Suliaq tunngavigalugu attaviitsutullu innuttaasunut qaammarsaneq

Inuit Ataqatigit Inatsisartuni ilaasortaat

Inuit Ataqatigiit Naalakkersuisut paasissutissiisarnermi periusaannut paatsuungavoq. Inuit Ataqatigiit tunngaviusumik isumagivaat, innuttaasut qanorluunniit naalakkersuinikkut isumaqaraluarunik qularutissaqannguaratik pisortanit assigiimmik sullinneqassasut. Naat-sorsuutigisinnaasariaqarparput Naalakkersuisut tamatta sinnerluta sulissasut, tamattami naalakkersuisoraagut.

Namminersorlutik Oqartussani avammut attaveqartarnermut ataqatigiissaarisussamik ator-finitsitsiniarnermi ersarissumik nassuiaasoqareeraluartoq, isumaqarpugut atorfinitsitsiniar-nermi ingerlariaaseq isornartortaqarsimaqisoq.

Siullertut paasiuminaatsipparput sooq tusagassiuinermik suliaqarfiup atorfeqartitsivio-reersup suliassaq naammassisinnaanngikkaa. Atorfilittanimmi sulisoqarpoq tusagassiorfinnik sullissisussanik innuttaasunullu paasissutissiisartussanik. Taamaattoqarnerani suliap asser-luinnaanik suliaqartussamik atorfinitsitsiniarneq aningaasanik pisariaqanngitsumik atuinertut isigaarput, ingammik ingerlatsinermi aningaasartuutikillisaasariaqarnerup nalaani inuu-tilluta.

Uggornartututtaaq isigaarput suliassap suliarinnittussarsiuunneqarsimannginnera, qular-nanngimmammi attaveqaqatigiinerup iluani misilittagaqarluartunik, taamaattumillu suliamik suliaqarnissaminnik pilerisussinnaasunik.

Tupaallaatigivarput aamma Naalakkersuisut siulittaasuata pisortatigoortumik Danmarkimut tikeraaqqaarnermini, assit nassiussuunneqartut naapertorlugit, Namminersorlutik Oqartus-saniit ataasiinnavimmik ingiallorteqarmat, avataaniit utaqqiisaasumik atorfinitsitaa-gallartumik kiisalu Partiip Siumup siunnersortitut atorfeqartitaanik. Isumaqarpugut tamanna Naalakkersuisut siunnersortinnermut pingaarnersiuinerannut ernumanartumik inissiisoq. Pissusissamisoorsorinarpoq Naalakkersuisut siulittaasuat Naalakkersuisoqataalu eqqaa-sissallugit nuna tamakkerlugu sinniisuummata innuttaasullu parti tapersersugaq apeq-qutaatinnagu sulisussaammata, partii ataaseq kisiat sullinnagu partiillu taassuma qinersisai kisiisa pinnagit.

Tamassuminnga ernummateqarneq naqissuserneqarpoq KNR-ikkut tusaratsigu Aningaa-saqarnermut Naalakkersuisoq kujataani innuttaasunut Siumup aaqqissugaanik innut-taasunut ataatsimisitsisaqattaarpaluttoq. Tupinnaqutigaa innuttaasunut ataatsimiisitsineq qulequtserneqarsimammat innuttaasunut tamanut sanaartorneq pillugu  nalinginnaasumik paasissutissiineq. Isornaquteqanngilluinnarpoq partiimi nuimasup parteeqatini sumiiffinni assigiinngitsuneersut naapikkusussappagit, isornarluinnarporli Naalakkersuisut sinnerlugit suliaqarnermi partiip soqutigisai taputartuunneqarpata.

Ullumi nunatta pitsaasumik tusaamaneqaatigaa naalakkersuinikkut toqqissisimanartutut ingerlatsiviunini ingerlanneqarnerminilu partiinut ataasiakkaanut pituttoqannginnini.
Tamakku tusaamaneqaatit ilaatigut aatsitassarsiorfinnut aningaasaliiffigineqarnissatsinnut pilerinartunngortippaatigut, naak aningaasaliiffigissalluta akisuupilussuugaluartugut. Tusaamaneqarnerput innarlerneqarpat tamassuma ajornartorsiortupilussuanngortissa-vaatigut.
Nunatta tusaamaneqarnerata pitsaasuunissaa tamatta sulissutigisariaqarparput. Tassa naalakkersuinikkut anguniakkanut politikerit isummersortassapput suliffeqarfiit allaf-feqarfiillu ingerlatsinerinut akulerunnatik.  Atorfillillu sulianut tunngasuteqartunik sulia-qassapput naalakkersuinikkut suliaasunut akulerussuunnatik. Naalakkersuinikkut sulia-qartutut qulakkeertariaqarput kinaluunniit isumaqalissanngitsoq partiitut soqutigisat, allaffeqarfiit ingerlanneqarnerat politikerillu ingerlatsinermut akulerusuunniartut akornanni oqimaaqatigiissutsip killup tungaanut saaleqisoq.

Inuit Ataqatigiit Kattuffiat

Imaneq 2
Postbox 321
3900 Nuuk
Kalaallit Nunaat
Phone: (+299) 329888
Website: http://www.ia.gl
Email: ia@ia.gl