Inuit Ataqatigiit

Tusagassiuutinut nalunaarut, Asii Chemnitz Narup, Inatsisartunut ilaasortaq

Imminut iluaqutissarsiniarluni peqquserluttarnnerup akiornissaa pillugu FN-imi isumaqatigiissut Kalaallit Nunaannut aamma atuuppoq

Kalaallit Nunaanni attavilersuutit, aatsitassarsiornerit nukissiuutillu pillugit suliniutissatut pilersarutit isertitsissutaasinnaapput siuariartortitsiinnaallutillu. Kisiannili aningaasat annertuut nunanilu tamani suleqatit pineqarpata nunatsinni imminut iluaqutissarsiniarluni peqquserluttarneq aamma annertuseriaannaavoq. Kalaallit Nunaat imminut iluaqutisssarsiniarluni peqquserluttarnerup akiornissaa pillugu FN-ip isumaqatigiissutaanut ullumikkut peqataanngilaq, tamannali allanngortinneqartariaqarpoq, Asii Chemnitz Naarup IA-meersoq Inatsisartut aalajangiiffigisassaattut siunnersuummik 9. novembari saqqummiussisussaq isumaqarpoq.

Sanaartornertigut aallartinneqareersutigut aamma aatsitassarsiornissamik ataavartumillu nukissiuuteqalernissamik suliniutitigut pilersaarusiorneqartutigut Kalaallit Nunaat suliffeqarfinnut aningaasaliisartunullu soqutiginarsarniarsaraarput. Kisianni suliniutit taamaattut pilersissinnaasaannik annertuunik iluanaaruteqarnissamik ilimasuuteqalersitsisut imminut iluaqutissarsiniarluni peqquserloriataarsinnaaneq aamma annertuseriataartissinnaavaat.

Imminut iluaqutissarsiniarluni peqquserluttarnerup akornissaqarnissaa pillugu FN-imi isumaqatigiissutip akuerineqarnissaa pillugu alajangiiffigisassatut siunnersuut
Taamaammat Asii Chemnitz Naarupip IA-meersup siunnersuutigaa imminut iluaqutissarsiniarluni peqquserluttarnerup akiornissaa pillugu FN-imi isumaqatigiissut Kalaallit Nunaata akuerissaga. Isumaqatigiissut Danmarkip 2006-imi akueraa, akuersinerli naalagaaffiup ilagisaatut taaneqartartunut Kalaallit Nunaanut Savalimmiunullu atuutinngilaq. Tamassuma kinguneraa Kalaallit Nunaata isumaqatigiissut akuerissanerlugu nammmineq aalajangersinnaagaa. Tamanna suna pinngilaq.

  • Imminut iluaqutissarsiniarluni peqquserluttarneq tamat oqartussaaneranni ingerlatsiviit naleqartitallu ajoqusernerisigut inuiatigiit patajaassusiannut isumannaallisarneqarnerannullu annertuunik kinguneqarsinnaavoq. Taamaammat imminut iluaqutissarsiorluni peqquserluttarnermik pinngitsoortitsiniarnissamut atortut atussavagut, uanilu FN-imi isumaqatigiissut sakkussaalluarpoq, Asii Chemnitz Narup oqarpoq.

Isumaqarpoq isumaqatigiissutip akuerineqarneratigut assersuutigalugu suliffeqarfiit sanaartortitaasut pitsaassuseq pitsaanerpaaq atorlugu sanaartorsinnaasut suliffeqarfillu sulissaq pissarsiariniarlugu immikkut akiliuteqartut sanaartortinnginnissaannut qulakkeerutaasinnaasoq – tamanna nunarpassuarni sanaartornernut angisuunut atatillugu takuneqartarpoq. Isumaqatigiissut imminut iluaquserniarluni peqquserlunnerit akiornissaannut sakkuuvoq inatsisilerinermi nunat tamat akornanni sakkut pingaarnerit ilagisaat.

Asii Chemnitz Narup peqatigitillugu aamma isumaqarpoq isumaqatigiissutip akuerineqarneratigut Kalaallit Nunaat nunatut nammineq inatsiseqartutut nunarsuarmi inuiaqatiginnut ilaasutut oqaiartuuteqarnerani: pingaaruteqartoq.

  • Kalaallit Nunaat nunani killerni inuit oqartussaaqataffigisaanni allatuulli malittarisassanik malitassaqarpoq. Isumaqatigiissutip akuerineqarnera aningaasaliisussanut annertuumik pingaaruteqartumillu oqariartuutaassaaq, isumaqarpungalu suliniutit annertuut siunissami ineriartortikkusussagutsigit pingaaruteqarsinnaasoq.

IMMINUT ILUAQUTISSARINIARLUNI PEQQUSERLUTTARNERIT AKIORNISSAAT PILLUGU FN-IMI ISUMAQATIGIISSUT PILLUGU PAASISSUTISSAT
Isumaqtigiissut 2005-imi atuutilersinneqarpoq. Tassani siunertaapput:

–  Imminut iluaquserniarluni peqquserluttarnerit sunniuteqarnerusumik pinaveersimatinnissaannut akiornissaannullu iliuutsit siuarsarnissaat annertusarnissallu

–  nunat tamat akornanni suleqatigiinnerup tekinnikkullu ikiuuttarnerup siuarsarnissaat, ajornannginnerulersinnissaat tapersernissaallu

–  innarligassaannginnerup, akisussaassuseqarnerup pisortallu ingerlatsineranni aamma pisortat pigisaanik pitsaasumik aqutsinissap siuarsarnissaat

 

Uani annertunerusumik atuarit: https://www.unodc.org/unodc/en/treaties/CAC/

Aalangiiffigisassatut siunnersuutip normua tassaavoq 36 Inatsisartunilu ulloq 8. novembari 2022 siullermeerneqsaalluni.

Siunnersuut uani takuneqarsinnaavoq:

https://ina.gl/dvd/EM%202022/pdf/media/2553408/pkt36_em2022_bf33_korruption_aschn_inuit_ataqatigiit_da.pdf

DEL

Del på Facebook
Del på Twitter
Del på Linkdin

Skrev en kommentar

Scroll to Top