumiiffinni ataasiakkaani aallaaveqartumik nungusaataanngitsumillu takornariaqarnermut inuussutissarsiuteqarnermullu atatillugu attaveqaateqarnerup annertusaaviginissaa.

Foodlab Kujaata – 4 mio. kr.

Inuit Ataqatigiit Siumut suleqatigalugu qularnaarpaat igaffimmut nutaaliorlunilu tunisassiorfiusussamut Foodlab-imut aningaasaliinissaq. Suliniummi siunertaavoq Kujataani sumiiffinni ataasiakkaani aallaaveqartumik inuussuttissarsiutinik takornariaqarnernillu siuarsaanissaq.

Ilinniartitaaneq ilisimatusarnerlu

Københavnimi Aalborgimilu ilinniartunut inissianik pilersitsillunilu ingerlatsineq – 6 mio. kr.

Inuit Ataqatigiit Siumut suleqatigalugu qularnaarpaat Københavnimi Aalborgimilu kalaallinut ukioq siulleq ilinniartunut inissianik ingerlatsillunilu pilersitsinissamut aningaasaliinissaq.

Kulturi

Suliniutip ’Sjómaq’-ip ingerlateqqinnissaa – 12 mio. kr.

Inuit Ataqatigiit Sambansflokkurin suleqatigalugu qularnaarpaat Suliniutip ’Sjómaq’-ip Dansk Ungdoms Fællesråd-ip ataani  ingerlateqqinnissaanut aningaasaliinissaq. Suliniummi siunertaavoq Naalagaaffeqatigiinnerup iluani inuusuttut akornanni attavigiinnerit patajaallisarnissaat, illugiimmik ilisimasaqarnerup annertusarnissaa ataatsimooqatigiiffinnillu nutaanik pilersitsinissaq.

Kulturimut immikkoortitat – 4 mio. kr.

Inuit Ataqatigiit qularnaarpaat kulturimut tunngasunut atugassanik immikkoortitsisoqarnissaa, tamatumani pineqarlutik kulturikkut suliuniutit Kalaallit Nunaannut attuumassuteqartut, Danmark aamma Kalaallit Nunaat akimorlugit paaseqatigiinnerup siuarsarnissaanik siunertaqartut.

Inatsisinik atuutsitsinermut tunngasut

Sulianut assigiinnut akissarsiat assigiit – Aningaasarsiat ataavartumik qaffannerat

Inuit Ataqatigiit qularnaarpaat Kalaallit Nunaanni politiit isertsitsivinnilu sulisut atorfeqarnermikkut akissarsiatigullu pitsaanerusunik atugassaqartitaanissaat.