Issittumi ineriartornermut sunniuteqassaagut

Naalakkersuisut siulittaasuata naalagaaffeqatitta siuttuinik sapaatip akunnerata siuliani ataatsimeeqateqarnerani oqariartuutigineqartoq Inuit Ataqatigiit inissaminiittutut isigalugu nuannaarutigaat.

Issittumi Siunnersuisoqatigiinni nunatta akuutinneqarnera annertunerulersinneqarmat pissusissamisoorluinnarpoq, uagummi tassaavugut naalagaaffeqatigiinni issittormiut.

Ukiuni aggersuni nunanut allanut sillimaniarnermullu politikki eqqarsaatigalugu Inuit Ataqatigiit nunatta Inatsisartuisa suli annerusumik naalagaaffeqatigiinnerup iluani sunniuteqarnerulernissaat siunertaralugu sulissaaq. Pingaartuteqartutut isigaarput suleriaatsit naalagaaffeqatigiinnerup iluani atuutut maanna nunatta soqutigineqarnera eqqarsaatigalugu nutarterneqassasut.

Issittumi Siunnersoqatigiinni nunatta oqartussaaffiata annertusarneqarneranut tunngatillugu Naalakkersuisuvut neriuuteqarfigaavut naggueqatigiit Inuit suleqatigalugit naalagaaffinnut oqariartortassasut, minnerunngitsumillu nunatta ineriartornissaanut suleqatigiissutigineqarsinnaasut naalagaaffinnut oqariartuutigineqassasut.

Oqaloqatigiinnerit pitsaasut aqqutigalugit angusarput takutitsivoq nunatsinni siuttoqarnikkut iliuuseqarsinnaaneq qanoq pingaaruteqartigisoq.

Inuit Ataqatigiit

Eqimattami siulittaasoq

Agathe Fontain

DEL:

Share on facebook
Del på Facebook
Share on twitter
Del på Twitter
Share on linkedin
Del på Linkdin
Share on email
Del på Mail

Skriv en kommentar

Scroll to Top